پنجاب بھر میں دفعہ 144 کے نفاذ میں توسیع
اشاعت کی تاریخ: 25th, October 2025 GMT
محکمہ داخلہ پنجاب نے صوبہ بھر میں دفعہ 144 کے نفاذ میں 8 یوم کی توسیع کر دی۔
ترجمان محکمہ داخلہ نے کہا کہ پنجاب میں ہر قسم کے احتجاج، جلسے، جلوس، ریلیوں، دھرنوں، اجتماع اور ایسی تمام سرگرمیوں پر پابندی عائد ہے، دفعہ 144 کے تحت چار یا زائد افراد کے عوامی مقامات پر جمع ہونے پر مکمل پابندی ہوگی۔
پنجاب بھر میں ہر قسم کے اسلحہ کی نمائش پر مکمل پابندی عائد کی گئی ہے، دفعہ 144 کے تحت لاؤڈ اسپیکر کے استعمال پر بھی مکمل پابندی ہے۔
پنجاب بھر میں اشتعال انگیز، نفرت آمیز یا فرقہ وارانہ مواد کی اشاعت و تقسیم پر مکمل پابندی ہے، دفعہ 144 کے نفاذ میں توسیع کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا۔
کابینہ کمیٹی برائے امن و امان کے 39ویں اجلاس میں دفعہ 144 کے نفاذ میں توسیع کی سفارش کی گئی، حکومت پنجاب نے دہشت گردی اور امن عامہ کے خدشات کے پیش نظر احکامات جاری کیے۔
پابندی کا اطلاق شادی کی تقریبات، جنازہ اور تدفین پر نہیں ہوگا، سرکاری فرائض کی انجام دہی پر موجود افسران و اہلکار اور عدالتیں پابندی سے مستثنیٰ ہیں، لاؤڈ اسپیکر صرف اذان اور جمعہ کے خطبہ کیلئے استعمال کیے جا سکتے ہیں۔
سکیورٹی خطرات کے پیش نظر عوامی جلوس و دھرنا دہشت گردوں کیلئے سافٹ ٹارگٹ ہو سکتا ہے، شرپسند عناصر عوامی احتجاج کا فائدہ اٹھا کر اپنے مذموم عزائم کی تکمیل کیلئے ریاست مخالف سرگرمیاں کر سکتے ہیں۔
محکمہ داخلہ نے ہفتہ یکم نومبر تک دفعہ 144 کے نفاذ میں توسیع کا نوٹیفکیشن جاری کر دیا، عوامی آگاہی کیلئے دفعہ 144 کے نفاذ کی بڑے پیمانے پر تشہیر کی ہدایت کردی گئی۔
.ذریعہ: Express News
کلیدی لفظ: دفعہ 144 کے نفاذ میں توسیع مکمل پابندی
پڑھیں:
ورلڈ ڈویلپمنٹ انفارمیشن ڈے پرمریم نواز شریف کا خصوصی پیغام
راؤ دلشاد: وزیراعلیٰ پنجاب مریم نواز شریف نے ورلڈ ڈویلپمنٹ انفارمیشن ڈے کے موقع پر اپنے پیغام میں کہا ہے کہ یہ دن عوام کی زندگیوں میں بہتری لانے کے عزم کی تجدید کا موقع ہے۔
انہوں نے کہا کہ اس دن کے منانے کا مقصد عوامی مسائل اور ترقیاتی ضروریات کی اہمیت کو اجاگر کرنا ہے۔
وزیراعلیٰ نے کہا کہ پنجاب میں تیز ترین ترقی کے جدید دور کا آغاز ہوچکا ہے، جہاں پائیدار ترقی اور موثر ابلاغ عوامی زندگیوں میں بہتری لانے میں کلیدی کردار ادا کر رہے ہیں۔
سوشل میڈیا پر ویڈیوز اپ لوڈ کرنے والے ہوجائیں ہوشیار،بڑا فیصلہ کرلیا گیا
مریم نواز شریف نے بتایا کہ پنجاب میں پہلی بار 3 ہزار مراکز صحت، ہسپتالوں کی تعمیر، مرمت اور بحالی کا منفرد منصوبہ جاری ہے، جبکہ مختصر مدت میں 20 ہزار سے زائد سڑکوں کی تعمیر و مرمت ترقی کی ناقابلِ تردید مثال ہے۔
انہوں نے کہا کہ “ستھرا پنجاب“، 1100 الیکٹرو بسز اور “اپنی چھت، اپنا گھر“ منصوبہ صوبائی حکومت کی ترقیاتی کمیونیکیشن کی روشن دلیل ہیں۔
وزیراعلیٰ نے مزید کہا کہ ہیلتھ، ایجوکیشن اور جدید مواصلاتی سہولتوں تک عوامی رسائی یقینی بنا کر ہی ڈویلپمنٹ کے اہداف حاصل کیے جا سکتے ہیں۔ ان کے مطابق عوامی شعور اور معلومات کا فروغ معاشی ترقی اور مثبت تبدیلی کا بنیادی ذریعہ ہے۔
تھیٹر ہالز کو ڈراما اوقات کی سختی سے پابندی کرنے کی ہدایت جاری
انہوں نے اس موقع پر انفارمیشن ڈیپارٹمنٹ کی خدمات کو بھی سراہا، جو ڈویلپمنٹ کے لیے عوامی آگاہی پیدا کرنے میں نمایاں کردار ادا کر رہا ہے۔
اداکارہ فجر شیخ رشتہ ازدواج میں منسلک ہو گئیں