کراچی میں دستہ اباالفضلؑ کے تحت مجلسِ عزا و غنچہ زنی
اشاعت کی تاریخ: 26th, November 2025 GMT
اسلام ٹائمز: مجلسِ عزا سے خطاب مولانا ڈاکٹر مظفر حسین رضوی نے کیا، جنہوں نے سیدہ فاطمہ زہرا سلام اللہ علیہا کی سیرت، مقام اور مظلومیت پر تفصیلی روشنی ڈالی۔ بعد از مصائب، دستہ اباالفضلؑ نے اپنے روایتی انداز میں غنچہ و سینہ زنی کرتے ہوئے امامِ زمانہ عجّل اللہ فرجہٗ الشریف کی خدمت میں ان کی مظلوم دادی بی بی فاطمہ زہرا سلام اللہ علیہا کی شہادت کا پرسہ پیش کیا۔ متعلقہ فائیلیںاسلام ٹائمز۔ کراچی کے علاقے جعفر سوسائٹی میں دستہ اباالفضلؑ کی جانب سے شہادتِ حضرت فاطمہ الزہرا سلام اللہ علیہا کی مناسبت سے پُرسوز مجلسِ عزا کا انعقاد کیا گیا، جس میں بڑی تعداد میں عزاداروں نے شرکت کی۔ مجلس کا آغاز حدیثِ کساء کی تلاوت سے ہوا، جو دریاب نقوی نے عقیدت کے ساتھ پیش کی۔ سوزخوانی کے فرائض ادارہ ترویجِ سوزخوانی کے اراکین نے انجام دیئے، جب کہ سلام حنین زیدی اور معروف شاعرِ اہلِ بیتؑ زین اعظمٰی نے پیش کیا۔ مجلسِ عزا سے خطاب مولانا ڈاکٹر مظفر حسین رضوی نے کیا، جنہوں نے سیدہ فاطمہ زہرا سلام اللہ علیہا کی سیرت، مقام اور مظلومیت پر تفصیلی روشنی ڈالی۔ بعد از مصائب، دستہ اباالفضلؑ نے اپنے روایتی انداز میں غنچہ و سینہ زنی کرتے ہوئے امامِ زمانہ عجّل اللہ فرجہٗ الشریف کی خدمت میں ان کی مظلوم دادی بی بی فاطمہ زہرا سلام اللہ علیہا کی شہادت کا پرسہ پیش کیا۔ آخر میں عالمی شہرت یافتہ شاعرِ اہلِ بیتؑ ذیشان عابدی نے سلامِ آخر پیش کیا، جبکہ علامہ باقر حسین زیدی نے مصائبِ اختتام جنابِ سیدہ سلام اللہ علیہا بیان کیے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ