سوڈان میں مسجد اور اسپتال پر فضائی بمباری، 20 شہری جاں بحق اور درجنوں زخمی
اشاعت کی تاریخ: 10th, October 2025 GMT
data-id="863a0a8" data-element_type="widget" data-widget_type="theme-post-content.default">
خرطوم: سوڈان کے صوبہ شمالی دارفور کے محصور شہر الفاشر میں ایک بار پھر خونی حملوں کا سلسلہ شروع ہوگیا ہے، جہاں نیم فوجی تنظیم ریپڈ سپورٹ فورسز (RSF) کے حملوں میں ایک مسجد اور اسپتال پر بمباری کے نتیجے میں کم از کم 20 شہری جاں بحق اور 25 سے زائد زخمی ہوگئے۔
عالمی خبر رساں اداروں کے مطابق نشانہ بننے والا اسپتال سعودی عرب کے تعاون سے چلایا جا رہا تھا اور یہ علاقے کا آخری فعال طبی مرکز تھا جہاں **ہزار سے زائد مریض زیر علاج تھے۔ اقوامِ متحدہ نے تصدیق کی ہے کہ زچہ و بچہ وارڈ کو بھی حملے میں نشانہ بنایا گیا، جس سے درجنوں خواتین، مریض اور طبی عملہ ہلاک یا زخمی ہوا۔
اسی دوران مسجد پر ہونے والے حملے میں بھی ہولناک جانی نقصان ہوا۔ عینی شاہدین کے مطابق مسجد میں بے گھر خاندانوں نے پناہ لے رکھی تھی جب گولہ باری کی زد میں آکر 10 سے زائد افراد جاں بحق ہوگئے۔
اقوامِ متحدہ کے دفتر برائے انسانی امور (OCHA) اور ادارہ برائے تولیدی صحت نے ان حملوں کی سخت مذمت کرتے ہوئے کہا ہے کہ یہ ایک ہفتے کے دوران اسپتال پر تیسرا حملہ ہے، جس سے علاقے کی صحت کی سہولیات مکمل طور پر تباہی کے دہانے پر پہنچ چکی ہیں۔ ترجمان اقوامِ متحدہ اسٹیفن دوجارک کے مطابق، الفاشر کے لوگ محصور، خوفزدہ اور امداد سے محروم ہیں، اور اب ان کا آخری اسپتال بھی خطرے میں ہے۔
واضح رہے کہ الفاشر گزشتہ ایک سال سے RSF کے محاصرے میں ہے۔ نیم فوجی تنظیم کے ڈرون اور توپ خانے کے حملے مسلسل جاری ہیں، جنہوں نے شہر کی زندگی کو مفلوج کر دیا ہے۔
سوڈان میں یہ خانہ جنگی اپریل 2023 میں اُس وقت شروع ہوئی جب ملکی فوج اور نیم فوجی دستے نے اقتدار پر قبضے کے لیے ایک دوسرے کے خلاف محاذ آرائی شروع کی۔ اس خونریز تنازع نے ملک کو دنیا کے بدترین انسانی بحران میں مبتلا کر دیا ہے۔
اقوام متحدہ کے اعداد و شمار کے مطابق 3 کروڑ سے زائد سوڈانی امداد کے محتاج ہیں، جن میں سے 1 کروڑ 20 لاکھ بے گھر ہو چکے ہیں، جبکہ 40لاکھ افراد پڑوسی ممالک چاڈ، وسطی افریقی جمہوریہ اور جنوبی سوڈان کی جانب ہجرت کر چکے ہیں۔
علاوہ ازیں، 7 اور 8 اکتوبر کو زغاوہ قبیلے کے اندرونی تصادم کے باعث 250 سے زائد افراد مزید بے گھر ہوگئے، جس سے الفاشر اور اردگرد کے علاقوں میں انسانی المیہ مزید گہرا ہو گیا ہے۔
ذریعہ: Jasarat News
کلیدی لفظ: کے مطابق
پڑھیں:
پاکستانی مندوب عاصم افتخار کی اقوام متحدہ کی جنرل اسمبلی کے صدر سے اہم ملاقات
data-id="863a0a8" data-element_type="widget" data-widget_type="theme-post-content.default">
نیویارک: اقوام متحدہ میں پاکستان کے مستقل مندوب عاصم افتخار نے نیویارک میں صدر جنرل اسمبلی سے ایک نہایت اہم سفارتی ملاقات کی، جس میں باہمی دلچسپی کے متعدد عالمی اور علاقائی موضوعات پر تفصیلی مشاورت ہوئی۔
نجی ٹی وی کی رپورٹ کے مطابق پاکستان کی جانب سے یہ ملاقات ایسے وقت میں کی گئی جب دنیا بھر میں سیاسی کشیدگی، معاشی بے یقینی، ماحولیاتی بحران اور تنازعات میں اضافہ عالمی اداروں کی مؤثر کارکردگی اور اصلاحات پر نئے سوالات اٹھا رہا ہے۔
عاصم افتخار نے صدر جنرل اسمبلی کے ساتھ گفتگو کرتے ہوئے اس بات پر زور دیا کہ اقوام متحدہ کو جدید تقاضوں کے مطابق مزید بااختیار اور مستحکم بنانے کے لیے مشترکہ اقدامات وقت کی اہم ضرورت ہیں۔
ملاقات میں اقوام متحدہ کے ڈھانچے میں اصلاحات، جنرل اسمبلی کے کردار میں اضافہ، اور سیکرٹری جنرل کے انتخابی عمل کے طریقہ کار پر خصوصی توجہ دی گئی۔ پاکستانی مندوب نے اس موقع پر مؤقف اختیار کیا کہ اقوام متحدہ کی پالیسی اور فیصلہ سازی کے عمل کو زیادہ شفاف، جامع اور نمائندہ بنانے کے لیے دنیا کے تمام خطوں کو برابر کی آواز ملنی چاہیے، جن میں ترقی پذیر ملک خصوصاً اہم ہیں۔
انہوں نے نشاندہی کی کہ عالمی سطح پر بڑھتی ہوئی complexities کے باعث ادارے کو زیادہ فعال کردار ادا کرنا ہوگا تاکہ وہ نہ صرف تنازعات روکنے بلکہ پائیدار امن کو فروغ دینے میں مؤثر کردار ادا کرسکے۔
صدر جنرل اسمبلی نے بھی پاکستان کے اس مؤقف سے اتفاق کرتے ہوئے کہا کہ ادارے کی فعالیت کو بڑھانے اور اس کے ڈھانچے میں بہتری لانے کے لیے دنیا بھر کی رائے اور تعاون بنیادی حیثیت رکھتا ہے۔
ملاقات کے دوران دونوں رہنماؤں نے اس بات پر بھی زور دیا کہ کثیرالجہتی سفارت کاری موجودہ دور کی پیچیدہ عالمی صورتحال میں واحد ایسا راستہ ہے جو ملکوں کے درمیان رابطے، اعتماد اور تعاون کو مضبوط بنا سکتا ہے۔
انہوں نے اعتراف کیا کہ درپیش چیلنجز جیسے ماحولیاتی تبدیلی، غربت، تنازعات، مہاجرین کے مسائل اور عالمی معیشت کی کمزوریوں کا مقابلہ کوئی ایک ملک یا تنظیم اکیلے نہیں کرسکتی۔
گفتگو کے دوران دنیا کو درپیش بڑے مسائل کے حل کے لیے مشترکہ کوششوں، باہمی احترام اور بین الاقوامی تعاون کی اہمیت کو نمایاں کیا گیا۔
عاصم افتخار نے اس عزم کا اعادہ کیا کہ پاکستان ہمیشہ اقوام متحدہ کے چارٹر اور اصولوں کی پاسداری کرتے ہوئے عالمی امن اور استحکام کے لیے اپنا کردار ادا کرتا رہے گا۔ انہوں نے بتایا کہ پاکستان نہ صرف اقوام متحدہ کی امن مشنز میں اپنا کردار بہترین انداز میں ادا کر رہا ہے بلکہ عالمی سطح پر تنازعات کے پرامن حل کے لیے سفارتی کوششوں کو بھی ہمیشہ ترجیح دیتا ہے۔
جماعت اسلامی اجتماع، بدل دو نظام