وزیرستان میں تجارتی سرگرمیاں بحال، انگور اڈہ بارڈر 2 سال بعد کھل گیا
اشاعت کی تاریخ: 30th, September 2025 GMT
جنوبی وزیرستان کے علاقے وانا میں تقریباً 2 سال سے بند پاک افغان بارڈرکے انگوراڈہ گیٹ کو آج باقاعدہ طور پر کاروباری سرگرمیوں کے لیے کھول دیا گیا ہے۔
اس فیصلے سے نہ صرف تجارتی سرگرمیاں بحال ہوں گی بلکہ مقامی عوام کو بھی معاشی فوائد حاصل ہونے کی توقع ہے۔
افتتاحی تقریب میں رکن قومی اسمبلی زبیر وزیر اور ڈپٹی کمانڈر خمرانگ بریگیڈ خصوصی مہمان تھے۔
یہ بھی پڑھیں: جنوبی وزیرستان: غیر حاضری پر 119 مرد و خواتین اساتذہ معطل
تقریب کے موقع پر اسکول کے بچے، علما کرام اور قبائلی عمائدین کی بڑی تعداد موجود تھی۔
رکن قومی اسمبلی زبیر وزیر نے کہا کہ بارڈر کے دوبارہ کھلنے سے وزیرستان میں بے روزگاری کم ہوگی اور قومی خزانے کو بھی فائدہ پہنچے گا۔
انہوں نے کہا کہ اب معیشت کا پہیہ رواں ہو گیا ہے اور نوجوانوں کے لیے روزگار کے نئے مواقع پیدا ہوں گے۔
مزید پڑھیں: جنوبی وزیرستان کے کمسن مارشل آرٹسٹ سفیان محسود کا کارنامہ، گنیز ورلڈ ریکارڈ توڑ ڈالا
صدر چیمبر آف کامرس وزیرستان سیف الرحمن نے بتایا کہ گزشتہ 2 سال سے وزیرستان کا کاروبار مکمل طور پر ٹھپ تھا لیکن اب انگور اڈہ بارڈرکھلنے سے تجارتی سرگرمیاں دوبارہ شروع ہوگئیں ہیں۔
انہوں نے کہا کہ وزیرستان کی مشہور چلغوزے، تازہ پھل اور خشک میوہ جات اب آسانی سے دنیا بھر کو پہنچائیں گے۔
مقامی شہریوں کے مطابق انگور اڈہ گیٹ کے دوبارہ کھلنے سے پاک افغان تجارتی تعلقات میں بہتری کی توقع ہے، جبکہ یہ اقدام سرحدی علاقوں کے عوام کے لیے امید کی نئی کرن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگور اڈہ پاک افغان تجارتی تعلقات تجارتی سرگرمیاں رکن قومی اسمبلی زبیر وزیر معاشی فوائد وانا وزیرستان.ذریعہ: WE News
کلیدی لفظ: انگور اڈہ پاک افغان تجارتی تعلقات تجارتی سرگرمیاں رکن قومی اسمبلی معاشی فوائد وانا وزیرستان تجارتی سرگرمیاں کے لیے
پڑھیں:
جنوبی وزیرستان کے چند علاقوں میں دفعہ 144 نافذ، نوٹیفیکیشن جاری
جنوبی وزیرستان کے چند علاقوں میں دفعہ 144 نافذ کر دی گئی۔ محکمہ داخلہ کے نوٹیفکیشن کے مطابق دفعہ 144 فورسز کے لاجسٹک سامان کی ترسیل کیلئے لگائی گئی ۔ نوٹیفکیشن میں کہا گیا کہ دفعہ 144 صبح 6 بجے سے شام 7 بجے تک نافذ رہے گی،جس کے تحت عوامی نقل و حرکت پر مکمل پابندی عائد ہو گی۔ محکمہ داخلہ کی جانب سے کہا گیا ہے کہ دفعہ 144 کے دوران بعض مارکیٹیں اور بازار بند رہیں گے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ