عوام نے ہڑتال کی کال مسترد کردی ، وزیراعلیٰ خیبرپی کے اجلاس میں نہ آنا سیاسی سٹنٹ ہے : عطاتارڑ
اشاعت کی تاریخ: 18th, October 2025 GMT
اسلام آباد (اپنے سٹاف رپورٹر سے) وفاقی وزیر اطلاعات و نشریات عطاء اللہ تارڑ نے کہا ہے کہ عوام نے ٹی ایل پی اور تحریک انصاف کی احتجاج کی کال یکسر مسترد کر دی ہے۔ بے مقصد احتجاج کی کالوں کا یہی نتیجہ نکلتا ہے۔ ملک بھر میں کاروبار زندگی رواں دواں ہے۔ وزیراعلیٰ خیبر پی کے اجلاس میں بیٹھ کر بات چیت کرنے پر یقین نہیں رکھتے۔ وزیراعظم کی زیر صدارت خیبر پی کے کے امن و امان سے متعلق اجلاس میں وزیراعلیٰ کی موجودگی ضروری تھی۔ معرکہ حق کے بعد پاکستانیوں کو دنیا بھر میں بہت سنجیدگی سے لیا جا رہا ہے۔ جمعہ کو یہاں اہم گفتگو کرتے ہوئے وفاقی وزیر اطلاعات نے کہا کہ وزیراعظم کی زیر صدارت افغان پناہ گزینوں کی واپسی کے حوالے سے اعلیٰ سطحی اجلاس ہوا جس میں بروقت اور اہم فیصلے کئے گئے جبکہ سابقہ فیصلوں پر عمل درآمد کا جائزہ بھی لیا گیا۔ وفاقی وزیر نے بتایا کہ اجلاس میں تمام متعلقہ ادارے اور چاروں صوبائی حکومتوں کے نمائندے شریک تھے تاہم وزرائے اعلیٰ میں سے صرف خیبرپختونخوا کے وزیراعلیٰ سہیل آفریدی موجود نہیں تھے، ان کی نمائندگی مزمل اسلم نے کی جنہوں نے تفصیلی گفتگو کی اور اپنا موقف پیش کیا مگر جب صوبے کی سکیورٹی، امن و امان اور لوگوں کے تحفظ کی بات ہو تو ضروری ہے کہ وزیراعلیٰ خود موجود ہوں۔ انہوں نے کہا کہ اجلاس میں دیگر معاملات کے ساتھ ساتھ سکیورٹی فورسز کی قربانیوں پر بھی بات ہوئی۔ اس موقع پر مزمل اسلم کی طرف سے بتایا گیا کہ پولیس شہداء کے لئے معاوضہ بھی دیا جا رہا ہے اور اس پروگرام کو جاری رکھے ہوئے ہیں مگر وزیراعلیٰ خیبر پختونخوا کا اسلام آباد میں موجود ہونے کے باوجود اجلاس میں شرکت نہ کرنا ایک سیاسی سٹنٹ کے سوا کچھ نہیں جس کا نقصان صرف عوام کو ہوتا ہے۔ امن و مان کے حوالے سے سیاست کھیلنا افسوسناک ہے، وزیراعلیٰ خیبر پی کے کو شاید سوشل میڈیا پر داد اور سیاسی پوائنٹ سکورنگ تو ضرور حاصل ہو جائے گی مگر جب صوبے کے عوام یا ملک کے لئے حقیقی فیصلے کرنے کا وقت آئے گا تو یہ ہمیشہ پیچھے رہیں گے کیونکہ یہ اجلاس میں بیٹھ کر بات چیت کرنے پر یقین نہیں رکھتے۔ گزشتہ روز ملک بھر میں معمولات زندگی معمول کے مطابق رہے، سڑکوں پر رش اور گہما گہمی رہی، بازار اور مارکیٹیں کھلی رہیں جبکہ عوام غزہ اور فلسطین کے معاملہ پر اللہ تعالیٰ کا شکر ادا کر رہے ہیں۔ انہوں نے کہا کہ پاکستان نے فلسطین کے مسئلہ پر ہمیشہ بھرپور اور اصولی موقف اپنایا ہے، پاکستان نے ہر عالمی فورم پر مظلوم فلسطینی عوام کی آواز بلند کی اور اسرائیلی مظالم کی واضح الفاظ میں مذمت کی۔ وزیراعظم پاکستان کو عالمی فورمز پر جو عزت و وقار حاصل ہوا، خصوصاً صدر ڈونلڈ ٹرمپ کی جانب سے جو عزت دی گئی، یہ اس بات کا ثبوت ہے کہ پاکستان کی خارجہ پالیسی درست سمت میں جا رہی ہے۔ انہوں نے کہا کہ آج پاکستان اور سبز پاسپورٹ کی عزت میں اضافہ ہوا ہے، معرکہ حق کے بعد پاکستانیوں کو دنیا بھر میں بہت سنجیدگی سے لیا جا رہا ہے۔
.
ذریعہ
ذریعہ: Nawaiwaqt
کلیدی لفظ: اجلاس میں نے کہا کہ
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار