بنگلہ دیش: 2 مشیروں نے چیف ایڈوائزر کو استعفے پیش کر دیے، وجہ کیا بنی؟
اشاعت کی تاریخ: 10th, December 2025 GMT
بنگلہ دیش کے مشیر برائے اطلاعات و نشریات محمد محفوظ عالم اور وزارتِ بلدیات، دیہی ترقی و کوآپریٹیوز جبکہ وزارتِ نوجوانان و کھیل کے مشیر عاصف محمود سجب بھویان نے چیف ایڈوائزر پروفیسر محمد یونس کو اپنے استعفے پیش کر دیے ہیں۔
ذرائع کے مطابق دونوں مشیروں نے پیر کی سہ پہر تقریباً 5 بجے ریاستی مہمان خانہ ‘جمنا’ میں استعفے جمع کرائے، جنہیں چیف ایڈوائزر نے باضابطہ طور پر قبول کر لیا۔ تاہم یہ استعفے الیکشن کمیشن کی جانب سے عام انتخابات کے شیڈول کے اعلان کے بعد نافذ العمل ہوں گے۔
یہ بھی پڑھیے: بنگلہ دیش اور امریکا کے مابین بارہویں دفاعی مذاکرات کا آغاز
دونوں مشیران جولائی کی عوامی تحریک کے دوران صفِ اول میں قیادت کے باعث خاصی شہرت رکھتے ہیں۔ استعفے قبول کرتے ہوئے پروفیسر محمد یونس نے ان کی خدمات کو سراہا اور کہا کہ قوم ہمیشہ یاد رکھے گی کہ انہوں نے آمرانہ طرزِ حکومت سے نجات کے لیے عوام کی مؤثر قیادت کی۔
چیف ایڈوائزر نے اس موقع کو تاریخی قرار دیتے ہوئے کہا کہ عبوری حکومت ان کی خدمات کو ہمیشہ تسلیم کرے گی اور مختصر مدت میں ملک کے لیے دی جانے والی قربانیاں فراموش نہیں کی جائیں گی۔ انہوں نے مزید کہا کہ یہ محض ایک عبوری مرحلہ ہے اور مستقبل میں دونوں رہنما قومی سطح پر مزید بڑا کردار ادا کریں گے۔
یہ بھی پڑھیے: اطالوی کمپنی بنگلہ دیش کو یورو فائٹر ٹائفون ملٹی رول لڑاکا طیارے فراہم کرے گی
پروفیسر محمد یونس نے دونوں نوجوان رہنماؤں پر زور دیا کہ وہ حکومتی ذمہ داریوں کے دوران حاصل کیے گئے تجربات کو آئندہ برسوں میں ملک و قوم کی خدمت اور قیادت کے لیے بروئے کار لائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انتخابات بنگلہ دیش چیف ایڈوائزر ڈھاکا.
ذریعہ
ذریعہ: WE News
کلیدی لفظ: انتخابات بنگلہ دیش چیف ایڈوائزر ڈھاکا چیف ایڈوائزر بنگلہ دیش کے لیے
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ