پاکستان اور امریکا کے روابط سے پاک چین دوستی پر کوئی اثر نہیں پڑے گا، چینی دفتر خارجہ
اشاعت کی تاریخ: 14th, October 2025 GMT
چین کا کہنا ہے کہ پاکستان اور امریکا کے درمیان کان کنی کے حوالے سے تعاون کبھی بھی چین کے مفادات یا پاک چین تعاون کو نقصان نہیں پہنچائے گا۔
یہ بھی پڑھیں: پاک چین دوستی نسل در نسل آگے بڑھے گی، صدر مملکت آصف زرداری کی شنگھائی میں اعلیٰ سطح ملاقاتیں
دوست ملک چین نے ان میڈیا رپورٹس کو سختی سے مسترد کر دیا ہے جن میں دعویٰ کیا گیا تھا کہ پاکستان نے نایاب زمینی معدنیات کے نمونے امریکا کو بھیجے ہیں۔
چینی وزارت خارجہ کے ترجمان لن جیان نے منگل کے روز ایک معمول کی پریس بریفنگ کے دوران ایک سوال کے جواب میں یہ وضاحت دی جس میں پاکستان کی جانب سے امریکا کو چینی ٹیکنالوجی کے ذریعے نایاب معدنیات بھیجنے کی خبروں کے بارے میں پوچھا گیا تھا۔ انہوں نے ان رپورٹس کو بے بنیاد، گمراہ کن یا دونوں ممالک کے درمیان دراڑ پیدا کرنے کی کوشش قرار دیا ہے۔
مزید پڑھیے: وزیراعظم شہباز شریف کے دورہ چین سے پاک چین تعلقات نئی بلندیوں پر پہنچ گئے، وزیر اطلاعات عطا اللہ تارڑ
ترجمان نے کہا کہ پاکستانی قیادت کی جانب سے امریکی قیادت کو دکھائے گئے نمونے اصل میں پاکستان میں خریدے گئے قیمتی پتھروں کے نمونے تھے۔ انہوں نے مزید کہا کہ یہ رپورٹس یا تو گمراہ کن ہیں، یا من گھڑت ہیں یا پھر چین اور پاکستان کے درمیان تعلقات کو خراب کرنے کی کوشش ہیں۔ ان میں کوئی صداقت نہیں۔
پاکستان امریکا کان کنی تعاون پر چین کی نظرلن جیان نے بتایا کہ پاک امریکا کے کان کنی کے شعبے میں تعاون کے حوالے سے چین اور پاکستان رابطے میں ہیں۔ انہوں نے کہا کہ اسلام آباد نے بیجنگ کو یقین دہانی کروائی ہے کہ اس کا امریکا کے ساتھ یہ تعاون کبھی بھی چین کے مفادات یا پاک چین تعاون کو نقصان نہیں پہنچائے گا۔
نایاب معدنیات پر چین کی نئی برآمدی پابندیاںترجمان نے یہ بھی واضح کیا کہ چین کی جانب سے حال ہی میں نایاب معدنیات اور متعلقہ ٹیکنالوجیز کی برآمد پر لگائی گئی پابندیوں کا پاکستان سے کوئی تعلق نہیں۔
انہوں نے اسے چین کی حکومت کا ایک جائز اقدام قرار دیا جس کا مقصد برآمدی کنٹرول کے نظام کو بہتر بنانا اور عالمی ذمہ داریوں کی تکمیل کرنا ہے۔
پاک چین تعلقات آزمودہ اور ناقابل شکستلن جیان نے ایک بار پھر اعادہ کیا کہ چین اور پاکستان ہر موسم کے اسٹریٹجک شراکت دار ہیں جن کی آہنی دوستی وقت کی کسوٹی پر پوری اتری ہے۔
انہوں نے کہا کہ دونوں ممالک ایک دوسرے کے کلیدی مفادات سے متعلق امور پر اعلیٰ سطح کا اسٹریٹجک اعتماد اور قریبی رابطہ رکھتے ہیں۔
امریکا کو پاکستانی نایاب معدنیات کی مبینہ ترسیلیہ وضاحت اس وقت سامنے آئی ہے جب بعض رپورٹس میں دعویٰ کیا گیا کہ پاکستان نے امریکا کی میزوری میں واقع کمپنی یو ایس اسٹریٹجک میٹلز کو پہلی بار نایاب معدنیات اور دیگر قیمتی دھاتیں برآمد کی ہیں۔
دریں اثنا چین نے 10 اکتوبر کو نایاب معدنیات اور متعلقہ ٹیکنالوجیز پر اپنی برآمدی پابندیوں میں نمایاں توسیع کا اعلان کیا۔ یہ اقدام ایک ایسے وقت میں سامنے آیا ہے جب چین عالمی سپلائی چینز پر اپنی گرفت مضبوط کر رہا ہے اور امریکا کے ساتھ تجارتی کشیدگی میں اضافہ دیکھنے میں آ رہا ہے۔
نئی برآمدی پابندیاں 8 نومبر سے نافذ ہوں گی جو کہ امریکا چین تجارتی معاہدے کی موجودہ مدت ختم ہونے سے صرف 2 دن قبل ہے۔ ان پابندیوں میں نایاب معدنیات کی تیاری اور علیحدگی کی ٹیکنالوجی، مصنوعی ہیروں کے پاؤڈر، سنگل کرسٹل، ڈائمنڈ وائر اور متعلقہ مواد کی برآمد شامل ہے۔
چین اس وقت دنیا میں نایاب معدنیات کی 60 فیصد سے زائد پیداوار، لیتھیئم اور کوبالٹ کی تقریباً 70 فیصد ریفائننگ اور بیٹری گریڈ گریفائٹ کی 90 فیصد سے زائد فراہمی پر کنٹرول رکھتا ہے۔
یہ تمام عناصر اعلیٰ صنعتی پیداوار اور دفاعی ٹیکنالوجیز میں کلیدی حیثیت رکھتے ہیں جس سے چین کو اس میدان میں عالمی برتری حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک امریکا تعلقات پاک چین تعلقات پاکستان چین معدنیات.ذریعہ: WE News
کلیدی لفظ: پاک امریکا تعلقات پاک چین تعلقات پاکستان چین معدنیات نایاب معدنیات کہ پاکستان امریکا کے انہوں نے پاک چین کہا کہ چین کی کہ پاک
پڑھیں:
پاکستان 2026-27 کیلئے ای سی او کونسل آف منسٹرز کا چیئرمین منتخب
ویب ڈیسک : پاکستان 2026-27 کیلئے ای سی او کونسل آف منسٹرز کا چیئرمین منتخب ہو گیا۔
ترجمان دفتر خارجہ کے مطابق انتخاب آج ہونے والے 29ویں ای سی او وزرائے خارجہ کونسل اجلاس میں ہوا، نائب وزیراعظم و وزیرخارجہ اسحاق ڈار نے پاکستانی وفد کی قیادت کی۔
طاہر حسین اندرابی نے کہا کہ رکن ممالک کے وزرائے خارجہ نے چیئرمین شپ پر پاکستان کو مبارکباد دی۔وزیر خارجہ اسحاق ڈار نے مبارکباد پر رکن ممالک کا شکریہ ادا کیا۔
پاکستان نے افغانستان سے تاجکستان سرحد پر چینی شہریوں پرحملہ بزدلانہ فعل قرار دیدیا
ترجمان دفتر خارجہ کے مطابق اگلا ای سی او وزراتی کونسل اجلاس 2026 میں پاکستان میں منعقد ہوگا۔
کاپ30 کے اختتام پر موسمیاتی اقدامات کے حوالے سے ایک جامع معاہدے کی منظوری