مصر: وزیراعظم کی امریکی صدر سے ملاقات، خوشگوار جملوں کا تبادلہ
اشاعت کی تاریخ: 13th, October 2025 GMT
وزیراعظم شہباز شریف نے مصر شرم الشیخ میں امریکی صدر ٹرمپ، فلسطینی صدر محمود عباس، بحرین کے فرمانروا اور قطر کے امیر سے ملاقاتیں کیں اور غزہ امن معاہدے پر اطمینان کا اظہار کیا۔
ایکسپریس نیوز کے مطابق وزیراعظم محمد شہباز شریف نے مصر کے شہر شرم الشیخ میں جاری غزہ امن سربراہی اجلاس کے موقع پر کئی اہم عالمی رہنماؤں سے ملاقاتیں کیں۔
وزیراعظم نے امریکی صدر ڈونلڈ ٹرمپ سے گرمجوشی کے ساتھ مصافحہ کیا، دونوں کے درمیان خوش گوار جملوں کا بھی تبادلہ ہوا۔
وزیراعظم کی فلسطینی صدر محمود عباس کے ساتھ خوشگوار ملاقات ہوئی، جس میں بحرین کے فرمانروا شاہ حمد بن عیسیٰ الخلیفہ بھی شریک تھے۔ ملاقات کے دوران فریقین نے فلسطین اور پاکستان کے درمیان دیرینہ برادرانہ تعلقات کو سراہا۔ صدر محمود عباس نے پاکستان کی جانب سے فلسطینی عوام کی سیاسی، سفارتی اور انسانی حمایت پر شکریہ ادا کیا۔
وزیراعظم شہباز شریف نے غزہ کے عوام کی ہمت، صبر اور قربانیوں کو خراجِ تحسین پیش کرتے ہوئے کہا کہ پاکستان ہمیشہ فلسطینیوں کے حقِ خودارادیت اور آزاد ریاست کے قیام کی حمایت کرتا رہے گا۔ دونوں رہنماؤں نے غزہ میں جنگ بندی معاہدے پر اطمینان کا اظہار کیا اور اسے خطے میں پائیدار امن کی جانب اہم پیش رفت قرار دیا۔
اسی موقع پر وزیراعظم شہباز شریف نے آرمینیا اور آذربائیجان کے صدور سے بھی غیر رسمی ملاقات کی اور دونوں ممالک کے درمیان طے پانے والے تاریخی امن معاہدے پر مبارکباد پیش کی۔ ملاقات میں علاقائی و عالمی امور، بالخصوص غزہ امن معاہدے کے تناظر میں امن و استحکام کے فروغ پر تبادلۂ خیال کیا گیا۔
بعدازاں، وزیراعظم نے قطر کے امیر شیخ تمیم بن حمد الثانی سے بھی ملاقات کی۔ دونوں رہنماؤں نے پاکستان اور قطر کے درمیان مضبوط، تاریخی اور برادرانہ تعلقات کے فروغ کے عزم کا اعادہ کیا۔
وزیراعظم نے قطر کے امیر کی قیادت، سفارت کاری اور غزہ بحران کے منصفانہ حل کے لیے کی جانے والی کوششوں کو سراہا اور کہا کہ شرم الشیخ میں طے پانے والا غزہ امن معاہدہ لاکھوں فلسطینیوں کے لیے امید کی نئی کرن ہے۔
وزیراعظم نے 1967ء سے پہلے کی سرحدوں کے مطابق القدس شریف کو دارالحکومت بنا کر آزاد فلسطینی ریاست کے قیام کے حق میں پاکستان کے دیرینہ موقف کا اعادہ کیا اور فلسطینی عوام کے لیے انسانی بنیادوں پر مدد جاری رکھنے کا یقین دلایا۔ دونوں رہنماؤں نے علاقائی و بین الاقوامی امور پر قریبی مشاورت جاری رکھنے پر اتفاق کیا۔
واضح رہے کہ یہ گزشتہ ایک ماہ کے دوران وزیراعظم شہباز شریف اور امیرِ قطر کی چوتھی ملاقات تھی، اس سے قبل دو ملاقاتیں دوحہ میں اور ایک ملاقات اقوامِ متحدہ کی جنرل اسمبلی کے اجلاس کے موقع پر نیویارک میں ہوئی تھی۔
.
ذریعہ
ذریعہ: Express News
کلیدی لفظ: وزیراعظم شہباز شریف شہباز شریف نے کے درمیان قطر کے
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
بھارت سے جنگ اور افغانستان میں کارروائی خارج ازامکان نہیں، وزیردفاع