کیا آپ کو رات کی گہری نیند کے بعد بھی دن بھر نیند کی طلب رہتی ہے؟
اشاعت کی تاریخ: 25th, October 2025 GMT
کیا آپ کو بھی رات کو بھرپور نیند کے بعد دن بھر نیند کی طلب رہتی ہے؟ اگر ایسا ہے تو آپ ممکنہ طور پر ایڈیو پیتھک ہائپرسومنیا (آئی ایچ) نامی نایاب نیند کے مسئلے سے دوچار ہیں۔
اس مسئلے سے دوچار فرد کو بہت زیادہ نیند کی ضرورت ہوتی ہے۔ یہاں تک کہ بہت نیند لینے کے باوجود بھی مسئلے کا شکار شخص تر و تازہ محسوس نہیں کرتا اور الجھن کا شکار رہتا ہے۔
برطانیہ کے ایک خیراتی ادارے ہائپر سومنولینس یو کے کے مطابق برطانیہ میں 25 ہزار افراد میں ایک سے بھی کم فرد اس کیفیت میں مبتلا ہوتا ہے۔ کیوں کہ متعدد لوگوں میں کبھی اس کیفیت کی تشخیص نہیں ہوتی اس لیے ہزاروں افراد کو معلوم نہیں ہوتا کے وہ اس کیفیت میں مبتلا ہیں۔
ماضی کے مطالعے میں بتایا گیا تھا کہ یہ کیفیت مرگی یا بائی پولر ڈس آرڈر کی طرح جیسی عام کیفیت ہوسکتی ہے۔
فی الحال اس مسئلے کے اسباب کا علم نہیں ہوسکا لیکن ماہرین کا ماننا ہے کہ یہ ممکنہ طور پر ایک اعصابی مسئلہ ہے۔ جس کا کوئی علاج فی الحال معلوم نہیں ہے۔
.ذریعہ: Express News
پڑھیں:
اپنے ہی ملک میں میرے ساتھ ایسا سلوک ہوتا ہے، طلحہ انجم پر پھر کسنرٹ کے دوران بوتل پھینکنے دی گئی
پاکستان میوزک انڈسٹری کے عالمی شہرت یافتہ ریپر طلحہ انجم کے کنسرٹ میں ایک مرتبہ پھر اسٹیج پر بوتل پھینکنے کا واقعہ پیش آیا ہے جس پر گلوکار نے برہمی کا اظہار کیا ہے۔
ایک حالیہ کنسرٹ میں کسی نوجوان نے طلحہ انجم پر شیشے کی بوتل پھینک دی جس کی ویڈیو سوشل میڈیا پر وائرل ہو رہی ہے۔ طلحہ انجم نے اس طرح کے سلوک پر برہمی کا اظہار کرتے ہوئے کہا کہ میرے ہی ملک میں لوگ اس طرح سلوک کرتے ہیں۔
گلوکار کا کہنا تھا کہ میں بنگلہ دیش گیا، کینیڈا گیا، بھارتی مداح نے میرے پاؤں چھو کر بولا کیا لکھتے ہو کیا گاتے ہو مگر میرے اپنے ملک میں میرے ساتھ ایسا کیا جاتا ہے جس پر دکھ ہوتا ہے۔
View this post on InstagramA post shared by Adnan abbasi (@tundagang)
طلحہ انجم نے مزید کہا کہ اگر میں ابھی کنسرٹ چھوڑ کر چلا جاؤں تو کوئی کیا کرلے گا؟ گلوکار نے کنسرٹ میں موجود مداحوں سے کہا کہ بوتل پھینکنے والا اپنی اوقات دکھا رہا ہے آپ اسے میری اوقات بتاؤ جس پر مداحوں نے گلوکار کا ساتھ دیتے ہوئے انہیں خوب سراہا۔
یاد رہے کہ اس سے قبل بھی طلحہ انجم پر کئی مرتبہ کنسرٹ کے دوران بوتل پھینکی جاچکی ہے جس پر انہوں نے شدید ردعمل دیا تھا۔ سوشل میڈیا صارفین کا بھی کہنا ہے کہ ہماری نوجوان نسل کو فنکاروں کی عزت کرنی چاہیئے۔
عمران خان کا سابق سسرالی خاندان صدمے سے دوچار، جمائما کی والدہ انتقال کرگئیں