ملک میں مہنگائی میں مسلسل اضافہ، قیمتیں مجموعی طور پر 0.22 فیصد بڑھ گئیں
اشاعت کی تاریخ: 24th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:۔ ملک میں مہنگائی کی رفتار کم ہونے کے بجائے مسلسل بڑھتی جا رہی ہے۔ ادارہ شماریات کے مطابق ہفتہ وار بنیادوں پر مہنگائی کی شرح میں چوتھے ہفتے بھی اضافہ ریکارڈ کیا گیا، ایک ہفتے کے دوران مہنگائی کی مجموعی شرح میں مزید 0.
رپورٹ کے مطابق سالانہ بنیادوں پر ہفتہ وار مہنگائی کی شرح 5.03 فیصد تک جا پہنچی ہے۔ ادارہ شماریات کا کہنا ہے کہ گزشتہ ہفتے 20 اشیائے ضروریہ کی قیمتوں میں اضافہ، 6 اشیاءکی قیمتوں میں کمی جبکہ 25 اشیا کی قیمتیں مستحکم رہیں۔
اعداد و شمار کے مطابق ایک ہفتے کے دوران پیاز فی کلو 5 روپے 81 پیسے، انڈے فی درجن 7 روپے، چینی 3 روپے 77 پیسے اور لہسن فی کلو 3 روپے 84 پیسے مہنگا ہوا۔ اسی طرح ٹماٹر فی کلو 92 پیسے جبکہ مٹن، تازہ دودھ، دال مسور اور بچوں کا دودھ بھی مہنگی ہونے والی اشیاءمیں شامل ہیں۔
رپورٹ میں بتایا گیا کہ چکن فی کلو 8 روپے 24 پیسے اور ایل پی جی کا گھریلو سیلنڈر کی قیمتوں میں 3 روپے 78 پیسے کمی ہوئی۔ اس کے علاوہ دال مونگ، گندم کا آٹا اور گ ±ڑ بھی سستی ہونے والی اشیاءمیں شامل ہیں۔
معاشی ماہرین کے مطابق مسلسل بڑھتی ہوئی مہنگائی عوام کی قوتِ خرید کو مزید متاثر کر رہی ہے، جس سے روزمرہ اخراجات کا بوجھ غریب اور متوسط طبقے پر بڑھتا جا رہا ہے۔
ذریعہ: Jasarat News
کلیدی لفظ: مہنگائی کی کے مطابق
پڑھیں:
چینی مزید مہنگی، ملک بھر میں فی کلو قیمت 210 روپے تک جاپہنچی
data-id="863a0a8" data-element_type="widget" data-widget_type="theme-post-content.default">
چینی کی قیمتوں میں کمی کے تمام حکومتی اقدامات ناکام ثابت ہوگئے، گزشتہ ایک ہفتے کے دوران چینی 10 روپے فی کلو تک مہنگی ہوگئی جس کے بعد ملک میں چینی کی زیادہ سے زیادہ قیمت 210 روپے فی کلو تک جا پہنچی ہے۔
ادارۂ شماریات کے مطابق پشاور میں چینی سب سے مہنگی فروخت ہو رہی ہے جہاں شہری 210 روپے فی کلو کے حساب سے چینی خریدنے پر مجبور ہیں۔
رپورٹ میں بتایا گیا ہے کہ ایک ہفتے کے دوران چینی کی اوسط فی کلو قیمت میں 3 روپے 77 پیسے کا اضافہ ریکارڈ کیا گیا۔ اسلام آباد، راولپنڈی، ملتان اور بنوں میں چینی 200 روپے فی کلو تک فروخت ہو رہی ہے، جبکہ کراچی میں اس کی زیادہ سے زیادہ قیمت 195 روپے فی کلو ہے۔
ادارہ شماریات کے مطابق ملک میں چینی کی اوسط قیمت 188 روپے 81 پیسے فی کلو ہوچکی ہے، جو گزشتہ ہفتے 185 روپے 4 پیسے تھی۔
اعداد و شمار کے مطابق گزشتہ ایک سال میں چینی کی اوسط فی کلو قیمت میں 54 روپے سے زائد اضافہ ہوا ہے، کیونکہ ایک سال قبل یہی چینی 134 روپے 8 پیسے فی کلو میں دستیاب تھی۔
اسموگ، لاہوریوں کو غیرضروری گھروں سے باہر نہ نکلنے کی ہدایت