اسرائیل کی بدنیتی پر خدشات موجود ہیں: ملیحہ لودھی
اشاعت کی تاریخ: 13th, October 2025 GMT
---فائل فوٹو
سابق سفیر ملیحہ لودھی کا کہنا ہے کہ اسرائیل کی بدنیتی پر خدشات موجود ہیں، ایسا نہ ہو کہ اسرائیل یرغمالی رہا ہونے کے بعد غزہ پر حملہ کر دے۔
ملیحہ لودھی نے جیونیوز کے مارننگ پروگرام ’جیو پاکستان‘ میں گفتگو کے دوران کہا ہے کہ آج غزہ جنگ کے خاتمے کے معاہدے کو حتمی شکل دینے کے حوالے سے اہم دن ہے۔
انہوں نے مزید کہا کہ یہ ابھی شروعات ہے، اس معاہدے کے بہت سے مراحل ابھی طے ہونا باقی ہیں۔
یاد رہے کہ حماس اور اسرائیل کے درمیان آج اسرائیلی یرغمالیوں اور فلسطینی قیدیوں کا تبادلہ ہوا ہے۔
غزہ میں اسرائیلی حمایت یافتہ گینگ کے ہاتھوں فلسطینی صحافی صالح الجعفراوی شہید کر دیے گئے۔
اسرائیلی میڈیا کے مطابق تبادلے کے عمل میں 20 اسرائیلی یرغمالی ریڈ کراس کے سپرد کر دیے گئے ہیں۔
دوسری جانب حماس نے بھی اسرائیلی یرغمالیوں کو ریڈ کراس کے سپرد کرنے کی تصدیق کر دی ہے۔
خبر ایجنسی کے مطابق رہائی کے لیے 1 ہزار 966 فلسطینی قیدی اسرائیلی جیلوں سے بس میں سوار ہو گئے ہیں۔
عرب میڈیا کے مطابق فلسطینی قیدیوں کو خوش آمدید کہنے کے لیے جنوبی غزہ میں بڑی تعداد میں فلسطینی جمع ہیں۔
فلسطینی قیدیوں کی جنوبی غزہ میں النصر اسپتال میں آمد متوقع ہے، اسرائیلی جیلوں سے رہا 1716 فلسطینی قیدی نصر اسپتال پہنچائے جائیں گے۔
.ذریعہ: Jang News
پڑھیں:
غزہ میں خونریزی جاری، اسرائیلی فوج کی فائرنگ سے 4 فلسطینی شہید
غزہ میں اسرائیلی فوج کی فائرنگ کے نتیجے میں ایک اور 4 فلسطینی شہید ہو گئے، حالانکہ عالمی برادری کی جانب سے جنگ بندی پر زور دیا جا رہا ہے۔
عرب میڈیا کے مطابق، 10 اکتوبر کے غزہ امن معاہدے کے بعد اسرائیل نے اب تک 500 سے زائد بار جنگ بندی کی خلاف ورزی کی، جس کے نتیجے میں 300 سے زیادہ فلسطینی جان سے گئے۔
اقوام متحدہ کی امدادی تنظیم UNRWA نے غزہ کی صورتحال کو انتہائی سنگین قرار دیتے ہوئے بتایا کہ علاقے کی 90 فیصد سے زائد آبادی امداد پر منحصر ہے اور اکثر لوگوں کو دن میں صرف ایک بار کھانا مل پاتا ہے۔
ادھر، امریکی حمایت یافتہ متنازعہ امدادی تنظیم “غزہ ہیومنٹیرین فاؤنڈیشن” نے بھی علاقے میں اپنے آپریشن روکنے کا اعلان کیا، کیونکہ تنظیم کے مراکز پر امداد کی تقسیم کے دوران اسرائیلی حملوں میں سیکڑوں فلسطینی متاثر ہوئے تھے۔
کراچی، شہریوں کے اغوا اور تاوان طلب کرنے کا معاملہ، لڑکی سمیت پولیس اہلکار کے ملوث ہونے کا انکشاف