ٹی ایل پی نے احتجاج کے نام پر تشدد کیا ‘ انسپکڑ کو 21گولیاں ماریں : وفاقی وزراء
اشاعت کی تاریخ: 17th, October 2025 GMT
اسلام آباد (اپنے سٹاف رپورٹر سے+ نوائے وقت رپورٹ) وفاقی وزراء نے کہا ہے کہ احتجاج کے نام پر پرتشدد کارروائیاں کی گئیں۔ پاکستان نے فلسطین کا مقدمہ ہر عالمی فورم پر لڑا ہے۔ پاکستان نے ہر طرح سے فلسطینی بہن بھائیوں کا ساتھ دیا۔ وفاقی وزراء محسن نقوی، سردار محمد یوسف، وزیر مملکت طلال چوہدری کے ہمراہ نیوز کانفرنس سے خطاب کرتے ہوئے وزیر اطلاعات و نشریات عطاء اللہ تارڑ نے کہا کہ جنگ بندی معاہدے پر فلسطینی سجدہ ریز ہوئے۔ مہذب دنیا میں فلسطینیوں کے حق میں مظاہرے کئے گئے۔ وزیر اطلاعا ت نے کہا کہ لندن، اٹلی، برطانیہ میں احتجاج کے دوران ایک گملہ نہیں ٹوٹا۔ فلسطین کے حق میں یہ کیسا احتجاج ہے جس میں جدید ہتھیار، خنجر، چاقو اٹھائے لوگ شریک ہوئے۔ احتجاج کرنے والوں نے پولیس انسپکٹر کو شہید کیا۔ شہید انسپکٹر کا کیا قصور تھا کہ اسے اکیس گولیاں ماری گئیں۔ وزیر اطلاعات و نشریات عطاء اللہ تارڑنے کہا کہ جلائو گھیرائو اور امن تباہ کرنے کی کسی صورت اجازت نہیں دیں گے۔ سو سے زائد پولیس اہلکاروں کو احتجاج کے دوران تشدد کا نشانہ بنایا گیا۔ وفاقی وزیر داخلہ محسن نقوی نے کہا ہے کہ تحریک لبیک پاکستان (ٹی ایل پی) نے احتجاج کے دوران پرتشدد رویہ اپنایا اور اسحلہ تانے جتھوں نے فائرنگ کی۔ تاہم ٹی ایل پی کے عہدیداروں کے علاوہ کسی اور مدرسے یا علمائے کرام پر ایکشن کی نہ اجازت ہے اور نہ ہی اجازت دی جائے گی۔ کہتے ہیں مذاکرات نہیں ہوئے، مذاکرات ان کے نکلنے سے لے کر آخری منٹ تک ہوتے رہے۔ ٹی ایل پی کے اعلیٰ عہدیدار خود بتائیں گے کہ ڈھائی بجے تک سرکاری ٹیم کے ساتھ بیٹھے رہے اور ہر مرتبہ ان کو یہی کہا گیا کہ آپ واپس چلے جائیں، کچھ نہیں کہا جائے گا۔ ہر دفعہ ان کی شرائط ایک سے بڑھ کر تھی۔ ان سے پوچھیں کیا ان کا مقصد فلسطین تھا، ان کی شرائط کی فہرست دیکھیں تو اس میں شرط ہے فلاں قاتل اور دہشت گرد ہے، اس کو جیل سے رہا کردیا جائے۔ تو کیا یہ ریلی فلسطین کے لیے تھی یا ان لوگوں کی رہائی کے لیے تھی۔ انہوں نے کہا کہ پاکستان میں پچھلے دو تین ماہ سے کیا ایسی چیز آگئی ہے کہ کہیں نہ کہیں سے ہر 15 روز بعد ایک بڑا احتجاج ہونا ضروری ہے۔ اس کے پیچھے کہیں نہ کہیں، کسی نہ کسی طریقے سے براہ راست نہیں تو کسی طرح کا لنک آج یا سال بعد ضرور نظر آئے گا۔ وزیر داخلہ نے کہا کہ ہم آج بھی کہہ رہے ہیں پرامن احتجاج آپ کا حق ہے ضرور کریں لیکن اس میں آپ اسلحہ لے کر آئیں گے اور گاڑیاں توڑیں گے تو اس کی اجازت نہیں ہوگی۔ وزیر مذہبی امور سردار محمد یوسف نے کہا کہ دنیا بھر میں فلسطین کے حق میں احتجاج ہوئے۔ الحمد للہ مسئلہ حل ہو گیا ہے۔ شرپسند عناصر کی سرکوبی کرنا ریاست کی ذمہ داری ہے۔ قبل ازیں ملک میں حالیہ امن و امان کی صورتحال پر وزارت داخلہ میں اہم جائزہ اجلاس ہوا۔ اجلاس میں وزیر داخہ محسن نقوی‘ وفاقی وزیر اطلاعات عطاء اللہ تارڑ‘ وفاقی وزیر مذہبی امور سردار محمد یوسف اور وزیر مملکت برائے داخلہ طلال چودھری نے شرکت کی۔ اجلاس میں فیصلہ کیا گیا کہ حالیہ ہنگاموں میں سرکاری، نجی املاک کو ہونے والے نقصان کا تخمینہ لگایا جائے گا۔ فیصلے میں کہا گیا کہ عوام کی سکیورٹی اور تحفظ کو ہر صورت یقینی بنایا جائے گا۔ ملک میں کسی کو بھی بدامنی اور انتشار پھیلانے کی ہرگز اجازت نہیں دی جائے گی۔
.ذریعہ: Nawaiwaqt
پڑھیں:
اڈیالہ جیل پر یلغار کی دھمکی کا مقابلہ کرنے کے لئے انتظام کر دیا گیا
سٹی42: پی ٹی آئی کے وزیراعلیٰ سہیل آفریدی کی اڈیالہ جیل پر یلغار کی دھمکی کا مقابلہ کرنے کے لئے انتظام کر دیا گیا۔
وفاقی حکومت نے آج پیر کی شام وفاقی دارالحکومت میں ہر طرح کے احتجاج اور اجتماع پر مکمل پابندی لگا دی ہے۔ اب کسی جلوس کو اسلام آباد ضلع کی حدود میں گھسنے کی اجازت نہیں ہو گی نہ ہی کوئی مقامی گروہ جلسہ جلوس کی سرگرمی کرے گا۔
وفاقی دارالحکومت میں دفعہ 144 نافذ کرنے کا نوٹیفیکیشن منگل 18 نومبر کی شام ہوا ہے۔ دلچسپ امر یہ ہے کہ پی ٹی آئی کے چیف منسٹر کو بخوبی پتہ ہے کہ اسلام آباد اور راولپنڈی مین کسی جلسہ جلوس کی اجازت نہیں اس کے باوجود انہوں نے کل منگل کے روز خیبر پختونخوا کے ہر گاؤں سے لوگ اکٹھے کر کے راولپنڈی کی اڈیالہ جیل لانے کا اعلان کر رکھا ہے اور اس اعلان کو عملی جامہ پہنانے کے لئے پشاور میں کام کر رہے ہیں۔
لکی مروت: پولیس موبائل پر خودکش حملہ، ایک اہلکار شہید، 6 زخمی
ضلعی انتظامیہ کے نوٹیفیکیشن میں واضح کیا گیا ہے کہ وفاقی دارالحکومت میں دفعہ 144 کے تحت کسی قسم کے احتجاج یا جلسے جلوس کی ہرگز اجازت نہیں۔
کسی بھی غیر قانونی سرگرمی کے انعقاد پر قانون فی الفور حرکت میں آئے گا۔
ضلعی انتظامیہ نے میڈیا آؤٹ لیٹس کے ذریعہ شہریوں سے اپیل کی ہے کہ وہ کسی بھی غیر قانونی سرگرمی کا حصہ مت بنیں۔
لکی مروت: پولیس موبائل پر خودکش حملہ، ایک اہلکار شہید
سہیل آفریدی کی دھمکی کیا ہے
پی ٹی آئی کے وزیراعلیٰ سہیل آفریدی نے خیبر پؒتونخوا کے ہر گاؤں سے لوگوں کو اکٹھا کر کے "احتجاج" کے لئے پنجاب کی اڈیالہ جیل لانے کی دھمکی دی ہے۔ سہیل آفریدی نے راولپنڈی میں واقع اڈیالہ جیل پر یلغار کرنے کے لئے منگل کے دن کا اعلان کر رکھا ہے۔
وزیراعلیٰ سہیل آفریدی نے اپنے اس "احتجاج" کے منسوبے کی وجہ یہ بتائی کہ اڈیالہ جیل کی انتظامیہ ان کو جیل کے اندر جا کر پی ٹی آئی کے بانی کے ساتھ ملاقات کرنے کی اجازت نہیں دیتی۔
ایمان مزاری اور ہادی علی چٹھہ کی ٹرائل پر فوری حکم امتناع کی استدعا مسترد
Waseem Azmet
امریکا اور اسرائیلی رجیم کو اپنی جارحیتوں کا جواب دینا ہوگا، ایران