پاکستان ریلوے نے موسم سرما کے لئے ٹرینوں کے اوقات کار تبدیل کردیئے
اشاعت کی تاریخ: 16th, October 2025 GMT
لاہور: پاکستان ریلوے نے ملک بھر میں ٹرینوں کے لیے نیا موسم سرما شیڈول جاری کر دیا ہے جو 16 اکتوبر سے نافذ العمل ہوگیا ہے۔
نئے شیڈول میں متعدد ٹرینوں کے روانگی کے اوقات، اسٹاپس اور بحال شدہ سروسز میں تبدیلیاں کی گئی ہیں تاکہ مسافروں کو موسمِ سرما میں بہتر سفری سہولت فراہم کی جا سکے۔
ریلوے حکام کے مطابق 16 ٹرینوں کے روانگی اوقات میں ردوبدل کیا گیا ہے جبکہ تین ٹرینوں کے مخصوص اسٹیشنوں پر اسٹاپ ختم کر دیے گئے ہیں۔ جبکہ چار معطل شدہ ٹرینیں دوبارہ بحال کر دی گئی ہیں اور اب باقاعدہ طور پر شیڈول میں شامل ہوں گی۔نئے شیڈول کے تحت علامہ اقبال ایکسپریس اب سیالکوٹ سے صبح 7 بج کر 30 منٹ پر روانہ ہوگی جو پہلے 7 بجے روانہ ہوا کرتی تھی۔
نارووال پسنجر کی روانگی کا وقت 7 بج کر 25 منٹ کر دیا گیا ہے جبکہ فیض احمد فیض پسنجر اب صبح 5 بجے روانہ ہوگی جو پہلے سے 30 منٹ پہلے ہے۔اسی طرح عوام ایکسپریس کراچی سے صبح 8 بجے روانہ ہوگی جبکہ اس کا سابقہ وقت 7 بج کر 30 منٹ تھا۔شالیمار ایکسپریس اب لاہور سے 7 بج کر 10 منٹ پر روانہ ہوگی جو کہ پہلے 7 بج کر 30منٹ پر روانہ ہوتی تھی۔
ریلوے انتظامیہ کے مطابق نو ٹرینوں کے عارضی اسٹاپس کو مستقل کر دیا گیا ہے، جن میں رحمن بابا ایکسپریس، کراچی ایکسپریس، شالیمار ایکسپریس، جعفر ایکسپریس، پاک بزنس ایکسپریس، پاکپتن ایکسپریس، تیزگام اور ملت ایکسپریس شامل ہیں۔
پاکستان ریلوے نے مسافروں سے درخواست کی ہے کہ سفر سے قبل نیا شیڈول ضرور چیک کریں تاکہ کسی قسم کی پریشانی سے بچا جا سکے۔
.
ذریعہ
ذریعہ: Al Qamar Online
کلیدی لفظ: روانہ ہوگی ٹرینوں کے
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار