لاہور: میراتھن ریس میں پروفیشنل ایتھلیٹس کیساتھ شہریوں کی بڑی تعداد میں شرکت
اشاعت کی تاریخ: 5th, October 2025 GMT
لاہور میں میراتھن ریس ہوئی جس میں پروفیشنل ایتھلیٹس کے ساتھ شہریوں کی بڑی تعداد نے بھی شرکت کی۔
تفصیلات کے مطابق میراتھن ریس میں آرمی اور واپڈا کے ایتھلیٹس نے برتری ثابت کرکے انعامات اپنے نام کیے۔
پاکستان ایتھلیٹکس فیڈریشن کے اشتراک سے ہونے والی ریس کا آغاز لبرٹی چوک سے ہوا۔ ریس کے شرکاء گلبرگ مین بلیوارڈ اور دوسرے مختلف راستوں سے ہوتے ہوئے واپس لبرٹی چوک پہنچے۔
21 کلومیٹر کیٹیگری میں مردوں میں سہیل عامر فاتح رہے۔ انہوں نے ایک گھنٹہ آٹھ منٹ اور تیس سیکنڈ میں مقررہ فاصلہ طے کیا۔
خواتین میں ماریہ بی بی نے پہلی پوزیشن حاصل کی۔
آرمی کے اختر علی نے 10 کلو میٹر ریس جیتی۔ واپڈا کی فرحت بانو نے لیڈیز کیٹیگری میں برتری ثابت کی۔
ایتھلیٹکس فیڈریشن آف پاکستان سے اصغر گل، رفیق احمد ،شفاقت علی بلا جھمرہ، خورشید بٹ، ناصرہ بلقیس،گلناز آرا نے ریس کی نگرانی کی۔
نبیل احمد، طلحہ افتخار، فیاض بخاری، خان بہادر، غلام دستگیر، ہارون الطاف گل، واجد علی، وقارعلی، محمد شاہد، عامر شاہ، شفیق پرنس بھی میرا تھن کے موقع پر موجود تھے۔
10 کلو میٹر ریس کے فاتح کو تین لاکھ روپے، رنرز اپ کو دو لاکھ اور تیسری پوزیشن کے ایتھلیٹ کو ڈیڑھ لاکھ روپے کی انعامی رقم دی گئی۔
21 کلومیتر کےفاتح کو پانچ لاکھ، رنر اپ کو ساڑھے تین لاکھ روپے کا انعام دیا گیا۔
.ذریعہ: Express News
پڑھیں:
چینی کی درآمد کے باوجود قیمتوں میں کمی نہیں آسکی
فائل فوٹووفاقی حکومت نے اکتوبر میں 2 لاکھ ٹن چینی درآمد کر لی، مالی سال کے پہلے 4 ماہ میں 2 لاکھ31 ہزار 390 ٹن چینی درآمد کی گئی ہے۔
وفاقی ادارہ شماریات کی رپورٹ میں چینی درآمد کرنے کی تفصیلات سامنے آگئیں، اکتوبر میں 31 ارب 62 کروڑ 40 لاکھ روپے کی 2 لاکھ ٹن چینی درآمد کی گئی ہے۔
رپورٹ کے مطابق جولائی تا اکتوبر 2025 میں 2 لاکھ 31 ہزار 390 ٹن چینی درآمد کی گئی جبکہ 4 ماہ میں مجموعی طور پر 36 ارب 97 کروڑ 60 لاکھ روپے کی چینی درآمد کی گئی۔
رپورٹ میں بتایا گیا ہے کہ چینی کی درآمد کے باوجود قیمتوں میں کمی نہیں آسکی۔
سرکاری اعداد و شمار کے مطابق جولائی میں چینی کی زیادہ سے زیادہ فی کلو قیمت 196روپے تھی۔ گزشتہ ہفتے چینی کی زیادہ سے زیادہ فی کلو قیمت 229 روپے تک پہنچ گئی۔
وفاقی کابینہ نے 4 جولائی 2025 کو 5 لاکھ ٹن چینی درآمد کرنے کی منظوری دی تھی، چینی سرکاری سطح پر ٹی سی پی کے ذریعے درآمد کرنے کا فیصلہ کیا گیا تھا۔
وفاقی حکومت نے چینی کی درآمد پر ٹیکسز سے استثنیٰ بھی دیا تھا جبکہ پاکستان شوگر ملز ایسوسی ایشن نے چینی درآمد کرنے کی حکومتی فیصلے کی مخالفت کی تھی۔
جسٹس امین الدین خان پاکستان کی پہلی وفاقی آئینی عدالت کے چیف جسٹس مقرر