کراچی میں کہیں بھی احتجاج نہیں ہو رہا: پولیس
اشاعت کی تاریخ: 13th, October 2025 GMT
—فائل فوٹو
کراچی پولیس نے شہر میں احتجاج کی خبروں کو افواہ قرار دے کر شہریوں سے اس پر کان نہ دھرنے کی اپیل کی ہے۔
کراچی میں مذہبی جماعت کی احتجاج کی کال پر پولیس نے کارروائی کرتے ہوئے مختلف مقامات پر بھاری نفری تعینات کر دی ہے۔
پولیس حکام کا کہنا ہے کہ اس وقت شہر کی صورتِ حال معمول کے مطابق ہے اور شہر میں کہیں بھی دھرنا اور احتجاج نہیں ہو رہا۔
حکام نے کہا کہ شہر میں دفعہ 144 نافذ ہے جس کی وجہ سے کسی کو احتجاج کی اجازت نہیں ہے جبکہ مظاہرین سے نمٹنے کے لیے پولیس تیار ہے، 144 کی خلاف ورزی پر سخت ایکشن ہو گا۔
انہوں نے کہا کہ مختلف طریقوں سے افواہیں پھیلائی جا رہی ہیں، شہری افواہوں پر کان نہ دھریں، کراچی میں اس وقت تک کسی بھی جگہ احتجاج نہیں ہو رہا، شہر کے مختلف علاقوں میں دھرنوں اور احتجاج کی افواہوں کے باعث دکانیں لوگوں نے خود بند کر دی ہیں۔
پولیس کے مطابق نیو کراچی میں احتجاج کی کوشش کی گئی مگر مظاہرین کو منتشر کردیا گیا جبکہ ہنگامہ آرائی میں ملوث 10 افراد کو حراست میں لے لیا ہے۔
حکام کا کہنا ہے کہ نیو کراچی سندھی ہوٹل کے قریب مذہبی جماعت کا احتجاج ختم ہو گیا ہے اور صورتِ حال معمول پر ہے، سڑک ٹریفک کے لیے کھول دی گئی ہے۔
.ذریعہ: Jang News
کلیدی لفظ: احتجاج کی کراچی میں
پڑھیں:
کراچی: مذہبی جماعت کے احتجاج کے باعث ٹریفک جام، پولیس کی بھاری نفری تعینات
کراچی کے مختلف علاقوں میں مذہبی جماعت کے کارکنوں کی جانب سے احتجاج کے باعث شہر کے متعدد مقامات پر ٹریفک جام اور انٹرنیٹ سروس میں جزوی تعطل کی اطلاعات ہیں۔
پولیس کے مطابق نیو کراچی، پاور ہاؤس، انڈہ موڑ، سندھی ہوٹل اور فور کے چورنگی کے اطراف احتجاجی مظاہرے کیے گئے۔ مظاہرین کی جانب سے بعض مقامات پر پتھراؤ اور جلاؤ گھیراؤ کی کوششیں بھی کی گئیں جس پر پولیس نے فوری کارروائی کرتے ہوئے شیلنگ کی اور ہجوم کو منتشر کردیا۔
یہ بھی پڑھیے: مریدکے میں تصادم کے بعد ٹی ایل پی مظاہرین منتشر
ڈی آئی جی ویسٹ عرفان علی بلوچ کے مطابق پولیس نے موقع پر پہنچ کر حالات پر قابو پا لیا ہے۔ نیو کراچی سندھی ہوٹل اور فور کے چورنگی کے اطراف ٹریفک بحال کر دی گئی ہے جبکہ احتجاج اور شرپسندی میں ملوث پانچ افراد کو گرفتار کر لیا گیا ہے۔
ڈی آئی جی ویسٹ نے مزید بتایا کہ ممکنہ احتجاج، پتھراؤ اور جلاؤ گھیراؤ کے خدشے کے پیش نظر پولیس کی بھاری نفری علاقے میں تعینات کر دی گئی ہے۔ اضافی نفری بھی طلب کر لی گئی ہے تاکہ کسی بھی ناخوشگوار واقعے سے نمٹا جا سکے۔
یہ بھی پڑھیے: اسرائیل اور حماس کے درمیان امن معاہدے کے بعد کون سا احتجاج؟ خواجہ آصف کی ٹی ایل پی پر تنقید
پولیس حکام کے مطابق شہر کی مجموعی صورتحال قابو میں ہے اور امن و امان برقرار رکھنے کے لیے تمام تر اقدامات کیے جا رہے ہیں۔ شہریوں سے اپیل کی گئی ہے کہ افواہوں پر یقین نہ کریں اور غیر ضروری طور پر متاثرہ علاقوں کا رخ نہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
TLP KARACHI PROTEST احتجاج تحریک لبیک پاکستان ٹی ایل پی کراچی پولیس مظاہرہ
ابرار احمد کے ولیمے میں چیئرمین پی سی بی سمیت قومی ٹیم کے کھلاڑیوں کی شرکت