ریاض میں جموں کشمیر اوور سیز فورم کا اجلاس
اشاعت کی تاریخ: 16th, February 2025 GMT
۔سعودی دارالحکومت ریاض میں جموں کشمیر اوور سیز فورم کا اجلاس سرپرست اعلی سردار سلیم خان افتاب کی صدارت میں ھوا۔ اجلاس میں سردارسلیم افتاب، پروفیسر ساجد ، افتخار عباسی، محمد رشید خان۔ انجنئیرمحمد شفیق، توفیق افتاب، محمد فیضان، محمد رئیس نواز، عامرعباسی، محمد شہزاد، زعیم اسد خان نے شرکت کی۔ اجلاس میں تحریک ازادی کشمیر کے شہداء کو خراج عقیدت پیش کیا گیا اور پانچ فروری کی ہمیت اور کشمیریوں کے ساتھ اظہار یکجہتی کے لیے اس دن کو منانے کا تجدید عہد کیا گیا۔ شرکاء اجلاس نے کشمیر کی مکمل ازادی تک جہدو جہد جاری رکھنے اور کسی بھی قربانی سے دریغ نہ کرنے کا اعادہ کیا۔ اخر میں شہداء تحریک ازادی کشمیر کے درجات کی بلندی کے لیے دعا کی گئی
.ذریعہ: Jasarat News
پڑھیں:
آزاد کشمیر: مسلم لیگ ن کا حکومت سے علیحدگی کا اعلان، اپوزیشن بینچوں پر بیٹھنے کا فیصلہ
پاکستان مسلم لیگ ن آزاد کشمیر نے حکومتی اتحاد سے علیحدگی کا اعلان کردیا۔
صدر پاکستان مسلم لیگ (ن) آزاد جموں و کشمیر شاہ غلام قادر نے اپنے ایک بیان میں کہاکہ مسلم لیگ (ن) آزاد جموں و کشمیر اپنے بنیادی نصب العین کے مطابق تحریکِ آزادیٔ جموں و کشمیر، آزاد خطے کے عوام، مہاجرینِ مقیم پاکستان اور بیرونِ ملک بسنے والے کشمیریوں کی فلاح و بہبود کے لیے عبوری آئین ایکٹ 1974 کے تحت اپنا جمہوری اور سیاسی کردار پوری ذمہ داری کے ساتھ ادا کر رہی ہے۔
یہ بھی پڑھیں: آزاد کشمیر کی سیاست میں ہلچل، آنے والے دنوں میں کیا ہونے جارہا ہے؟
انہوں نے کہاکہ پاکستان مسلم لیگ (ن) آزاد جموں و کشمیر اور مہاجرینِ مقیم پاکستان میں اپنے نظریات، سیاسی کردار اور عوامی خدمت کی بدولت ایک مقبول اور منظم جماعت کے طور پر ابھر کر سامنے آئی ہے۔
’پارٹی قیادت آزاد جموں و کشمیر میں جاری آئینی و سیاسی بحران پر گہری نظر رکھے ہوئے ہے۔ اگرچہ اس بحران کی براہِ راست ذمہ دار مسلم لیگ (ن) نہیں، تاہم ہم نے ہمیشہ عوامی فلاح، جمہوریت کے استحکام اور قانون کی بالادستی کے اصولوں پر کاربند رہتے ہوئے اس کے حل کے لیے ہر سطح پر اپنا کردار ادا کیا ہے اور کرتے رہیں گے۔‘
شاہ غلام قادر نے کہاکہ پارٹی کے تمام فورمز پر متفقہ طور پر یہ فیصلہ کیا گیا ہے کہ پاکستان مسلم لیگ (ن) اب انوارالحق حکومت کا حصہ نہیں رہے گی اور آئندہ اپوزیشن کی حیثیت سے اپنا آئینی و جمہوری کردار ادا کرے گی۔
انہوں نے کہاکہ مسلم لیگ (ن) کسی بھی غیر فطری حکومت سازی کی کوشش کا حصہ نہیں بنے گی، اور اگر کوئی شخص یا گروہ ایسی سوچ رکھتا ہے تو وہ جماعتی پالیسی سے انحراف کا مرتکب تصور ہوگا۔
صدر پاکستان مسلم لیگ ن نے کہاکہ اگر پاکستان پیپلز پارٹی کوئی تحریک عدم اعتماد لاتی ہے تو یہ اُن کا جمہوری و آئینی حق ہے، تاہم مسلم لیگ (ن) کسی نئی حکومت کے قیام میں شریک نہیں ہوگی۔ ہماری پارٹی اس امر پر یقین رکھتی ہے کہ آزاد جموں و کشمیر میں ایک مضبوط، مستحکم اور عوامی اعتماد پر مبنی حکومت صرف نئے عام انتخابات کے ذریعے ہی قائم ہو سکتی ہے۔
انہوں نے کہاکہ ایسی حکومت ہی عوام کے مسائل حل کر سکتی ہے، ترقی و تعمیر کے سفر کو ازسرِنو شروع کر سکتی ہے، گورننس کے نظام کو بہتر بنا سکتی ہے، پاکستان کے ساتھ نظریاتی و فکری رشتوں کو مزید مضبوط کر سکتی ہے، اور میرٹ پر مبنی فیصلوں کے ذریعے عوام کا اعتماد بحال کر سکتی ہے۔
یہ بھی پڑھیں: آزاد کشمیر کے سابق وزیراعظم عبدالقیوم نیازی کو گرفتار کرلیا گیا
شاہ غلام قادر نے کہاکہ پاکستان مسلم لیگ (ن) آئندہ عام انتخابات میں بھرپور سیاسی قوت کے ساتھ حصہ لے گی۔ میں آزاد جموں و کشمیر کے عوام، مہاجرینِ مقیم پاکستان اور پارٹی کے تمام کارکنان کو یقین دلاتا ہوں کہ قائد محترم میاں محمد نواز شریف کی قیادت اور میاں محمد شہباز شریف کی رہنمائی میں پاکستان مسلم لیگ (ن) آئندہ انتخابات میں انشااللہ بھرپور کامیابی حاصل کر کے عوام کی امنگوں کے مطابق ایک مستحکم اور مضبوط حکومت تشکیل دے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن کرنے کا فیصلہ آزاد کشمیر حکومت سے علیحدگی شاہ غلام قادر مسلم لیگ ن وی نیوز
برآمدی معیشت ناقابلِ تلافی نقصان سے دوچار