اسرائیل نے گریٹا تھنبرگ سمیت مزید 170 رضاکاروں کو ملک بدر کر دیا
اشاعت کی تاریخ: 6th, October 2025 GMT
اسرائیل نے غزہ میں خوراک اور ادویہ لے جانے کی کوشش پر گرفتار کیے گئے 500 رضاکاروں میں مزید 170 کو ان کے ملک واپس بھیج دیا۔
عالمی خبر رساں ادارے کے مطابق اسرائیلی وزارت خارجہ کے مطابق ان افراد کو جنوبی اسرائیل کے رامون انٹرنیشنل ایئرپورٹ سے یونان اور سلواکیہ بھیجا گیا۔
آج جن رضاکاروں کو ملک بدر کیا ہے ان میں سویڈن کی عالمی شہرت یافتہ ماحولیاتی کارکن گریٹا تھنبرگ بھی شامل ہیں۔
گریٹا تھنبرگ سمیت کئی رضاکاروں نے اسرائیل پر الزام عائد کیا کہ انھیں غیر قانونی حراست اور غیر انسانی حالات میں رکھا گیا اور ان کی بنیادی آزادیوں کو سلب کیا گیا۔
ادھر اسرائیلی حکام نے الزام عائد کیا ہے کہ حراست کے دوران ایک ہسپانوی رضاکار نے جیل میں ایک طبی عملے کو کاٹ لیا تھا۔
اسرائیلی حکام نے بتایا کہ اب تک مجموعی طور پر 341 رضاکار ملک بدر کیے جا چکے ہیں جبکہ 138 اب بھی زیر حراست ہیں۔
ملک بدر کیے جانے والوں کا تعلق یونان، اٹلی، فرانس، آئرلینڈ، سویڈن، پولینڈ، جرمنی، بلغاریہ، لتھوانیا، آسٹریا، لگزمبرگ، فن لینڈ، ڈنمارک، سلواکیہ، سوئٹزرلینڈ، ناروے، برطانیہ، سربیا اور امریکا سے ہے۔
یاد رہے کہ ’’صمود فلوٹیلا‘‘ 43 کشتیوں پر مشتمل قافلہ تھا جو 27 ستمبر 2025 کو ترکیہ اور یونان کے بندرگاہوں سے روانہ ہوا۔
ان کشتیوں میں المہ، سیریئس، فریڈم، الکریم اور ہوپ شامل تھیں، جن پر یورپ اور امریکا سمیت 20 سے زائد ممالک کے 500 سے زیادہ کارکن سوار تھے۔
ان کا مقصد غزہ کے لیے انسانی امداد پہنچانا اور اسرائیلی محاصرے کے خلاف عالمی توجہ مبذول کرانا تھا۔
یہ سفر تقریباً ایک ہفتے جاری رہا لیکن اسرائیلی بحریہ نے یکم اکتوبر 2025 کو بحیرۂ روم میں ان کشتیوں کو روک لیا اور سب رضاکاروں کو حراست میں لے کر قید خانوں میں منتقل کر دیا۔
.
ذریعہ: Express News
کلیدی لفظ: ملک بدر
پڑھیں:
سابق ایڈشنل ڈپٹی کمشنر سیالکوٹ اقبال سنگھیڑا دوبارہ گرفتار
کرپشن کیس میں پولیس حراست سے فرار ہونے والے سابق اے ڈی سی آر سیالکوٹ اقبال سنگھیڑا کو دوبارہ گرفتار کر لیا گیا۔
یہ بھی پڑھیں: کرپشن کیس میں گرفتار سابق اے ڈی سی آر سیالکوٹ اقبال سنگھیڑا پولیس حراست سے فرار
ذرائع کے مطابق راولپنڈی پولیس کی خصوصی ٹیم نے اقبال سنگھیڑا کو حراست میں لے کر لاہور کی کیمپ جیل منتقل کر دیا۔
ابتدائی طور پر انہیں اینٹی کرپشن حکام نے گرفتار کیا تھا۔ جیل پہنچنے پر ان کا میڈیکل معائنہ بھی کیا گیا۔
اقبال سنگھیڑا 13 نومبر کو راولپنڈی سے لاہور منتقلی کے دوران چکری ریسٹ ایریا میں پولیس کی حراست سے فرار ہوگئے تھے جس کے بعد ان کی گرفتاری کے لیے 3 الگ ٹیمیں بنائی گئیں جن کی نگرانی ایس پی صدر ڈویژن انعم شیر خان کے سپرد تھی۔
دوسری جانب غفلت برتنے والے چاروں پولیس اہلکاروں کو ملازمت سے فارغ کر دیا گیا ہے اور ان کا موبائل ڈیٹا بھی حاصل کر لیا گیا ہے تاکہ یہ جانچا جا سکے کہ ان کا کسی ملزم سے رابطہ تھا یا نہیں۔ چاروں اہلکاروں کو عدالت پہلے ہی جوڈیشل ریمانڈ پر جیل بھجوا چکی ہے۔
مزید پڑھیے: نواز شریف اور خواجہ آصف کی ملاقات میں گلے شکوے اور ہنسی مذاق کی اندرونی کہانی
ملزم کے فرار میں استعمال ہونے والی گاڑی کے بارے میں معلومات حاصل کرنے کے لیے مختلف اضلاع کے ایکسائز دفاتر اور این ایچ اے کو مراسلے بھیجے گئے ہیں۔
گاڑی کا نمبر پورا نہ ہونے کے باعث اس کی رجسٹریشن تک پہنچنے میں دشواری پیش آ رہی ہے۔ این ایچ اے سے یہ بھی پوچھا گیا ہے کہ گاڑی موٹروے کے کس ٹول پلازہ سے باہر نکلی۔
مزید پڑھیں: خواجہ آصف سیالکوٹ میں سڑک کی ناقص تعمیر پر بول پڑے، شدید تحفظات کا اظہار
واضع رہے کہ ملزم کی فراری کے بعد اس کے بھائی سمیت 6 نامعلوم افراد اور 4 پولیس اہلکاروں کے خلاف مقدمہ درج کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال سنگھیڑا پھر گرفتار اے ڈی سی سیالکوٹ اقبال سنگھیڑا
ابھی کچھ استعفے اور آئیں گے، یہ کھینچاتانی اور تقسیم چیف جسٹس بننے کیلئے ہے: ملک احمد خان