ذمہ داری سے بچنے کی کوشش افغان حکومت کو علاقائی امن کے تقاضوں سے بری الذمہ نہیں کر سکتی، دفتر خارجہ
اشاعت کی تاریخ: 12th, October 2025 GMT
دفترِ خارجہ نے ہفتے کی شب افغان وزیرِ خارجہ امیر خان متقی کے دورہ بھارت کے دوران دیے گئے بیانات کی سخت مذمت کرتے ہوئےکہا ہے کہ دہشت گردی پر قابو پانےکی ذمہ داری پاکستان پر ڈالنے سے افغان حکام اپنے علاقائی امن کی ذمہ داریوں سے بری الذمہ نہیں ہو سکتے۔
واضح رہے کہ افغان وزیرِ خارجہ امیر خان متقی نے رواں ہفتے کے آغاز میں بھارت کا دورہ کیا تھا، یہ 2021 میں طالبان کے اقتدار میں آنے کے بعد بھارت اور طالبان حکومت کے درمیان پہلا اعلیٰ سطح کا رابطہ تھا۔
9 اکتوبر کی شب کابل میں ہونے والے دھماکے کے حوالے سے نئی دہلی میں ایک پریس کانفرنس میں امیر خان متقی نے اس واقعے اور اس میں مبینہ طور پر پاکستان کے کردار کی مذمت کرتے ہوئے کہا تھا کہ ہر ملک کے اپنے مسائل ہیں، انہیں وہ خود حل کرے۔
انہوں نے دعویٰ کیا تھا کہ افغانستان میں کوئی دہشت گرد تنظیم یا گروہ باقی نہیں رہا، اگر دیگر ممالک بھی اسی طرح اپنے اندر امن قائم کرلیں جیسے ہم نے افغانستان میں کیا، تو پورے خطے میں امن ہو جائے گا۔
انہوں نے دعویٰ کیا تھا کہ پچھلے 8 مہینوں میں افغانستان میں ایک معمولی واقعہ بھی پیش نہیں آیا، 4 سالوں سے افغانستان کی سرزمین سے کسی کو نقصان نہیں پہنچا، یہ اس بات کا بہترین ثبوت ہے جو ہم نے پیش کیا ہے۔
جاری ہونے والے بیان میں دفتر خارجہ نےکہا کہ بھارت-افغانستان کے مشترکہ اعلامیے کے بعض نکات پر پاکستان کے شدید تحفظات افغانستان کے سفیر کو وزارتِ خارجہ میں ایڈیشنل سیکریٹری کے ذریعے پہنچا دیے گئے ہیں۔
????PR No.
Pakistan raises its concerns on the elements of India-Afghanistan Joint Statement and Remarks by Afghan Acting Foreign Minister in India
????⬇️https://t.co/ckCpc3YWB3 pic.twitter.com/xklLmJ2s0f
— Ministry of Foreign Affairs – Pakistan (@ForeignOfficePk) October 11, 2025
دفتر خارجہ نے کہا کہ پاکستان نے افغان نگران وزیرِ خارجہ کے اس مؤقف کو بھی سختی سے مسترد کیا ہے کہ دہشت گردی پاکستان کا داخلی مسئلہ ہے۔
بیان میں مزید کہا گیا کہ پاکستان نے بارہا افغانستان میں موجود ’فتنۃ الخوارج‘ اور ’فتنۃ الہند‘ جیسے دہشت گرد عناصر کے بارے میں معلومات شیئر کی ہیں، جو افغانستان کی سرزمین سے پاکستان کے خلاف کارروائیاں کر رہے ہیں اور انہیں وہاں موجود عناصر کی حمایت حاصل ہے۔
دفتر خارجہ نے زور دے کر کہا کہ دہشت گردی پر قابو پانے کی ذمہ داری پاکستان پر ڈالنے سے افغان نگران حکومت اپنے خطے اور اس سے آگے امن و استحکام کے قیام کی ذمہ داریوں سے بری نہیں ہو سکتی۔
مشترکہ اعلامیے پر تحفظات کی وضاحت کرتے ہوئے دفتر خارجہ کا کہنا تھا کہ جموں و کشمیر کو بھارت کا حصہ قرار دینا اقوامِ متحدہ کی سلامتی کونسل کی متعلقہ قراردادوں اور جموں و کشمیر کی قانونی حیثیت کی کھلی خلاف ورزی ہے۔
مشترکہ اعلامیہ کشمیری عوام کی قربانیوں اور ان کے حقِ خودارادیت کی منصفانہ جدوجہد کے جذبات کے لیے انتہائی غیر حساس ہے۔
دفتر خارجہ نے مزید کہا کہ پاکستان نے اسلامی بھائی چارے اور اچھے پڑوسی کے جذبے کے تحت گزشتہ چار دہائیوں سے تقریبا 40 لاکھ افغان شہریوں کی ’کھلے دل کے ساتھ‘ میزبانی کی ہے۔
بیان میں کہا گیا کہ اب جبکہ افغانستان میں رفتہ رفتہ امن بحال ہو رہا ہے، تو پاکستان میں مقیم غیر قانونی افغان باشندوں کے اپنے وطن واپسی کا وقت آ گیا ہے۔
دفتر خارجہ نے کہا کہ دیگر تمام ممالک کی طرح اور بین الاقوامی اصولوں کے مطابق پاکستان کو اپنے ملک میں غیر ملکی شہریوں کی موجودگی کو منظم کرنے کا حق حاصل ہے۔
ساتھ ہی وضاحت کی کہ افغان شہریوں کے لیے تعلیم اور علاج کی ضرورتوں کے پیش نظر پاکستان نے میڈیکل اور اسٹڈی ویزے جاری کیے۔
اسلامی بھائی چارے اور ہمسائیگی کے جذبے کے تحت پاکستان، افغان عوام کو انسانی ہمدردی کی بنیاد پر مدد فراہم کرتا رہے گا۔
بیان میں کہا گیا کہ پاکستان ایک پُرامن، مستحکم، علاقائی طور پر منسلک اور خوشحال افغانستان دیکھنے کا خواہاں ہے، اسی لیے پاکستان نے افغانستان کو ہر ممکن تجارتی، اقتصادی اور رابطہ سہولتیں فراہم کیں، یہ اقدامات دونوں ممالک کے درمیان تعاون اور معاشی و سماجی ترقی کو فروغ دینے کے لیے ہیں۔
تاہم دفتر خارجہ نے زور دیا کہ حکومت پاکستان پر یہ ذمہ داری عائد ہوتی ہے کہ وہ اپنے عوام کی حفاظت اور سلامتی کے لیے ہر ممکن اقدام کرے۔
دفتر خارجہ نے آخر میں کہا کہ پاکستان توقع رکھتا ہے کہ افغان نگران حکومت اس مقدس مقصد کے حصول میں پاکستان کی مدد کے لیے اپنا کردار ادا کرے گی اور اس امر کو یقینی بنائے گی کہ اس کی سرزمین پاکستان کے خلاف دہشت گرد عناصر کے استعمال میں نہ آئے۔
قبل ازیں، وزیرِ دفاع خواجہ آصف نے کہا کہ افغانستان کی طرف سے ’دہشت گردی کی ایکسپورٹ‘ دونوں ممالک کے درمیان ماحول کو خراب کر دے گی اور ایسے اختلافات پیدا کرے گی جو پاکستان نہیں چاہتا۔
پاکستان اور افغانستان کے تعلقات طویل عرصے سے کشیدہ ہیں، خاص طور پر اس مسئلے پر کہ افغان سرزمین کو پاکستان کے خلاف حملوں کے لیے استعمال کیا جا رہا ہے اور سرحدی جھڑپوں نے بھی تناؤ میں اضافہ کیا ہے۔
گزشتہ ہفتہ خاص طور پر دونوں ممالک کے درمیان بیانات کے تبادلے سے بھرپور رہا، کیونکہ پاکستان میں سیکیورٹی فورسز کے کئی جوان دہشت گردی کے خلاف کارروائیوں میں شہید ہوئے، جبکہ افغانستان نے پاکستان پر اپنی فضائی حدود کی خلاف ورزی کا الزام لگایا۔
جیو نیوز کو دیے گئے ایک انٹرویو میں خواجہ آصف نے کہا کہ وہ دہشت گردی جو وہ پاکستان کو ایکسپورٹ کر رہے ہیں، اس ماحول میں تعلقات میں دراڑ پڑے گی، جو ہماری خواہش نہیں، ہم چاہتے ہیں کہ تعلقات باعزت طریقے سے جاری رہیں۔
دوسری جانب کابل حکومت نے دہشت گردوں کو پناہ دینے کے الزامات کی تردید کی ہے۔
افغان وزارتِ دفاع نے ایک روز قبل الزام عائد کیا کہ پاکستان نے ایک بار پھر افغان فضائی حدود کی خلاف ورزی کی، پکتیکا کے علاقے میں ایک بازار پر بمباری کی اور دارالحکومت کابل کی فضائی حدود کی بھی خلاف ورزی کی۔
پشاور میں نیوز کانفرنس سے خطاب کرتے ہوئے پاک فو ج کے ترجمان لیفٹیننٹ جنرل احمد شریف چوہدری نے اس بات کی تصدیق یا تردید سے گریز کیا تھا کہ آیا فوج نے کابل میں کوئی کارروائی کی ہے یا نہیں، تاہم انہوں نے واضح کیا کہ پاکستان کو اپنے دفاع کا حق حاصل ہے۔
انہوں نے کہا کہ افغانستان کو پاکستان میں دہشت گردی کے لیے آپریشنل بیس کے طور پر استعمال کیا جا رہا ہے، اور اس کے شواہد موجود ہیں۔
ذریعہ: Daily Mumtaz
کلیدی لفظ: افغانستان میں دفتر خارجہ نے کہ افغانستان پاکستان پر پاکستان کے کرتے ہوئے کے درمیان انہوں نے کہ افغان کیا تھا کی ذمہ اور اس تھا کہ
پڑھیں:
بھارت، افغانستان کے ذریعے پاکستان سے بدلے کی کوشش کررہا ہے، وزیرِ دفاع خواجہ آصف
وزیرِ دفاع خواجہ آصف نے کہا ہے کہ بھارت، جو ماضی میں خطے میں اپنی ناکامیوں کا سامنا کرچکا ہے، اب افغانستان کے ذریعے پاکستان سے بدلہ لینے کی کوشش کررہا ہے۔
ان کا کہنا تھا کہ افغانستان میں بھارت کی سہولت کاری جاری ہے اور دہشتگردوں کو دوبارہ منظم ہونے کے مواقع دیے جارہے ہیں۔
افغان حکومت کو قائل کرنے کی کوشش، لیکن ضمانت دینے پر تیار نہیں
نجی ٹیلیویژن پروگرام میں گفتگو کرتے ہوئے وزیرِ دفاع نے کہا کہ پاکستان نے افغان حکومت کو بارہا قائل کرنے کی کوشش کی کہ وہ اپنی سرزمین دہشتگردوں کے استعمال سے بچائے، تاہم افغان حکومت اس ضمن میں کوئی ٹھوس ضمانت دینے پر تیار نہیں۔
یہ بھی پڑھیں:جے شنکر کی امیر متقی سے ملاقات، بھارت کا کابل میں سفارتخانہ کھولنے کا اعلان
ان کے مطابق کابل حکومت نے کہا کہ اگر انہیں مالی مدد دی جائے تو وہ دہشتگردوں کو دوسری جگہ منتقل کردیں گے، لیکن خدشہ یہ تھا کہ پیسہ لینے کے بعد دہشتگرد دوبارہ اپنی پرانی پناہ گاہوں میں واپس آجائیں گے۔
بھارت کی سہولت کاری اور افغان وزیر خارجہ کے بیانات پر سوالات
خواجہ آصف کے مطابق افغان وزیر خارجہ دہلی میں بیٹھ کر بیانات دے رہے ہیں، جس سے یہ ظاہر ہوتا ہے کہ کابل کی پالیسی پر بھارتی اثر و رسوخ بڑھ رہا ہے۔
انہوں نے کہا کہ کالعدم تنظیم کے لیڈر کو بلٹ پروف گاڑی فراہم کی گئی، جس سے واضح ہے کہ دہشتگردوں کی سہولت کاری کی جارہی ہے۔ پاکستان نے کابل حکومت سے کہا ہے کہ اپنی سرزمین سے دہشتگردی کو روکیں اور پاکستان کے خلاف کارروائیوں کا حصہ نہ بنیں۔
مذاکرات کے لیے آمادگی، مگر ضمانت کا فقدان
وزیر دفاع کا کہنا تھا کہ پاکستان مذاکرات کے خلاف نہیں، مگر کسی بھی مذاکراتی عمل کے مؤثر ہونے کے لیے فریقین کی طرف سے ضمانت ضروری ہے۔
یہ بھی پڑھیں:افغانستان کو بین الاقوامی قبولیت کی تلاش، عالمی سفارتی محاذ پر ہزیمت اٹھاتا بھارت کتنا مددگار ہو سکتا ہے؟
انہوں نے کہا کہ ماضی میں 2014 میں جب تمام فریقین متفق تھے تو امن ممکن ہوا، مگر اب کوئی بھی فریق اس عمل کی ذمے داری لینے کو تیار نہیں۔
بھارت کی ماضی کی ناکامی اور بدلے کی حکمتِ عملی
خواجہ آصف نے کہا کہ ’بنیانِ مرصوص‘ میں بھارت کا جو حال ہوا، وہ اب افغانستان کے ذریعے اس کا بدلہ چکانے کی کوشش کررہا ہے۔ ان کے مطابق بھارت کی موجودہ حکمتِ عملی کا مقصد پاکستان میں بدامنی پھیلانا اور افغان سرزمین کو اس کے لیے استعمال کرنا ہے۔
انہوں نے واضح کیا کہ پاکستان کالعدم تنظیموں کے ساتھ حساب برابر کرے گا، یہ اسکور سیٹل ہوگا اور ضرور ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان بھارت پاکستان دہشتگرد کابل کالعدم تنظیمیں
وزیراعظم کو انٹرنیشنل اسلامک یونیورسٹی ملائیشیا کی جانب سے پی ایچ ڈی کی اعزازی ڈگری حاصل