آٹھ گھنٹے نیند لازمی نہیں، اپنی ضروری نیند کا درست اندازہ لگانے کے طریقے
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
عام طور پر صحت کے ماہرین یہ مشورہ دیتے ہیں کہ بالغ افراد کو روزانہ سات سے نو گھنٹے کی نیند لینا چاہیے، تاہم نیند کے ماہرین کا کہنا ہے کہ ہر انسان کی نیند کی ضروریات مختلف ہو سکتی ہیں۔ جدید مصروف زندگی اور بڑھتے ہوئے کام کے دباؤ کی وجہ سے اکثر افراد مطلوبہ نیند حاصل نہیں کر پاتے اور اسی سبب سے نیند کے مسائل آج کل عام ہوتے جا رہے ہیں۔
سی این این کی رپورٹ کے مطابق بوسٹن کے سینٹر فار سلیپ اینڈ کوگنیشن کے ڈائریکٹر اور ہارورڈ میڈیکل اسکول کے اسسٹنٹ پروفیسر ڈاکٹر ٹونی کننگھم کہتے ہیں کہ صرف نیند کے گھنٹوں پر توجہ دینا کافی نہیں بلکہ نیند کا معیار اس سے کہیں زیادہ اہم ہے۔ بعض افراد کے لیے صرف چار گھنٹے کی نیند بھی کافی ہو سکتی ہے جبکہ کچھ لوگوں کو نو سے گیارہ گھنٹے کی ضرورت ہوتی ہے۔
ڈاکٹر کننگھم کے مطابق جسم میں نیند کو کنٹرول کرنے والی دو اہم چیزیں ہیں: سلیپ پریشر اور سرکیڈین ردھم۔ سلیپ پریشر اس دباؤ کو ظاہر کرتا ہے جو جتنا زیادہ جاگنے کے بعد جسم پر پڑتا ہے اور سرکیڈین ردھم جسم کی اندرونی گھڑی ہے جو سونے اور جاگنے کے سگنل بھیجتی ہے۔ اگر یہ دونوں نظام ہم آہنگ نہ ہوں تو نیند کا معیار متاثر ہوتا ہے، چاہے آپ کتنے ہی گھنٹے کیوں نہ سو لیں۔
بعض لوگ پانچ سے چھ گھنٹے کی نیند میں بھی دن بھر بہترین کارکردگی دکھا سکتے ہیں، جبکہ کچھ کو زیادہ دیر تک سونے کی ضرورت پیش آتی ہے۔ ڈاکٹر کننگھم کا کہنا ہے کہ سات سے نو گھنٹے کی ہدایت ایک عمومی رہنما اصول ہے، اسے ہر فرد پر لازمی نہیں ٹھہرایا جا سکتا۔
بہتر نیند کے لیے ڈاکٹر کننگھم نے چند آسان تجاویز بھی دی ہیں۔ سب سے پہلے یہ کہ مستقل سونے اور جاگنے کا وقت مقرر کریں اور ایسا وقت منتخب کریں جب واقعی نیند آنے لگے۔ اگر بیس سے تیس منٹ میں نیند نہ آئے تو کمرے کی روشنی کم کریں اور ہلکی سرگرمیاں کریں، جیسے کتاب پڑھنا، مراقبہ، یا نیم گرم پانی سے غسل کرنا۔
اگر دن میں ہر وقت نیند کی کیفیت محسوس ہو رہی ہو تو بعض عادات میں تبدیلی ضروری ہے۔ چند دن بغیر الارم کے سوئیں، کمرے سے گھڑی اور موبائل ہٹا دیں، پردے بند کریں تاکہ روشنی نہ آئے، اور آرام دہ ماحول بنائیں۔ ابتدائی دنوں میں جسم پرانی نیند کی کمی پوری کرنے کی کوشش کرے گا، اور جب مسلسل تین سے چار دن آپ خود بخود جاگنے لگیں، وہی آپ کا قدرتی نیند کا وقت ہوگا۔
نیند کی کمی کے طویل المدتی نقصانات بھی واضح ہیں۔ روزانہ پانچ گھنٹے سے کم نیند لینے والے افراد میں موٹاپا، ہائی بلڈ پریشر، دل کی بیماریاں، قوتِ مدافعت میں کمی، اور ذہنی تناؤ کے خطرات بڑھ جاتے ہیں۔ چھٹیوں، امتحانات کے بعد یا چند دن کی رخصت میں یہ تجربات کرنا نسبتاً آسان ہوتا ہے، کیونکہ اس دوران آپ اپنی قدرتی نیند کے نظام کو بہتر طریقے سے سمجھ سکتے ہیں۔
یہ رپورٹ واضح کرتی ہے کہ صرف نیند کے گھنٹے نہیں بلکہ اس کا معیار اور قدرتی ریتم ہی ہماری صحت اور روزمرہ کارکردگی کے لیے بنیادی حیثیت رکھتے ہیں۔
ذریعہ
ذریعہ: Jasarat News
کلیدی لفظ: گھنٹے کی کی نیند نیند کے نیند کی نیند کا
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ