عورت تخلیق ہی نہیں بلکہ تعمیر انسان کی بھی ذمہ دار ہے،رخشندہ منیب
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
250930-08-19
حیدرآباد (نامہ نگار) حلقہ خواتین جماعت اسلامی سندھ کی ناظمہ رخشندہ منیب نے موجودہ حالات پر اظہارِ تشویش کرتے ہوئے کہا کہ عورت پر تشدد، غیرت کے نام پر قتل اور ہراسمنٹ جیسے واقعات میں اضافہ ناقص عدالتی نظام اور انصاف کی کمی کا نتیجہ ہے۔ عورت نصف انسانیت ہے جوتخلیق ہی نہیں بلکہ تعمیرِ انسان کی بھی ذمہ دار ہے۔ان خیالات کا اظہار انہوں نے جماعت اسلامی کے تحت مقامی ہال میں تحفظ عورت کا بنیادی حق کے موضوع پرمنعقدہ مذاکرے سے صدارتی خطاب کے دوران کیا۔ جس میں مختلف شعبہ زندگی سے تعلق رکھنے والی خواتین نے شرکت کی۔ناظمہ صوبہ سندھ رخشندہ منیب نے اپنی کلیدی خطاب میں کہا کہ حلقہ خواتین جماعت اسلامی پاکستان میں خواتین کی سب سے بڑی نمائندہ جماعت ہے جو ہر شعبہء زندگی میں عورت کے جائز حقوق کے لیے جدوجہد کر رہی ہے۔انہوں نے جماعت اسلامی کے مختلف شعبوں کا تعارف بھی پیش کیا۔نائب ناظمہ حلقہ خواتین صوبہ سندھ شگفتہ ابراہیم نے محسن انسانیت کے عنوان سے خطاب کرتے ہوئے کہا کہ نبی اکرم ؐایسے دور میں تشریف لائے جب عورت کو وراثت سے محروم رکھا جاتا اور لڑکی کی پیدائش باعثِ شرم سمجھی جاتی تھی، لیکن آپ صہ نے عورت کو عزت، وقار او ر حقوق عطا کیے جو آج بھی اس کے تحفظ کی ضامن ہیں۔مذاکرے میں طلعت یاسمین (ایڈووکیٹ ہائیکورٹ و ممبر اسلامک لائرز فورم)، ساجدہ یوسفانی (پروفیسر، سلیمان میڈیکل کالج)، عزرا جمیل (سیکریٹری جماعت اسلامی سندھ)، پروفیسر نائلہ خواجہ (ایجوکیشن اسکالر و سوشل ورکر) اور بشریٰ ضیا (سابق انچارج کیمسٹری ڈپارٹمنٹ شاہ لطیف کالج) نے بھی اظہارِ خیال کیا اور عورت کے قانونی و سماجی تحفظ پر مختلف پہلوؤں سے روشنی ڈالی۔آخر میں ناظمہ ضلع حیدرآباد غزالہ زاہد نے کہا کہ عورت کا تحفظ دراصل خاندان کی مضبوطی اور معاشرتی استحکام کی ضمانت ہے، اور یہی استحکام پاکستان کی بقا اور سلامتی کا راستہ ہے۔انہوں نے آخر میں معزز شرکائے مجلس کی آمد پر شکریہ ادا کیا۔
ذریعہ
ذریعہ: Jasarat News
کلیدی لفظ: جماعت اسلامی کہا کہ
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ