کراچی میں شدید گرمی کے باعث اسپتالوں میں ہیٹ اسٹروک وارڈز قائم
اشاعت کی تاریخ: 21st, April 2025 GMT
کراچی:
شہر قائد میں شدید گرمی کے باعث اسپتالوں میں ہیٹ اسٹروک وارڈز قائم کردیے گئے۔
کراچی میں شدید گرمی کی لہر کے اثرات شہریوں کی صحت پر اثر انداز ہوگئے ہیں، شہر کا موسم گرم ہوتے ہی مختلف اسپتالوں میں ہیٹ اسٹروک وارڈز قائم کردیے گئے۔ سیکڑوں جلدی امراض کے مریضوں نے اسپتالوں کا رخ کر لیا ہے۔
دوسری جانب جناح اسپتال میں بھی اس حوالے سے خصوصی اقدامات کیے گئے ہیں، جہاں 22 بستروں پر مشتمل ہیٹ اسٹروک کے پیش نظر آئسولیشن وارڈ قائم کیا گیا ہے۔ اس وارڈ میں گرمی کی شدت سے متاثر مریضوں کو فوری علاج فراہم کرنے کی سہولت موجود ہے۔
انچارج ایمرجنسی ڈاکٹر عرفان نے بتایا کہ جناح اسپتال میں قائم کیے گئے آئسولیشن وارڈ میں تمام انتظامات مکمل ہیں اور مریضوں کے علاج کے لیے ضروری ادویات اور دیگر سہولتیں موجود ہیں۔
ڈاکٹر عرفان کے مطابق اس وارڈ میں عملے کی ڈیوٹیاں بھی لگا دی گئی ہیں تاکہ کسی بھی ممکنہ مریض کو فوری اور مؤثر علاج فراہم کیا جا سکے۔
انہوں نے مزید کہا کہ اس وارڈ میں ہیٹ اسٹروک کے مریضوں کو فوری طور پر مانیٹر کیا جاتا ہے اور ان کی حالت کو بہتر بنانے کے لیے تمام ضروری تدابیر اختیار کی جاتی ہیں۔ ڈاکٹر عرفان نے شہریوں کو ہدایت دی کہ وہ ہیٹ اسٹروک سے بچنے کے لیے احتیاطی تدابیر اختیار کریں۔
اسکن اسپتال کراچی کے ایڈیشنل ڈائریکٹر ڈاکٹر عبداللہ نے ایکسپریس سے بات کرتے ہوئے اس بات پر زور دیا کہ اسپتال میں مریضوں کا دباؤ بہت زیادہ ہے اور روزانہ 5 ہزار سے زائد مریض جلدی امراض کی شکایات کے ساتھ آ رہے ہیں۔
انہوں نے شہریوں سے کہا کہ ذاتی اشیاء کسی دوسرے سے نہ شئیر کریں، کیونکہ اس سے جلدی انفیکشنز پھیلنے کا خطرہ بڑھ جاتا ہے۔ ان کا کہنا تھا کہ اس حالت میں اسپتال کی انتظامیہ نے تمام ضروری تدابیر کر رکھی ہیں تاکہ مریضوں کو بہتر علاج فراہم کیا جا سکے۔
ایسو سی ایٹ پروفیسر بہرام نے ایکسپریس سے بات کرتے ہوئے کہا کہ گرمی کی شدت کی وجہ سے بڑوں میں فنگل انفیکشنز جبکہ بچوں میں بیکٹیریل انفیکشنز کی شکایت زیادہ آرہی ہے۔ جلد پر چھوٹے سرخ دانے اور اسکن ریش کی شکایات میں بھی نمایاں اضافہ ہوا ہے۔
جناح اسپتال کی ماہر جلدی امراض ڈاکٹر رابعیہ غفور کے مطابق گرمی، پسینہ اور ہوا میں نمی کی وجہ سے جلدی مسائل میں تیزی سے اضافہ ہو رہا ہے۔ اسکن ریش، الرجی، گرمی دانے، خارش اور فنگل و بیکٹیریل انفیکشنز جیسے مسائل کی شکایت آرہی ہے۔ ڈاکٹر رابعیہ نے شہریوں کو مشورہ دیا کہ وہ اپنی جلد کو ٹھنڈا اور خشک رکھنے کی کوشش کریں، اور جلدی امراض سے بچاؤ کے لیے صفائی کا خاص خیال رکھیں۔
سول اسپتال کی ماہر جلدی امراض ڈاکٹر محیش نے بتایا کہ ان کے اسپتال میں روزانہ 600 سے زائد مریض جلدی امراض کی شکایات کے ساتھ آ رہے ہیں۔ ان کے مطابق دھوپ میں بلا ضرورت نکلنے سے بچنا چاہیے اور اگر کسی بھی قسم کی جلدی علامت ظاہر ہو تو فوراً ماہر جلدی امراض سے رجوع کریں۔
انہوں نے مزید کہا کہ گرمی کی شدت کے ساتھ جلدی امراض میں اضافہ ہونا ایک قدرتی عمل ہے اور اس کے لیے احتیاطی تدابیر اختیار کرنا ضروری ہے۔ طبی ماہرین نے شہریوں سے اپیل کی کہ وہ بلا ضرورت دھوپ میں نکلنے سے گریز کریں اور زیادہ سے زیادہ پانی پیئیں، کسی بھی جلدی علامت کی صورت میں فوراً ماہر جلدی امراض سے رجوع کریں تاکہ بروقت علاج ممکن ہو سکے۔
ہیٹ اسٹروک کے مریضوں کی تعداد میں اضافے کے پیش نظر اسپتالوں کی انتظامیہ نے یہ فیصلہ کیا ہے کہ مزید اسپتالوں میں بھی ایسے وارڈز قائم کیے جائیں تاکہ گرمی کی شدت سے متاثرہ افراد کو بہتر سہولتیں فراہم کی جا سکیں۔
.ذریعہ: Express News
کلیدی لفظ: ماہر جلدی امراض میں ہیٹ اسٹروک اسپتالوں میں گرمی کی شدت وارڈز قائم اسپتال میں نے شہریوں وارڈ میں کہا کہ کے لیے
پڑھیں:
اجتماع عام میں شریک سانس کے مریضوں کے لیے احتیاط
data-id="863a0a8" data-element_type="widget" data-widget_type="theme-post-content.default">
251120-03-4
ڈاکٹر خالد مشتاق
لاہور میں رات کا ٹمپریچر 10c، 11c ہوگا۔ جب درجہ حرارت کم ہوتا ہے تو سانس کا نظام متاثر ہوتا ہے۔ سانس کی نالی ناک خشک ہوجاتی ہے۔ خشک ہونے سے بے چینی ہوتی ہے۔ بعض افراد میں ناک بہنے بھی لگتی ہے۔ ایسے میں اجتماع عام میں شریک لوگ کیا کریں؟ -1ماسک استعمال کریں۔-2ناک میں سرسوں کا تیل/ وکس/ ویسلین لگا سکتے ہیں۔-3 پانی بار بار پئیں۔-4 نمک لے کر جائیں۔ سردی گلے کو بھی متاثر کرسکتی ہے۔ نمک نیم گرم پانی میں ڈال کر غرارے کریں۔ ناک اندر تک صاف کریں۔ کھانسی ہو تو نمک چاٹ سکتے ہیں۔-5 اسٹیمر لے کر جائیں تا کہ بھاپ لے سکیں۔-6 لونگ کا تیل۔ کی بوتل لے جائیں۔ 3-2 قطرے ڈال کر بھاپ لیں۔ ناک گلے کی تکلیف کم ہوجائے گی۔-7 سردی سے بچنے کے لیے گرم ٹوپی / ٹوپا جو کانوں کو بھی سردی سے بچائے۔ مفلر کا استعمال کریں۔ گردن کو بھی سردی سے بچائیں تا کہ نزلہ نہ ہو۔ ایسے افراد جن کو الرجی کا مسئلہ ہو/ دمہ کی تکلیف ہو، (Movteleukast Sodiuy 10mg) گولی کا نام یہ ہے۔ یہ فارمولا ہے۔ -9 اپنی دوا جو سانس کے لیے لیتے ہیں اور انہیلر ساتھ لے کر جائیں۔-10 اگر آپ کے پاس نیبولائزر ہے تو ضرور لے کر جائیں۔ نزلہ ہو تو نارمل سیلائن 20-19 قطرے ڈال کر نیبولائزر کریں۔ اگر دمہ کا مریض ساتھ ہے تو نیبولائزر جو گھر پر ہے ضرور لے کر جائیں۔ ٹرین میں جانے والے سیل سے چلنے والا نیبولائزر ضرور ساتھ لے جائیں۔ دمہ کے مریض Ventollin Soluton نیبو لائزر کے لیے لازماً ساتھ رکھیں۔ دمہ کے مریض نیبولائزر کے لیے Ventollin Soluton ساتھ لے کر جائیں۔ تکلیف ہو تو 20 قطرے ڈال کر نیبولائزر کرسکتے ہیں۔ پھر ڈاکٹر کو دکھائیں۔ واضح رہے کہ پچھلے سالانہ اجتماع میں ہمارے ایک نوجوان ساتھی جو دمے کے مریض تھے راستے میں بروقت علاج نہ ملنے سے شہید ہوگئے تھے۔ اجتماع میں شریک بچوں کو ٹوپا لازمی پہنائیں اور نارمل سیلائن 0.9% لے کر جائیں۔ بار بار ناک میں ڈالتے رہیں۔
غزہ جنگبندی معاہدے کے دوسرے مرحلے پر مذاکرات کو تیار ہیں، حماس