اڈیالہ کا قیدی بانی متحدہ پارٹ ٹو بن چکا، ذہنی کیفیت کا معائنہ کیا جائے،عظمیٰ بخاری
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور: وزیر اطلاعات پنجاب عظمیٰ بخاری نے کہا ہے کہ اڈیالہ جیل میں قید عمران خان کی سوچ اور طرزِ عمل اس قدر بگڑ چکا ہے کہ وہ ’’بانی ایم کیو ایم پارٹ ٹو‘‘ بنتے جا رہے ہیں۔ انہوں نے دعویٰ کیا کہ اڈیالہ کی چاردیواری نے انہیں ’’ذہنی مریض‘‘ بنا دیا ہے۔
میڈیا سے گفتگو کرتے ہوئے عظمیٰ بخاری نے کہا کہ بانی پی ٹی آئی اپنے دورِ حکومت میں سیاسی مخالفین کو دھمکیاں دیتے رہے اور ملک کو دیوالیہ کرنے کے لیے ہر حربہ استعمال کیا۔ ان کے مطابق پاکستان کے لیے آنے والی ہر مثبت خبر اُن کے لیے ’’فتنہ اور انتشار‘‘ کا باعث بن جاتی ہے۔
انہوں نے کہا کہ جیل میں موجود شخص مظلوم بننے کی کوشش کر رہا ہے جبکہ وہ بالکل صحت مند ہے اور باہر سے منگوائے گئے کھانوں تک سے لطف اندوز ہوتا ہے۔ سوشل میڈیا پر اس کی بیماری سے متعلق پھیلائی جانے والی خبریں سراسر غلط ہیں۔
وزیر اطلاعات پنجاب نے مزید الزام لگایا کہ بانی پی ٹی آئی پاکستان کے خلاف بھارتی میڈیا کو بھی استعمال کر رہے ہیں۔ انہوں نے کہا کہ بانی پی ٹی آئی کی ذہنی کیفیت کا باقاعدہ معائنہ ہونا چاہیے۔
عظمیٰ بخاری کا کہنا تھا کہ ’’فتنہ خان‘‘ کی سیاست اور پاکستان ساتھ ساتھ نہیں چل سکتے۔ عمران خان پہلے بھی ملک کے لیے خطرہ تھے اور آج بھی ہیں۔ انہوں نے کہا کہ آج وہی شخص مظلومیت کا ڈرامہ کر رہا ہے جو دوسروں کے اے سی تک بند کروا دیتا تھا۔
عظمیٰ بخاری نے دعویٰ کیا کہ ڈی جی آئی ایس پی آر کی پریس کانفرنس نے بانی پی ٹی آئی کے ’’گندے کردار پر سخت چوٹ‘‘ کی ہے۔ ان کے مطابق پی ٹی آئی کے اندر بھی بڑی تعداد ایسے لوگوں کی ہے جو بانی پی ٹی آئی کے طرزِ سیاست سے تنگ آ چکے ہیں۔
ذریعہ: Jasarat News
کلیدی لفظ: بانی پی ٹی آئی نے کہا کہ انہوں نے کے لیے
پڑھیں:
دوسروں کوکہنے والا خود پاگل، فتنہ کی سیاست اور پاکستان اکٹھے نہیں چل سکتے: عظمیٰ بخاری
لاہور (نوائے وقت رپورٹ) صوبائی وزیر اطلاعات عظمیٰ بخاری نے کہا کہ اڈیالہ کی دیواروں نے ایک شخص کو ذہنی مریض بنا دیا، دھمکیاں دینے والا آج مظلوم بنا بیٹھا ہے، فتنہ کی سیاست اور پاکستان اکٹھے نہیں چل سکتے۔عظمیٰ بخاری نے پریس کانفرنس کرتے ہوئے کہا کہ پی ٹی آئی نے آئی ایم ایف کو خطوط لکھے، پی ٹی آئی نے ملک کودیوالیہ کرنے کیلئے ہرحربہ استعمال کیا، بانی اپنے دور میں مخالفین کودھمکیاں دیتے تھے، بانی پی ٹی آئی کی ذہنی کیفیت کا معائنہ ہونا چاہئے۔ان کا کہنا تھا کہ پنجاب حکومت ذہنی مریض کیلئے سپیشل ٹیم بنائے، بانی منہ پر ہاتھ پھیر کر کہتے تھے چھوڑوں گا نہیں، اڈیالہ کا قیدی بانی ایم کیو ایم پارٹ 2 بن چکا ہے، ایک نیوز کانفرنس کی وجہ سے پی ٹی آئی والوں کی دم پرپاؤں آیا ہے، دوسروں کو پاگل کہنے والا خود پاگل ہے۔وزیراطلاعات عظمیٰ بخاری نے کہا کہ پی ٹی آئی کی کوئی پرفارمنس نہیں ہے، تم کل بھی پاکستان کے خلاف تھے آج بھی خلاف ہو، کھلاڑیوں نے ورلڈکپ جیتا، تم اکیلے اس کے مالک بنے ہوئے ہو، آپ آج بھی ایک تعلیمی ادارہ چندے پر چلا رہے ہیں۔انہوں نے کہا کہ آر ٹی ایس بٹھا کر وزیراعظم بنے اورپاکستان پر مسلط رہے، ہمیں بھی اسٹیبلشمنٹ سے گلا رہا لیکن پاکستان کو نقصان پہنچانے کی سوچ نہیں آئی، آپ کے مطابق بانی پی ٹی آئی ریڈلائن ہوگی لیکن یہاں نہیں، سارے پاکستانیوں کی ریڈ لائن یہ ملک ہے۔انہوں نے مزید کہا کہ انہوں نے بیانیہ بنایا پاکستان میں 5ہزار 300ارب روپے کی کرپشن ہوتی ہے، آئی ایم ایف رپورٹ میں کہیں کرپشن کی بات نہیں ، سہیل آفریدی کو یہ نہیں پتہ کہ 5300ارب روپے ہوتے کتنے ہیں، سہیل ا?فریدی بھی دوسروں سے سن پر 5300ارب روپے کی بات کررہے تھے۔عظمیٰ بخاری نے کہا کہ انہوں نے گزشتہ 13سال میں کوئی سکول یا ہسپتال بنالیا ہوتا تو ناجانے کیا ہوتا، بات کچھ اور ہوتی ہے، یہ بات کو کوئی اور رنگ دیتے ہیں، ٹرانسپیرنسی انٹرنیشنل رپورٹ میں کرپشن کی شرح کم بتائی گئی، 66فیصد لوگوں نیکہا سرکاری کاموں میں رشوت دینے کی ضرورت نہیں پڑی۔صوبائی وزیر اطلاعات نے کہا کہ جھوٹے انقلابیوں کا انقلاب سے کوئی لینا دینا نہیں، فتنہ کی سیاست اور پاکستان اکٹھے نہیں چل سکتے، پاکستان سے مزید کھلواڑ نہیں ہو سکتا۔انہوں نے کہا کہ پی ٹی آئی نے ملک دشمنی کو تلخی کا نام دیا، تمام لوگوں نے کہا آئیں بیٹھ کر بات چیت کے ذریعے بات کرتے ہیں، بانی پی ٹی آئی کہتے ہیں میں نے سیاسی لوگوں سے بات کرنی ہی نہیں، ان کو اپنے قائد کوصادق اورامین کہتے شرم بھی نہیں آتی۔وزیر اطلاعات عظمیٰ بخاری نے کہا کہ ہم نے کبھی نہیں کہا کہ ہر جگہ 100فیصد فرشتے بھرتی ہوگئے، ہم کہہ رہے ہیں باری باری ہر ادارے میں ریفارمز ہورہی ہیں، پی ٹی آئی میں بہت لوگ نجی محافل میں کہتے ہیں اس آدمی نے ہمیں بھی مروادیا۔
عالمی معاشی منظر نامہ تبدیل ہو رہا، دنیا میں سلگتے تنازعات عالمی امن کیلئے خطرہ: اسحاق ڈار