مٹیاری: شہر بھرمیں تجاوزات کی بھرمار، پیدل چلنے والوںکو پریشانی کاسامنا
اشاعت کی تاریخ: 27th, October 2025 GMT
data-id="863a0a8" data-element_type="widget" data-widget_type="theme-post-content.default">
مٹیاری(نمائندہ جسارت) شہر بھر میں تجاوزات کی بھر مار پیدل چلنے والے شہری پریشان۔ فوٹ پاتھ پر ہوٹل مالکان نے کرسیاں رکھ دیں۔ شہریوں کا کمشنر حیدرآباد سے نوٹس لینے کا مطالبہ۔ مٹیاری شہر کے مختلف علاقوں اور سڑکوں پر تجاوزات کی بھر مار۔ پیدل چلنے والے شہری اور خواتین مشکلات میں مبتلہ ہوگئیں۔ بس اسٹاپ۔ گرلز ہائی اسکول۔ پرائمری اسکول۔ سرکاری ہسپتال۔ گورنینٹ کالج سمیت ٹھارو شاہ روڈ پر چنگچی رکشا اور سوزوکی والوں نے غیر قانونی اسٹاپ قائم کردیے جس کے باعث عوام شدید پریشان ہیں۔ دوسری جانب پیدل چلنے والے لوگوں کے لیے بنائے گئے فوٹ پاتھ پر ہوٹل مالکان نے کرسیاں رکھ لیں ہیں جس سے عام لوگوں کے لیے مزید مسائل پیدا ہو رہے ہیں۔ مٹیاری کی سول سوسائٹی نے کمشنر حیدرآباد سے نوٹس لے کر کاروائی کرنے کا مطالبہ کیا ہے۔
ذریعہ: Jasarat News
کلیدی لفظ: پیدل چلنے
پڑھیں:
مولانا فضل الرحمن سے برطانوی ہائی کمشنر کی ملاقات، سیاسی و سیکیورٹی صورتحال پر تبادلہ خیال
data-id="863a0a8" data-element_type="widget" data-widget_type="theme-post-content.default">
اسلام آباد: جمعیت علمائے اسلام (ف) کے سربراہ مولانا فضل الرحمن سے برطانوی ہائی کمشنر جین میریٹ نے اسلام آباد میں ملاقات کی، جس میں پاکستان اور خطے کی مجموعی سیاسی و سیکیورٹی صورتحال پر تفصیلی تبادلہ خیال کیا گیا۔
میڈیا رپورٹس کے مطابق ملاقات کے دوران دونوں رہنماؤں نے باہمی دلچسپی کے امور، علاقائی استحکام اور موجودہ عالمی چیلنجز پر بھی گفتگو کی، اس موقع پر پاک برطانیہ تعلقات کو مزید مضبوط اور مستحکم بنانے پر اتفاق کیا گیا جبکہ باہمی تعاون کے فروغ کے لیے مختلف پہلوؤں پر مشاورت کی گئی۔
ذرائع نے بتایا کہ مولانا فضل الرحمن نے گفتگو کے دوران پاکستان میں جمہوری عمل کے تسلسل، سیاسی استحکام اور امن و امان کی فضا کو برقرار رکھنے کی ضرورت پر زور دیا، جمہوری اداروں کو مضبوط کیے بغیر ملکی ترقی اور استحکام ممکن نہیں، اور تمام قوتوں کو مل کر ملک کے آئینی نظام کو مستحکم بنانے کے لیے کردار ادا کرنا ہوگا۔
برطانوی ہائی کمشنر جین میریٹ نے اس موقع پر پاکستان کے مثبت کردار کو سراہتے ہوئے کہا کہ برطانیہ پاکستان کے ساتھ دیرینہ تعلقات کو قدر کی نگاہ سے دیکھتا ہے۔ انہوں نے خطے میں قیامِ امن، استحکام اور ترقی کے لیے پاکستان کی قربانیوں کو خراجِ تحسین پیش کیا اور مختلف شعبوں میں تعاون بڑھانے کی خواہش کا اظہار کیا۔
ذرائع کے مطابق ملاقات خوشگوار ماحول میں ہوئی اور دونوں رہنماؤں نے اس بات پر اتفاق کیا کہ بدلتی ہوئی عالمی صورتِ حال میں بین الاقوامی شراکت داری اور مکالمے کو فروغ دینا وقت کی اہم ضرورت ہے تاکہ خطے میں پائیدار امن اور ترقی کی راہ ہموار کی جاسکے۔
طلال چوہدری نے کے پی حکومت کی جانب سے بلٹ پروف گاڑیاں واپس کرنے کا فیصلہ بچگانہ قرار دیدیا