راولپنڈی اور اسلام آباد میں تیسرے روز بھی سڑکیں بند، موبائل انٹرنیٹ سروس جزوی بحال
اشاعت کی تاریخ: 12th, October 2025 GMT
جڑواں شہروں راولپنڈی اور اسلام آباد میں تیسرے روز بھی متعدد سڑکیں بند ہیں، تاہم موبائل فون اور سیلولر انٹرنیٹ سروس جزوی طور پر بحال کر دی گئی۔
اسلام آباد اور راولپنڈی میں مذہبی جماعت کے احتجاج کے باعث تیسرے روز بھی معمولاتِ زندگی شدید متاثر ہیں، مختلف شاہراہوں اور داخلی راستوں کی بندش کے سبب شہریوں کو آمد و رفت میں سخت مشکلات کا سامنا ہے جبکہ میٹرو بس سروس بدستور تاحکم ثانی معطل ہے۔
راولپنڈی کے اندرون شہر رہائشی علاقوں کو جانے والے راستے ٹریفک کے لیے کھول دیے گئے ہیں جبکہ مری روڈ سے ملحقہ علاقوں کی گلیوں سے رکاوٹیں ہٹا دی گئیں، تاہم راولپنڈی اسلام آباد کی اہم شاہراہیں تاحال بند ہیں، مری روڈ، فیض آباد، ایکسپریس وے اور آئی جے پی روڈ تاحال بند ہے۔
راولپنڈی اسلام آباد میں مذہبی جماعت کا احتجاج، سیکیورٹی ہائی الرٹ، راستے اور موبائل انٹرنیٹ سروس بند
ذرائع کے مطابق راولپنڈی ایئرپورٹ جانے والے راستوں پر بھی رکاوٹیں برقرار ہیں، جس کے باعث شہر میں پیدل چلنے کے راستے بھی بند ہیں، راستوں کی بندش سے مریضوں کو شدید مشکلات کا سامنا ہے، اسپتالوں تک پہنچنا بھی مشکل ہوگیا۔
موٹروے پولیس کے مطابق ایم 2 موٹروے لاہور تا اسلام آباد ٹریفک کے لیے کھول دی گئی ہے، جس کے بعد ٹریفک کی آمدورفت معمول کے مطابق جاری ہے۔
اسلام آباد ایکسپریس وے بھی ٹریفک کے لیے جزوی کھول دی گئی، نائنتھ ایونیو سے ڈبل روڈ کو ملانے والا راستہ بھی جزوی طور پر بحال کردیا گیا ہے جبکہ راولپنڈی کی جانب سے فیض آباد جانے والا راستہ تاحال بند ہے۔
دوسری جانب اسلام آباد اور راولپنڈی میں موبائل فون اور سیلولر انٹرنیٹ سروس جزوی طور پر بحال کر دی گئی ہے۔
.ذریعہ: Daily Mumtaz
کلیدی لفظ: انٹرنیٹ سروس اسلام آباد
پڑھیں:
اسلام آباد ایئرپورٹ پر ٹریفک کنٹرولر کی بروقت مداخلت، غیر ملکی طیارہ حادثے سے بچ گیا
اسلام آباد انٹرنیشنل ایئرپورٹ پر غیر ملکی ایئر لائن کے ایک مسافر طیارے کو اس وقت خوفناک حادثے سے بچا لیا گیا جب لینڈنگ کے دوران جہاز غلط اور بند رن وے کی طرف بڑھ رہا تھا۔
یہ بھی پڑھیں: اسلام آباد پرواز کے لیے تیار جہاز سے گاڑی ٹکرا گئی، طیارے کو جزوی نقصان
میڈیا رپورٹس کے مطابق ایئر ٹریفک کنٹرولر کی بروقت مداخلت نے ایک بڑے سانحے کا راستہ روک دیا۔
غلط رن وے پر اپروچمذکورہ ایئرلائن کی پرواز نے لینڈنگ کے لیے رن وے 28 رائٹ کی بجائے غلطی سے 28 لیفٹ کی اپروچ بنائی جو کہ مرمت کے لیے مکمل طور پر بند تھا۔
کنٹرول ٹاور پر موجود ایئر ٹریفک کنٹرولر نے فوراً پائلٹ کو غلط سمت کی نشاندہی کی۔
پائلٹ کا اصرار اور آخری لمحے کی کارروائیذرائع کے مطابق پائلٹ مسلسل یہ دعویٰ کرتا رہا کہ وہ درست رن وے کی طرف بڑھ رہا ہے۔
مزید پڑھیے:ملائیشیا میں روکا گیا پی آئی اے کا طیارہ وطن واپس روانہ
تاہم ایئر ٹریفک کنٹرولر نے عین وقت پر پائلٹ کو لینڈنگ روک کر گو اراؤنڈ (دوبارہ چکر لگانا) کرنے کی ہدایت دی جس کے باعث طیارہ لینڈنگ روک کر دوبارہ فضا میں اٹھ گیا۔
رن وے پر گاڑیوں اور عملے کی موجودگیاس وقت رن وے 28 لیفٹ پر مرمتی کام جاری تھا اور وہاں متعدد گاڑیاں اور عملہ موجود تھا۔
اگر بوئنگ 777 طیارہ اس بند رن وے پر اتر جاتا تو شدید نوعیت کا حادثہ پیش آ سکتا تھا جس میں زمینی عملہ اور طیارے کے سیکڑوں مسافر خطرے میں پڑ جاتے
دوسری کوشش میں محفوظ لینڈنگایئر ٹریفک کنٹرولر کی ہدایات پر عمل کرتے ہوئے طیارے نے فضا میں چکر لگایا اور دوسری کوشش میں رن وے 28 رائٹ پر کامیابی سے اور محفوظ انداز میں لینڈ کر لیا۔
نوٹم جاری تھا، رن وے بند ہونے سے پائلٹ کو آگاہی موجودایوی ایشن حکام کا کہنا ہے کہ رن وے 28 لیفٹ کی بندش کے حوالے سے نوٹم پہلے ہی جاری کیا جا چکا تھا اور پائلٹ کو اس کی معلومات موجود ہونا لازمی تھیں اس لیے معاملے کی مزید انکوائری کی جا رہی ہے۔
مزید پڑھیں:
ائیرپورٹس اتھارٹی نے واقعے کا نوٹس لے لیاترجمان پاکستان ایئرپورٹس اتھارٹی کے مطابق واقعے کا باقاعدہ نوٹس لیتے ہوئے ذمہ داری طے کرنے کے لیے تحقیقاتی کارروائی شروع کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ایئرپورٹ پاکستان سول ایوی ایشن اتھارٹی طیارہ حادثے سے بچ گیا غلط رن وے غیر ملکی طیارہ
امریکا؛ بیٹی کے 14 سالہ دوست کیساتھ جنسی تعلق پر خاتون کو 26 سال قید