پی ٹی آئی اپنے گھر پر توجہ دے، ن لیگ اور پیپلزپارٹی کے درمیان سیاسی کشیدگی ختم ہو جائےگی، خواجہ آصف
اشاعت کی تاریخ: 6th, October 2025 GMT
وزیر دفاع خواجہ آصف نے کہا ہے کہ پیپلزپارٹی اور مسلم لیگ ن کے درمیان جاری سیاسی کشیدگی ختم ہو جائےگی، دونوں جماعتوں کی قیادت موجودہ صورت حال کو سنبھال لے گی۔ پی ٹی آئی عدم اعتماد کی باتیں کرنے سے قبل اپنے گھر پر توجہ دے۔
اپنے ایک بیان میں انہوں نے کہاکہ آصف زرداری تصادم پر یقین نہیں رکھتے، ان کا وزیر داخلہ محسن نقوی کو کراچی بلانا خوش آئند ہے۔ وزیراعظم کے وطن واپس پہنچنے پر حالات نارمل ہو جائیں گے۔
یہ بھی پڑھیں: وزیراعظم کے خلاف تحریک عدم اعتماد لائیں ہم ساتھ دیں گے، پی ٹی آئی کی پیپلز پارٹی کو پیشکش
انہوں نے کہاکہ سیلاب کے بعد کچھ ایسی صورت حال پیدا ہوئی ہے کہ دونوں جماعتوں کے درمیان لفظی گولہ باری شروع ہوگئی، اس سے قبل نہروں کے معاملے پر پیپلزپارٹی سے اختلافات ہوئے تھے جو حل کرلیے گئے۔
انہوں نے کہاکہ اسد قیصر کی جانب سے عدم اعتماد کی بات کرنے سے پہلے پی ٹی آئی کو اپنا گھر درست کرنا چاہیے، اس وقت علی امین گنڈاپور اور علیمہ خان ایک دوسرے پر الزامات لگا رہے ہیں۔
خواجہ آصف نے کہاکہ نواز شریف کی غیرموجودگی پر بہت سی قیاس آرائیاں کی جارہی ہیں، ان کی ایک ہفتہ قبل جنیوا میں سرجری ہوئی ہے۔ ماضی میں نواز شریف سے مستفید ہونے والے بہت سے لوگ غلط باتیں کررہے ہیں۔
وزیر دفاع نے کہاکہ بھارت کی پاکستان کو دھمکیاں بہار الیکشن کے تناظر میں بھی ہو سکتی ہیں، آپریشن ’بنیان مرصوص‘ کے بعد مودی کی مقبولیت گری ہے۔
خواجہ آصف نے کہاکہ بھارت کے ساتھ جنگ کے دوران جو ممالک نیوٹرل تھے وہ ہمارے ساتھ ہو گئے، جبکہ جو ممالک ہمارے خلاف تھے وہ خاموش ہو گئے۔ اب پاکستان اور سعودی عرب کا دفاعی معاہدہ بھی ہوگیا ہے۔
واضح رہے کہ حال ہی میں وزیراعلیٰ پنجاب مریم نواز کے ایک بیان کی بنیاد پر پیپلز پارٹی اور مسلم لیگ ن آمنے سامنے ہیں اور ایک دوسرے کے خلاف لفظی گولہ باری کی جارہی ہے۔
وزیراعلیٰ مریم نواز نے پیپلزپارٹی پر تنقید کرتے ہوئے کہا تھا کہ اپنے مشورے اپنے پاس رکھیں، ہر مسئلے کا حل بی آئی ایس پی میں نہیں۔
ان کے اس بیان کے بعد پیپلزپارٹی نے شدید ردعمل کا اظہار کیا ہے، آج پیپلزپارٹی کے ارکان نے سینیٹ اور قومی اسمبلی سے واک آؤٹ کیا۔
یہ بھی پڑھیں: سیاسی کشیدگی: مریم نواز کے بیان پر پیپلز پارٹی کا سینیٹ اجلاس سے پھر واک آؤٹ
قومی اسمبلی میں خطاب کرتے ہوئے پیپلز پارٹی کے رکن اسمبلی راجا پرویز اشرف نے کہاکہ صوبائیت کو ہوا نہ دی جائے، اگر کسی کا یہ خیال ہے کہ وہ پیپلزپارٹی کو دیوار سے لگا دے گا تو یہ اس کی بھول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیپلز پارٹی تحریک عدم اعتماد خواجہ آصف سیاسی کشیدگی مریم نواز مسلم لیگ ن نواز شریف وزیر دفاع وزیراعظم پاکستان وی نیوز.
ذریعہ
ذریعہ: WE News
کلیدی لفظ: پیپلز پارٹی تحریک عدم اعتماد خواجہ ا صف سیاسی کشیدگی مریم نواز مسلم لیگ ن نواز شریف وزیر دفاع وزیراعظم پاکستان وی نیوز سیاسی کشیدگی پیپلز پارٹی خواجہ ا صف پی ٹی ا ئی مریم نواز نے کہاکہ
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار