پاکستان کے ساتھ ہمیشہ کھڑے تھے اور کھڑے رہیں گے، سعودی سفیر
اشاعت کی تاریخ: 23rd, September 2025 GMT
اسلام آباد:
پاکستان میں سعودی سفیر نواف بن سعید المالکی نے کہا ہے کہ سعودی عرب اور پاکستان کے طویل تاریخی، مذہبی، ثقافتی اور برادرانہ تعلقات ہیں، ہم پاکستان کے ساتھ ہمیشہ کھڑے تھے اور رہیں گے۔
سعودی عرب کے 95 ویں یوم الوطنی کے موقع پر جناح کنوینشن سینٹر اسلام آباد میں فقیدالمثال عشایے کا انتظام کیا گیا، جس میں بڑی تعداد میں گورنرز، وزررا، مذہبی رہنماؤں، سفارتی و سماجی شخصیات نے شرکت کی۔
تقریب میں تلاوت کلام پاک کے بعد دونوں ممالک کے قومی ترانے بجائے گئے اور دستاویزی ویڈیو بھی دکھائی گئی، وزیراعظم شہباز شریف کی جانب سے عربی زبان مین ریکارڈ شدہ تہنیتی ویڈیو پیغام بھی چلایا گیا۔
سعودی سفیر نواف بن سعید المالکی نے خطاب کرتے ہوئے کہا کہ پاک-سعودی عرب تعلقات صدر مملکت آصف علی زرداری اور وزیراعظم شہباز شریف کی قیادت میں بلندی کی نئی سطح دیکھ رہے ہیں۔
انہوں نے کہا کہ ہم ہمیشہ پاکستان کے ساتھ کھڑے تھے اور کھڑے رہیں گے۔
اس موقع پر مہمان خصوصی چیئرمین سینیٹ یوسف رضا گیلانی نے کہا کہ سعودی عرب سے پاکستان کا رشتہ دلوں کا رشتہ ہے، یہ تعلق مختلف چیلنجوں میں مزید مضبوط ہو کر سامنے آیا ہے۔
.
ذریعہ
ذریعہ: Express News
کلیدی لفظ: پاکستان کے
پڑھیں:
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد
چوہدری شوکت منظور چیمہ کی چھٹی برسی، سعودی عرب میں یادگاری تقریب کا انعقاد WhatsAppFacebookTwitter 0 3 June, 2026 سب نیوز
جدہ( خالد نواز چیمہ )3 جون 2020 کو اس دنیا سے رخصت ہونے والے وزیرآباد کے ہر دلعزیز رہنما، محسن و معمارِ وزیرآباد، سابق ممبر صوبائی اسمبلی چوہدری شوکت منظور چیمہ مرحوم کو بچھڑے آج چھ برس بیت گئے، مگر ان کی یادیں، خدمات اور عوام دوستی آج بھی لوگوں کے دلوں میں اسی طرح زندہ ہیں جیسے وہ آج بھی اپنے حلقے کے درمیان موجود ہوں۔
چوہدری شوکت منظور چیمہ مرحوم نے اپنی سیاسی اور سماجی زندگی عوام کی خدمت، علاقے کی تعمیر و ترقی اور لوگوں کے مسائل کے حل کے لیے وقف کیے رکھی۔ وزیرآباد اور گردونواح کے عوام آج بھی ان کے دورِ خدمت کو عزت اور محبت سے یاد کرتے ہیں۔ ان کی شخصیت شرافت، خلوص، محبت اور عوامی خدمت کی علامت تھی، یہی وجہ ہے کہ ان کے چاہنے والے آج بھی انہیں فراموش نہیں کر سکے۔
ان کی چھٹی برسی کے موقع پر سعودی عرب میں مقیم اوورسیز پاکستانیوں اور ان کے چاہنے والوں کی جانب سے ایک پُروقار یادگاری تقریب کا انعقاد کیا گیا، جس میں مختلف سماجی، سیاسی اور کاروباری شخصیات نے شرکت کی اور چوہدری شوکت منظور چیمہ مرحوم کی سیاسی، سماجی اور عوامی خدمات کو بھرپور انداز میں خراجِ عقیدت پیش کیا۔
تقریب کے شرکاء نے کہا کہ چوہدری شوکت منظور چیمہ صرف ایک سیاستدان نہیں بلکہ عوام کے حقیقی خیرخواہ اور وزیرآباد کی ترقی کے معمار تھے۔ انہوں نے ہمیشہ ذاتی مفادات سے بالاتر ہو کر عوام کے حقوق اور علاقے کی بہتری کے لیے جدوجہد کی۔ ان کی وفات سے پیدا ہونے والا خلا آج بھی محسوس کیا جاتا ہے۔
تقریب میں شرکاء نے حکومتِ پنجاب اور وزیر اعلیٰ پنجاب محترمہ مریم نواز سے مطالبہ کیا کہ چوہدری شوکت منظور چیمہ مرحوم کی سیاسی خدمات اور عوامی کردار کو مدنظر رکھتے ہوئے ان کی اہلیہ سابق ممبر صوبائی اسمبلی محترمہ طلعت شوکت منظور چیمہ کو پنجاب میں ایک باوقار اور اعلیٰ مقام دیا جائے، کیونکہ یہ نہ صرف ان کا حق ہے بلکہ عوامی خدمت کے اس تسلسل کا اعتراف بھی ہوگا جس کی بنیاد چوہدری شوکت منظور چیمہ نے رکھی تھی۔
تقریب کے اختتام پر مرحوم کے ایصالِ ثواب کے لیے خصوصی دعا کی گئی اور شرکاء نے اس عزم کا اظہار کیا کہ چوہدری شوکت منظور چیمہ کے خدمتِ خلق، محبت اور عوامی فلاح کے مشن کو ہمیشہ یاد رکھا جائے گا۔
اللہ تعالیٰ چوہدری شوکت منظور چیمہ مرحوم کے درجات بلند فرمائے، ان کی قبر کو نور سے بھر دے اور جنت الفردوس میں اعلیٰ مقام عطا فرمائے۔ آمین۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتحصیلدار فتح جنگ چوہدری شفقت محمود کی جانب سےاپنےعملے کے اعزاز میں عید ملن پارٹی کا اہتمام ایرانی جزیرے پر امریکی حملے کے بعد ایران کا جوابی وار، بحرین، عراق اور قطر میں سائرن بج گئے سابق وزیرِ اعلی پنجاب چوہدری پرویز الہی سے چیئرمین انوسٹر فورم اور سربراہ یارانِ جدہ چوہدری اظہر وڑائچ کی ملاقات *قومی اسمبلی کی قائمہ کمیٹی برائے کابینہ سیکرٹریٹ نے وفاقی حکومت کی جائیداد کے انتظام سے متعلق اتھارٹی کے قیام کیلئے قانون سازی کی... وزیراعظم محمد شہباز شریف کا بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک ایران-امریکا مجوزہ معاہدہ، عالمی مارکیٹ میں تیل کی قیمت میں کمیCopyright © 2026, All Rights Reserved
رابطہ کریں ہماری ٹیم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ