سعودی ولی عہد کے دورہ پاکستان سے دوطرفہ تعاون مزید مضبوط ہوگا، صدر آصف زرداری
اشاعت کی تاریخ: 18th, October 2025 GMT
اسلام آباد:
صدر مملکت آصف علی زرداری نے مسلم ورلڈ لیگ کے سیکریٹری جنرل محمد بن عبدالکریم العیسیٰ کی مسلم امہ میں اتحاد، اعتدال اور بین المذاہب ہم آہنگی کے فروغ کی کاوشوں کو سراہتے ہوئے کہا ہے کہ سعودی ولی عہد محمد بن سلمان کے دورہ پاکستان سے دو طرفہ تعاون مزید مضبوط ہوگا۔
مسلم ورلڈ لیگ کے سیکریٹری جنرل ڈاکٹر محمد بن عبدالکریم العیسیٰ نے صدر مملکت آصف علی زرداری سے ایوان صدر میں ملاقات کی اور اس موقع پر صدر مملکت نے خادم حرمین شریفین شاہ سلمان بن عبدالعزیز اور ولی عہد محمد بن سلمان کے لیے نیک خواہشات کا اظہار کیا۔
صدر آصف علی زرداری نے ڈاکٹر العیسیٰ کی مسلم امہ میں اتحاد، اعتدال اور بین المذاہب ہم آہنگی کے فروغ کی کاوشوں کو سراہا اور کہا کہ انتہا پسندی اور اسلاموفوبیا کے خلاف مسلم ورلڈ لیگ کی کوششیں قابل تحسین ہیں۔
انہوں نے کہا کہ اسلام آباد میں مسلم ورلڈ لیگ کی میزبانی میں لڑکیوں کی تعلیم پر بین الاقوامی کانفرنس قابل تعریف اقدام ہے، سیرت النبی ﷺ میوزیم، پاکستان اور مسلم ورلڈ لیگ کے مشترکہ احترام اور عقیدت کی علامت ہے۔
صدر آصف علی زرداری نے پاکستان اور مسلم ورلڈ لیگ کے درمیان مجوزہ معاہدے کو صحت، تعلیم اور انسانی ہمدردی کے منصوبوں کے لیے اہم قرار دیا اور فلسطینی عوام کے حق خودارادیت کی بھرپور حمایت کا اعادہ کیا۔
صدر مملکت نے کہا کہ امن کی ہر کوشش میں پائیدار جنگ بندی، اسرائیلی انخلا اور غزہ کی تعمیرنو کو یقینی بنانا چاہیے۔
سعودی عرب کے ساتھ تعلقات پر بات کرتے ہوئے صدرمملکت نے کہا کہ پاکستان کو سعودی عرب کے ساتھ تاریخی اور برادرانہ تعلقات پر فخر ہے، سعودی ولی عہد کے دورۂ پاکستان سے دوطرفہ تعاون مزید مضبوط ہوگا۔
صدر مملکت نے کہا کہ مسلم ورلڈ لیگ امت مسلمہ کے اتحاد، مکالمے، رواداری اور انسانیت کے فروغ میں نمایاں کردار ادا کر رہی ہے۔
مسلم ورلڈ لیگ کے سیکریٹری جنرل ڈاکٹر العیسیٰ نے کہا کہ پاکستان سعودی عوام کے دلوں میں خصوصی مقام رکھتا ہے، پاکستان اور سعودی عرب کے تعلقات وقت کے ساتھ مزید مضبوط ہو رہے ہیں اور پاکستان سے دوستی کو مملکت سعودی عرب اپنے لیے باعث فخر سمجھتی ہے۔
ڈاکٹر العیسیٰ نے کہا کہ صدر آصف علی زرداری کا سیاسی سفر قابلِ تحسین اور متاثرکن ہے، محترمہ بینظیر بھٹو شہید کی زندگی ہمارے لیے مشعل راہ ہے۔
ڈاکٹر العیسیٰ نے صدر زرداری کو محترمہ بینظیر بھٹو کی سیاسی وراثت آگے بڑھانے پر خراج تحسین پیش کیا اور کہا کہ پاکستان اور سعودی عرب کے درمیان حالیہ دفاعی معاہدہ باہمی اعتماد اور تعلقات کا مظہر ہے۔
Tagsپاکستان.
ذریعہ: Al Qamar Online
کلیدی لفظ: پاکستان مسلم ورلڈ لیگ کے آصف علی زرداری ڈاکٹر العیسی سعودی عرب کے پاکستان اور پاکستان سے صدر مملکت نے کہا کہ مملکت نے ولی عہد
پڑھیں:
مصری وزیرِ خارجہ کا دورۂ پاکستان، دفترِ خارجہ کا اعلامیہ جاری
وزیرِ خارجہ اسحاق ڈار کی مصری ہم منصب ڈاکٹر بدر احمد محمد عبدالعاطی سے ملاقات—فائل فوٹودفترِ خارجہ نے مصری وزیرِ خارجہ ڈاکٹر بدر احمد محمد عبدالعاطی کے دورۂ پاکستان کے حوالے سے اعلامیہ جاری کر دیا۔
اسلام آباد سے جاری بیان میں دفترِ خارجہ نے کہا ہے کہ مصری وزیرِ خارجہ نے 29 سے 30 نومبر تک پاکستان کا سرکاری دورہ کیا۔
اعلامیے میں کہا گیا ہے کہ مصری وزیرِ خارجہ نے نائب وزیرِ اعظم اسحاق ڈار سے ون آن ون اور وفد کی سطح پر ملاقاتیں کیں۔
دفترِ خارجہ کے مطابق دونوں وزرائے خارجہ نے سیاسی، معاشی، تجارتی، دفاعی تعاون پر جامع جائزہ لیا جبکہ صحت، تعلیم، ثقافت، ہیپاٹائٹس سی کے خاتمے میں مصر کے تعاون پر بھی بات چیت ہوئی۔
اعلامیے میں کہا گیا ہے کہ دونوں ممالک کا نجی شعبے کے درمیان روابط بڑھانے کے لیے عملی اقدامات پر اتفاق ہوا ہے، پہلے مرحلے میں 250 پاکستانی بزنس ہاؤسز کی فہرست مصر کو دی جائے گی۔
دفترِ خارجہ کا کہنا ہے کہ دوسرے مرحلے میں بزنس ہاؤسز کی تعداد 500 تک بڑھائی جائے گی، اس دوران پاکستان مصر بزنس کونسل کے قیام کا فیصلہ ہوا تاکہ تجارتی تعاون کو ادارہ جاتی شکل دی جائے گی۔
اعلامیے کے مطابق پاکستان مصر بزنس فورم 2026ء کی دوسری سہ ماہی میں منعقد ہو گا، اس موقع پر بدر احمد محمد عبدالعاطی نے مصر کا الازہر یونیورسٹی کی جانب سے پاکستانی طلبہ کے لیے اسکالر شپس کی تعداد دوگنی کرنے کا اعلان کیا۔
دفترِ خارجہ کا کہنا ہے کہ دونوں ممالک نے 1967ء سے پہلے کی سرحدوں پر قائم خود مختار فلسطینی ریاست کی حمایت کا اعادہ کیا۔
اعلامیے کے مطابق مصری وزیرِ خارجہ نے صدرِ مملکت آصف علی زرداری سے بھی ملاقات کی، جس کے دوران دو طرفہ تعاون اور علاقائی صورتِ حال پر تبادلۂ خیال کیا، صدرِ مملکت نے مصر کے تعمیری سفارتی کردار کو سراہا۔
دفترِ خارجہ نے کہا ہے کہ فیلڈ مارشل عاصم منیر سے مصری وزیرِ خارجہ نے ملاقات کی، جس میں دفاعی و سلامتی تعاون پر گفتگو ہوئی۔
اس دوران عسکری تعاون، تربیتی پروگرامز اور خطےکی سلامتی کے لیے دونوں ممالک نے عزم کیا، مصری وزیرِ خارجہ کے دورے سے پاک مصر تعلقات مزید مضبوط ہوئے۔
فیلڈ مارشل سید عاصم منیر سے ایرانی سپریم نیشنل سیکیورٹی کونسل کے سیکرٹری علی لاریجانی کی ملاقات، آئی ایس پی آر