پیپلزپارٹی اور کراچی کی تباہی!
اشاعت کی تاریخ: 29th, September 2025 GMT
data-id="863a0a8" data-element_type="widget" data-widget_type="theme-post-content.default">
250930-03-2
کراچی آج تباہی اور بدانتظامی کی علامت بن چکا ہے۔ امیر جماعت اسلامی کراچی منعم ظفر خان نے بجا طور پر کہا ہے کہ اس وقت پورا شہر بدترین حالات سے گزر رہا ہے، اور اس تباہی کی اصل ذمے دار پیپلز پارٹی کی صوبائی حکومت ہے جس نے اقتدار کو عوامی خدمت کے بجائے ذاتی مفادات کا ذریعہ بنایا۔ انتخابات میں دھاندلی کے ذریعے عوامی مینڈیٹ پر ڈاکا ڈالا گیا۔ فارم 47 اور فارم 13 میں ہیرا پھیری کر کے اصل نمائندوں کو شکست دلوائی گئی اور مسترد شدہ افراد کو مسلط کیا گیا۔ یہ وہ جڑ ہے جس نے کراچی کو موجودہ بحران میں دھکیلا۔ جب عوام کی رائے کا احترام نہ ہو تو نہ مسائل حل ہوتے ہیں اور نہ کوئی نظام درست چل سکتا ہے۔ منعم ظفر خان نے درست کہا کہ جب 3200 ووٹ لینے والے کو 32 ہزار کا مالک بنا دیا جائے تو پھر عوام کی مشکلات کون سمجھے گا؟ کراچی کی تباہی کا سب سے بڑا ثبوت بدترین بلدیاتی نظام اور صوبائی حکومت کی نااہلی ہے۔ ریڈ لائن منصوبہ تعطل کا شکار ہے، سڑکیں کھنڈرات کا منظر پیش کر رہی ہیں، پانی، صفائی اور ٹرانسپورٹ کے مسائل نے شہریوں کی زندگی اجیرن بنا دی ہے۔ دوسری جانب پیپلز پارٹی کے زیر اثر میئر بے بسی اور ناکامی کی علامت بنے ہوئے ہیں۔ عوام کے بنیادی حقوق کو پامال کر کے ان پر قبضہ جما لیا گیا ہے۔ اس کے برعکس جماعت اسلامی نے ہمیشہ خدمت کی سیاست کی ہے۔ چاہے کورونا وبا کے ایام ہوں، جب سب اپنے گھروں میں محفوظ بیٹھے تھے، یا پھر شہر کی ٹوٹی پھوٹی سڑکوں کی تعمیر کی مہم، جماعت اسلامی اور اس کے رضاکار ہر محاذ پر موجود رہے۔ کراچی کے عوام بخوبی جانتے ہیں کہ جب عبدالستار افغانی اور نعمت اللہ خان جیسے دیانتدار میئر شہر کی باگ ڈور سنبھالتے تھے تو ریکارڈ ترقیاتی کام ہوئے۔ آج بھی جماعت اسلامی کے منتخب نمائندے اختیارات کی کمی کے باوجود اپنی مدد آپ کے تحت محلے اور یونین کونسل کی سطح پر کام کر رہے ہیں۔ یہ وقت ہے کہ کراچی کے عوام مایوسی کے اندھیروں سے نکلیں اور اپنے شہر کے حقیقی خیرخواہوں کے ساتھ کھڑے ہوں۔
ذریعہ
ذریعہ: Jasarat News
کلیدی لفظ: جماعت اسلامی
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی