ڈیجیٹل بینک اکاؤنٹس بند؟ جاز کیش اور ایزی پیسہ بھی نہیں چلے گا
اشاعت کی تاریخ: 25th, October 2025 GMT
ویب ڈیسک: اسٹیٹ بینک آف پاکستان کی جانب سے جاری کردہ نئے ضوابط کے تحت ملک بھر میں لاکھوں شہریوں کے موبائل والٹس اور ڈیجیٹل بینک اکاؤنٹس 25 اکتوبر 2025 سے بلاک کیے جا سکتے ہیں۔
ان ہدایات کے مطابق وہ تمام صارفین جنہوں نے اپنی بائیومیٹرک تصدیق مکمل نہیں کی، وہ آج سے اپنے اکاؤنٹس کے ذریعے رقم بھیجنے یا وصول کرنے کی سہولت سے محروم ہو جائیں گے۔
اسٹیٹ بینک نے جولائی 2025 میں جاری کیے گئے سرکلر نمبر 1 کے تحت واضح کیا تھا کہ تمام بینکوں، ڈیجیٹل بینکوں، مائیکرو فنانس بینکوں، ڈیولپمنٹ فنانس اداروں اور الیکٹرانک منی انسٹی ٹیوشنز کے لیے بائیومیٹرک تصدیق کو بنیادی شناختی طریقہ کار کے طور پر لازمی قرار دیا گیا ہے۔
اداکار شریاس تالپڑے اور الوک ناتھ کے خلاف کروڑوں روپے کے فراڈ میں ملوث ہونے کا الزام، مقدمہ درج
اس اقدام کا مقصد اکاؤنٹ کھولنے اور صارفین کی رجسٹریشن کے عمل کو شفاف بنانا اور منی لانڈرنگ و دہشت گردی کی مالی معاونت کے خلاف قوانین کو مضبوط کرنا ہے۔
پہلے صارفین کو 60 دن کا وقت دیا گیا تھا تاکہ وہ اپنی بائیومیٹرک تصدیق مکمل کر سکیں، تاہم اب نئی پالیسی کے مطابق مقررہ تاریخ تک تصدیق نہ کروانے والے صارفین کے اکاؤنٹس فوراً بلاک کر دیے جائیں گے۔
ماہرین کے مطابق اس فیصلے سے لاکھوں مقامی اور غیر ملکی کرنسی کے اکاؤنٹس کے ساتھ ساتھ روشن ڈیجیٹل اکاؤنٹس بھی متاثر ہو سکتے ہیں۔
برازیل: شہری نے انشورنس رقم کے لالچ میں اپنی لگژری پورش گاڑی کو آگ لگا دی
اسٹیٹ بینک کا نیا یکجا شدہ کسٹمر آن بورڈنگ فریم ورک اب تمام انفرادی اور کاروباری اکاؤنٹس پر لاگو ہوگا، چاہے وہ برانچ میں کھولا گیا ہو یا آن لائن۔
یہ قواعد و ضوابط اسٹیٹ بینک کے ماتحت تمام مالیاتی اداروں پر لاگو ہوں گے، جن میں بینک، ڈی ایف آئیز، مائیکروفنانس بینک، ڈیجیٹل بینک اور الیکٹرانک منی ادارے شامل ہیں۔
.ذریعہ: City 42
کلیدی لفظ: ڈیجیٹل بینک اسٹیٹ بینک اکاو نٹس
پڑھیں:
صارفین کے اعتراضات پر چیٹ جی پی ٹی میں اشتہارات جیسے فیچرز بند
اوپن اے آئی نے ادائیگی کرنے والے صارفین کی جانب سے شدید تنقید کے بعد چیٹ جی پی ٹی میں وہ تمام فیچرز عارضی طور پر بند کر دیے ہیں جو اشتہارات جیسے محسوس ہو رہے تھے۔
یہ بھی پڑھیں : چیٹ جی پی ٹی کا نیا انقلابی فیچر کیا ہے؟
اگرچہ کمپنی کا کہنا ہے کہ چیٹ بوٹ میں کوئی اشتہارات یا اشتہارات کی آزمائش نہیں چل رہی مگر چیف ریسرچ آفیسر مارک چن نے اعتراف کیا کہ حالیہ ’پروموشنل‘ طرز کی تجاویز مناسب نہیں تھیں اور صارفین میں الجھن کا سبب بنیں۔
سوشل میڈیا پر کئی صارفین نے اس طرح کی تجاویز کے اسکرین شاٹس شیئر کیے اور کہا کہ یہ اشتہارات لگ رہے ہیں۔
اوپن اے آئی نے وضاحت کی کہ یہ پیغامات کسی قسم کی ادا شدہ پروموشنز نہیں تھیں بلکہ گزشتہ ماہ متعارف کرائے گئے نئے چیٹ جی پی ٹی ایپ پلیٹ فارم پر بنائی گئی ایپس دکھانے کا ایک تجربہ تھا۔
کمپنی نے زور دے کر کہا کہ ان تجاویز میں کسی قسم کا مالی فائدہ شامل نہیں تھا۔
مزید پڑھیے: اوپن اے آئی میں ’کوڈ ریڈ‘ نافذ: گوگل کے ہاتھوں چیٹ جی پی ٹی کی برتری خطرے میں
مسئلہ اس وقت شروع ہوا جب چیٹ جی پی ٹی پلس صارفین کو ایسے پیغامات نظر آنے لگے جو غیر متعلقہ سوالات پر پیلٹن اور ٹارگیٹ اور جیسے برانڈز کی ترویج کرتے محسوس ہو رہے تھے۔
چیٹ جی پی ٹی کے سربراہ نک ٹرلی نے دوبارہ یقین دلایا کہ اشتہارات کے کوئی فعال ٹیسٹ نہیں چل رہے اور اگر کمپنی کبھی اشتہارات کا تجربہ کرے گی تو یہ صارفین کے اعتماد کو برقرار رکھتے ہوئے نہایت سوچ سمجھ کر کیا جائے گا۔
مارک چن نے مزید کہا کہ یہ تجاویز واقعی اشتہارات جیسی محسوس ہوئیں اور ان کا بہتر طریقے سے انتظام ہونا چاہیے تھا۔ ان کے مطابق کمپنی نے فی الحال یہ فیچر بند کر دیا ہے اور ماڈل میں بہتری لاتے ہوئے ایسے اختیارات فراہم کرنے کی منصوبہ بندی کر رہی ہے جن سے صارفین ان تجاویز کو کم یا مکمل طور پر بند کرسکیں۔
مزید پڑھیں: خبردار! کیا آپ بھی چیٹ جی پی ٹی سے گہرے راز شیئر کرتے ہیں؟
دریں اثنا مختلف رپورٹس کے مطابق اوپن اے آئی نے اپنی وسیع تر اشتہاری حکمت عملی فی الحال مؤخر کر دی ہے کیونکہ سی ای او سیم آلٹمین چیٹ جی پی ٹی کے مجموعی معیار کو بہتر بنانے کو ترجیح دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی چیٹ جی پی ٹی چیٹ جی پی ٹی اور اشتہارات
بینظیر ہنرمند پروگرام؛ شمولیت کی شرائط اوررجسٹریشن کا طریقہ کارجانیے