آرمی راکٹ فورس کمانڈ بنانے کا اعلان: سیاسی جماعتوں کو میثاق پاکستان کی دعوت دیتا ہوں، وزیراعظم: یوم آزادی، معرکہ حق کی فتح کے جشن کی تقریب، صدر، فیلڈ مارشل کی بھی شرکت
اشاعت کی تاریخ: 14th, August 2025 GMT
اسلام آباد (خبر نگار خصوصی +نوائے وقت رپورٹ) جناح سپورٹس کمپلیکس میں یوم آزادی اور معرکہ حق کی فتح کے جشن کی تقریب ہوئی۔ صدر مملکت‘ وزیراعظم اور تینوں مسلح افواج کے سربراہان‘ وفاقی کابینہ ارکان‘ قومی اسملی و سینٹ کے ارکان شریک ہوئے۔ تقریب میں بڑی تعداد میں شہری اور دوست ممالک کے سفراء بھی شریک ہوئے۔ تینوں مسلح افواج پر مشتمل میوزک بینڈ نے شاندار مارچ پاسٹ پیش کیا۔ پاک آرمی‘ پاک بحریہ اور فضائیہ کے چاق و چوبند دستوں نے مارچ پاسٹ پیش کیا۔ پنجاب رینجرز‘ ایف سی خیبر پی کے دستوں نے بھی مارچ پاسٹ کیا۔ مسلح افواج کے دستوں نے سلامی کے چبوترے کے سامنے مارچ پاسٹ کیا۔ پروقار تقریب میں پاک فضائیہ کے شاہینوں نے سلامی دی۔ تقریب میں علم بردار دستے نے مارچ پاسٹ کا شاندار مظاہرہ کیا۔ پریڈ کمانڈر لیفٹیننٹ کرنل محمد عمر اعوان نے صدر مملکت کو پریڈ پیش کی۔ تقریب میں ایس ایس جی کمانڈوز نے مارچ پاسٹ کیا۔ تقریب میں دوست ممالک کے فوجی دستوںنے مارچ پاسٹ کیا۔ 78 ویں جشن آزادی اور معرکہ ح میں کامیابی کی مناسبت سے اسلام آباد جناح گراؤنڈ میں پروقار تقریب ہوئی جس میں صدر‘ وزیراعظم اور فیلڈ مارشل سمیت اعلیٰ سول و عسکری قیادت شریک تھی۔ وفاقی وزراء‘ دوست ممالک کے سفراء‘ ارکان اسمبلی سمیت شہریوں کی بڑی تعداد شریک تھی۔ تینوں مسلح افواج کے دستوں نے پریڈ کا مظاہرہ کیا، سلامی دی۔ پاک فضائیہ کے طیاروں نے اپنے فن کا مظاہرہ کیا‘ کرتب دکھائے جبکہ ترکیہ اور آذربائیجان کے دستوں نے مارچ پاسٹ کیا۔ وزیراعظم شہباز شریف نے یوم آزادی اور معرکہ حق کی مرکزی اور پروقار تقریب سے خطاب کرتے کہا کہ تحریک پاکستان کے تمام قائدین اور کارکنوں کو سلام عقیدت پیش کرتا ہوں۔ آج کے دن کی طویل تاریخ ہے۔ ہم نے جشن آزادی کو معرکہ حق کا نام دیا ہے۔ ہمارے بزرگوں کی قربانیاں ہر جگہ نظر آتی ہیں۔ یہ صرف آزادی کی جنگ نہیں دو قومی نظریئے کی بھی فتح تھی۔ بھارت نے جھوٹے الزام کی آڑ لیکر پاکستان پر حملہ کیا۔ بھارت کو گھمنڈ تھا کہ وہ طاقت کی بدولت پاکستان کو زیر کر لے گا۔ چار دن کے اندر بھارت کا غرور مٹی میں مل گیا۔ بھارت کی آنے والی نسلیں اس شکست کو یاد رکھیں گی۔ ہماری مسلح افواج کی جرأت اور بہادری نے تاریخ اور جغرافیہ بدل ڈالا۔ معرکہ حق نے ثابت کیا کہ ہم اس آزادی کی حفاظت کرنے کی طاقت رکھتے ہیں۔ جشن آزادی کو معرکہ حق کا نام دیا گیا ہے۔ آپ سب کو یوم آزادی کی مبارکباد پیش کرتا ہوں۔ بھارت کے خلاف عظیم کامیابی پر مسلح افواج کو خراج تحسین پیش کرتے ہیں۔ دشمن نے رات کی تاریکی میں پاکستان پر حملہ کیا۔ ہمارے بہادر جوانوں نے سیسہ پلائی دیوار بن کر دشمن کا مقابلہ کیا۔ ہماری ایٹمی طاقت کسی طور پر جارحانہ سوچ نہیں رکھتی۔ ہم نے بھارت کی جوہری طاقت کے مقابلے میں ایٹمی طاقت کے حصول کا راستہ اپنایا۔ ہمارے دوست ممالک نے مشکل گھڑی میں ہمارا حوصلہ بڑھایا۔ چین‘ سعودی عرب‘ ترکیہ‘ یو اے ای‘ آذربائیجان اور ایران نے پاکستانی مؤقف کی کھل کر حمایت کی، ان کا شکریہ ادا کرتا ہوں۔ امریکی صدر ٹرمپ کا شکریہ ادا کرتا ہوں جنہوں نے جنگ بندی کیلئے ٹھوس کوششیں کیں۔ امید ہے صدر ٹرمپ کشمیر کا مسئلہ اقوام متحدہ کی قراردادوں کے مطابق حل کروائیں گے۔ پاکستان بحران سے نکل کر نئے معاشی دور میں داخل ہو رہا ہے۔ مسلم دنیا کی پہلی اور دنیا کی ساتویں ایٹمی قوت ہونے پر فخر ہے۔ فیلڈ مارشل کی قائدانہ صلاحیتوں سے بھارت کے خلاف عظیم فتح ملی۔ مسلح افواج نے بھارت کو ایسا سبق سکھایا جسے وہ کبھی بھلا نہیں پائے گا۔ آج کے عظیم دن پر تمام جماعتوں کو میثاق پاکستان کا حصہ بننے کی دعوت دیتا ہوں۔ پاکستان میں سب کو احتجاج کا حق ہے، جلاؤ گھیراؤ کا نہیں۔ پاکستان میں سب کو سیاست کا حق ہے بغاوت کا نہیں۔ تنقید کا حق ہے توہین کا نہیں۔ وقت آ چکا ہے کہ ہم سیاسی تقسیم‘ ذاتی مفادات اور کھوکھلے نعروں سے آگے بڑھیں۔ ہم آگے بڑھ کر پاکستان کیلئے اجتماعی سوچ اپنائیں۔ غزہ اور کشمیر میں بے گناہوں کا خون بہتا ہے۔ فلسطین اور کشمیر کے عوام کے ساتھ حقوق حاصل ہونے تک کھڑے رہیں گے۔ ہمارے پاس عظیم ماضی ہے۔ اب روشن مستقبل کی طرف بڑھنا ہے۔ اختلافات اپنی جگہ پاکستان کیلئے ہم سب ایک ہیں۔ پاکستان کو دہشت گردی کے خلاف جنگ میں 150 ارب ڈالر سے زائد نقصان ہوا ہے۔ وزیراعظم نے کہا کہ یہ میثاق معیشت کی بحالی کا منصوبہ نہیں وسیع تر قومی مفاد کی بنیاد ہے۔ پوری دنیا دیکھ سکے کہ ہمارے اختلافات اپنی جگہ مگر پاکستان کی خاطر ہم ایک ہیں۔ سیاست کا حق ہے مگر ریاست کے خلاف بغاوت کا نہیں۔ پاکستان کے ڈیفالت کا خطرہ ٹل گیا۔ معاشی ٹیم کی انتھک محنت پر خراج تحسین پیش کرتے ہیں۔ دیار غیر میں مقیم پاکستانی ملکی ترقی کیلئے کردار ادا کر رہے ہیں۔ مہنگائی کی سطح جو 34 فیصد پر پہنچ گئی تھی آج پانچ فیصد پر آ گئی ہے۔ شرح سود 21 فیصد سے گیارہ فیصد پر آ گئی ہے۔ فیلڈ مارشل عاصم منیر کا شکریہ سول حکومت کے ساتھ بھرپور تعاون کیا ہے۔ فیلڈ مارشل نے نیشنل ایکشن پلان سے لیکر نیشنل اکنامک پلان تک ہر سطح پر ہم آہنگی پیدا کی۔ پاکستان اور امریکہ کے درمیان تجارتی اور ٹیرف معاہدے میں بھی فیلڈ مارشل کا کلیدی کردار ہے۔ وزیر خزانہ اور معاشی ٹیم نے اہم کردار ادا کیا۔ پاکستان سٹاک مارکیٹ تاریخ کی بلند ترین سطح پر ہے۔ پالیسی ریٹ میں نمایاں کمی سے سرمایہ کاروں کا اعتماد بحال ہو رہا ہے۔ سیاسی اور عسکری ٹیم کے درست فیصلوں کی وجہ سے آج پاکستان معاشی آزادی کی راہ پر گامزن ہے۔ عالمی ادارے بھی تسلیم کر رہے ہیں پاکستان بحران سے نکل کر نئے معاشی دور میں داخل ہو رہا ہے۔ یوم آزادی اور معرکہ حق کی فتح کا جشن منا رہے ہیں۔ وزیراعظم شہباز شریف نے آرمی راکٹ فورس کمانڈ کی تشکیل کا اعلان کر دیا۔ انہوں نے کہا کہ جدید ٹیکنالوجی کی حامل اور دشمن کو ہر سمت سے نشانہ لگانے کی صلاحیت رکھنے والی یہ فورس ہماری روایتی جنگی صلاحیت کو مزید مضبوط کرنے کے حوالے سے ایک اور سنگ میل ثابت ہوگا۔
.ذریعہ: Nawaiwaqt
کلیدی لفظ: نے مارچ پاسٹ کیا آزادی اور معرکہ کے دستوں نے معرکہ حق کی فیلڈ مارشل دوست ممالک مسلح افواج پاکستان کی یوم آزادی آزادی کی کرتا ہوں کا حق ہے کا نہیں کے خلاف
پڑھیں:
408 پوزیشن ہولڈرز کے اعزاز میں شاندار تقریب، وزیراعلیٰ مریم نواز شریف کی خصوصی شرکت
وزیر اعلیٰ پنجاب مریم نواز شریف نے صوبہ بھر کے 408 پوزیشن ہولڈرز کے اعزاز میں ہوم اکنامکس یونیورسٹی لاہور میں منعقدہ شاندار تقریب میں شرکت کی۔
تقریب کا آغاز کوئین میری کالج کے میوزک بینڈ کی پیشکش سے ہوا۔ اس موقع پر ہوم اکنامکس یونیورسٹی کی طالبات نے وزیر اعلیٰ کو شال پہنائی اور پینٹنگز پیش کیں۔ وزیراعلیٰ مریم نواز شریف پوزیشن ہولڈر طلبہ کی نشستوں پر خود گئیں اور انہیں مبارکباد دی۔
پنجاب کے 9 تعلیمی بورڈز کے پوزیشن ہولڈر طلبا کے لیے 173.8 ملین روپے کا ریکارڈ کیش پرائز مختص کیا گیا۔ پہلی پوزیشن حاصل کرنے والے طلبا کو فی کس 5 لاکھ روپے، میڈل اور تعریفی سرٹیفکیٹ دیا گیا۔ دوسری پوزیشن ہولڈرز کو 3 لاکھ روپے، میڈل اور سرٹیفکیٹ، جبکہ تیسری پوزیشن حاصل کرنے والوں کو ایک لاکھ روپے کیش، میڈل اور سرٹیفکیٹ دیا گیا۔
مزید پڑھیں: مریم نواز سیلاب زدہ علاقوں کا جائزہ لینے چکوال پہنچ گئیں، متاثرین کے لیے مالی امداد کا اعلان
وزیراعلیٰ مریم نواز شریف کی ہدایت پر پوزیشن ہولڈرز کے اعزاز میں گارڈ آف آنر بھی پیش کیا گیا۔ پنجاب پولیس کے چاق چوبند دستے نے سلامی دی۔
تقریب میں اس وقت جذباتی ماحول پیدا ہوا جب کرسچن ٹیچر کے مسلمان شاگرد اور مسلم ٹیچر کے کرسچن شاگرد کا تذکرہ ہوا۔ حاضرین نے بھرپور جوش و خروش کا اظہار کیا۔
جی سی یونیورسٹی لاہور کی میوزک سوسائٹی نے علامہ اقبال کا کلام پیش کیا جبکہ گرلز کالج وحدت کالونی اور کوپر روڈ کی طالبات نے صوفیانہ کلام سنایا۔ گورنمنٹ کالج گلبرگ کی میوزک سوسائٹی نے قومی ترانہ اور ملی نغمے بھی پیش کیے۔
وزیر اعلیٰ مریم نواز شریف نے حافظ علی حمزہ کو تلاوت کی سعادت حاصل کرنے اور خدیجہ عبدالرزاق کو نعت خوانی پر اسٹیج پر بلا کر ان سے شفقت کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
408 پوزیشن ہولڈرز پنجاب مریم نواز
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل