ٹرمپ ایشیا کا دورہ ایشیا کے دوران ملائیشیا آمد، ایئرپورٹ پر رقص کرتے ہوئے ویڈیو وائرل
اشاعت کی تاریخ: 26th, October 2025 GMT
امریکی صدر ڈونلڈ ٹرمپ ایشیا کے اپنے دورے کے پہلے مرحلے پر ملائیشیا پہنچ گئے ہیں، جہاں وہ آسیان (ASEAN) سربراہی اجلاس میں شرکت کریں گے۔
صدر ٹرمپ اپنے دورے کے دوران ملائیشیا کے ساتھ تجارتی معاہدے پر دستخط کریں گے اور تھائی لینڈ و کمبوڈیا کے درمیان تاریخی امن معاہدے کی نگرانی بھی کریں گے۔
کوالالمپور پہنچنے پر جہاز سے اترنے کے بعد صدر ٹرمپ کو ایئرپورٹ پر انہیں خوش آمدید کرنے والے فنکاروں کے ہمراہ رقص کرتے دیکھا گیا۔
یہ بھی پڑھیے: پاکستان اور ملائیشیا کا پائیدار اقتصادی تعلقات کو مزید فروغ دینے کا عزم، وزیراعظم کا دورہ مکمل، مشترکہ اعلامیہ جاری
روانگی سے قبل ٹرمپ نے کہا تھا کہ وہ اس دورے میں شمالی کوریا کے رہنما کم جونگ اُن سے ملاقات کے لیے بھی تیار ہیں۔ ان کا کہنا تھا کہ انہیں امید ہے کہ چین کے صدر شی جن پنگ کے ساتھ جنوبی کوریا میں ہونے والی ملاقات انتہائی مثبت ثابت ہوگی اور چین مزید محصولات سے بچنے کے لیے تجارتی معاہدہ کرے گا۔
یہ اجلاس تاریخ کا سب سے بڑا آسیان اجلاس قرار دیا جا رہا ہے، جس میں 12 ہزار مندوبین شریک ہیں، جبکہ 20 ہزار سے زائد سیکیورٹی اہلکار تعینات کیے گئے ہیں۔ اجلاس کے باعث کوالالمپور کے بڑے حصے کو بند کر دیا گیا ہے۔
آسیان 11 رکنی علاقائی بلاک ہے جس میں برونائی، کمبوڈیا، انڈونیشیا، لاؤس، ملائیشیا، میانمار، فلپائن، سنگاپور، تھائی لینڈ، ویتنام اور تازہ ترین رکن مشرقی تیمور شامل ہیں۔
یہ بھی پڑھیے: ٹرمپ ایشیا کے اہم دورے پر روانہ، چین اور جنوبی کوریا کے صدور سے ملاقات کریں گے
ملائیشیا کے بعد ٹرمپ جاپان جائیں گے، جہاں وہ نئی خاتون وزیراعظم سَناے تاکایچی سے ملاقات کریں گے۔ انہوں نے جاپانی رہنما کی تعریف کرتے ہوئے کہا کہ وہ سابق وزیراعظم شنزو آبے کی پالیسیوں کو مؤثر انداز میں آگے بڑھا رہی ہیں۔
دورے کا سب سے اہم مرحلہ جنوبی کوریا میں ہوگا، جہاں ٹرمپ صدر لی جے میونگ سے ملاقات، کاروباری رہنماؤں سے خطاب اور امریکی ٹیکنالوجی کمپنیوں کے سربراہان کے ساتھ عشائیہ کریں گے۔
جمعرات کو ٹرمپ اور شی جن پنگ کے درمیان ہونے والی ملاقات عالمی منڈیوں کی توجہ کا مرکز بنی ہوئی ہے، اور ماہرین کو امید ہے کہ اس سے تجارتی جنگ کے خاتمے کی راہ ہموار ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
ٹرمپ کا ملائیشیا جانے سے قبل دوحہ میں مختصر قیام، امیر قطر سے جہاز میں ملاقات
امریکی صدر ڈونلڈ ٹرمپ نے ملائیشیا کے دورے پر روانگی سے قبل قطر کے دارالحکومت دوحہ میں مختصر قیام کیا، جہاں انہوں نے جہاز میں قطر کے امیر شیخ تمیم بن حمد الثانی اور وزیراعظم شیخ محمد بن عبدالرحمٰن الثانی سے ملاقات کی۔
غیر ملکی خبر رساں ایجنسی کے مطابق صدر ٹرمپ مشرقِ وسطیٰ میں امن کے لیے قطر کے کردار کو سراہا اور کہا کہ قطر نے اس معاملے میں ایک اہم کردار ادا کیا ہے۔
طیارے میں صحافیوں سے گفتگو کرتے ہوئے ٹرمپ نے کہا کہ انہیں چین کے صدر شی جن پنگ کے ساتھ ایک مثبت اور تعمیری ملاقات کی توقع ہے، اور امید ہے کہ چین یکم نومبر سے نافذ ہونے والے اضافی ٹیرف سے بچنے کے لیے معاہدے پر آمادہ ہو جائے گا۔
صدر ٹرمپ نے غزہ میں پائیدار امن کی ضرورت پر بھی زور دیا اور کہا کہ ٹاسک فورس جلد تیار ہو گی، اور ضرورت پڑنے پر قطر غزہ میں امن فوج بھیجنے کے لیے تیار ہے۔ انہوں نے حماس سے کہا کہ فوری طور پر یرغمالیوں کی لاشیں واپس کی جائیں، ورنہ امن معاہدے میں شامل دیگر ممالک کارروائی کریں گے۔ امریکا آئندہ 48 گھنٹوں میں صورتحال پر گہری نظر رکھے گا۔
واضح رہے کہ امریکی صدر ایشیا کے دورے پر ہیں جہاں وہ چین کے صدر، جنوبی کوریا اور جاپان کے رہنماؤں سے ملاقات کریں گے، اور شمالی کوریا کے رہنما کم جونگ اُن سے بھی ملاقات کے خواہاں ہیں تاکہ عالمی اقتصادی اور سیکیورٹی معاملات میں پیش رفت کی جا سکے۔
انصار اللہ نے اقوام متحدہ کے 20 ملازمین کو حراست میں لے لیا