سندھ طاس معاہدے پر جے یو آئی ہند رہنما کا مودی کا ہم نوا بننے سے انکار
اشاعت کی تاریخ: 6th, May 2025 GMT
جمیعت علمائے ہند کے سربراہ ارشد مدنی نے پاکستان کے ساتھ دریائی معاہدے کی معطلی پر اظہار خیال کیا جس سے ثابت ہوا کہ انہوں نے مودی کا ہم نوا بننے سے صاف انکار کردیا۔
میڈیا رپورٹس کے مطابق بھارتی حکومت کی طرف سے پاکستان کے ساتھ سندھ طاس معاہدہ معطل کرنے پر جمیعت علمائے ہند کے سربراہ ارشد مدنی نے اتوار کے روز شکوک و شبہات کا اظہار کیا۔
رپورٹ کے مطابق ارشد مدنی کا کہنا تھا کہ “دریا ہزاروں سالوں سے بہ رہے ہیں اور ان دریاؤں کا پانی کہاں لے جاؤ گے؟
جموں و کشمیر کے پہلگام حملے میں بھارتی حکومت نے پاکستان کے خلاف مختلف اقدامات اٹھائے ہیں جن میں 1960 میں ہونے والے سندھ طاس معاہدہ معطل کرنا بھی شامل ہے۔
بھارتی ایجنسی اے این آئی کے مطابق جمیعت علمائے ہند کے سربراہ ارشد مدنی نے کہا کہ اگر کوئی پانی روکنا چاہتا ہے، تو وہ روک لے، یہ دریا ہزاروں سال سے بہ رہے ہیں، ان کا پانی کہاں لے جائیں گے؟ یہ آسان کام نہیں ہے۔“
مدنی نے مزید کہا کہ ملک میں ”محبت کا قانون“ ہونا چاہیے نہ کہ نفرت کا۔
انہوں نے مزید کہا، “قانون محبت کا ہونا چاہیے، نفرت کا نہیں۔ میں مسلمان ہوں، میں اپنی زندگی اس ملک میں گزار رہا ہوں، اور میں جانتا ہوں کہ یہاں جو پروپیگنڈا کیا جا رہا ہے وہ ملک کے لیے مناسب نہیں ہے۔
ارشد مدنی کا کہنا تھا کہ بدقسمتی سے ہمارے ملک کو نفرت کے جس راستہ پر لگا دیا گیا ہے اگر روکا نہ گیا تو مسلمانوں کیلئے ہی نہیں ہر شہری کیلئے یہاں سانس لینا مشکل ہوجائے گا۔
واضح رہے کہ بھارتی مسلمانوں نے مودی حکومت کو واضح پیغام دینا شروع کردیا ہے کہ وہ پاکستان مخالف اقدامات سے تنگ آگئے ہیں۔
گزشتہ روز بھی بھارت سے ایک ویڈیو سوشل میڈیا پر وائرل ہوئی جس میں دکھایا گیا کہ بھارتی مسلمان خاتون ہندو انتہا پسندوں کے سامنے ممبئی کے ولے پارلے ریلوے اسٹیشن کی سیڑھیوں پر چپکایا گیا پاکستانی پرچم کھرچ رہی تھی جس سے ظاہر ہوتا ہے کہ بھارتی مسلمانوں کے دلوں میں پاکستان اور اس کے پرچم کے لیے عزت موجود ہے۔
بھارتی مسلمان خاتون بغیر کسی خوف کے ہندو انتہا پسندوں کی بھیڑ کے درمیان تنہا سیڑھیوں پر چپکے پاکستانی پرچم کے اسٹیکر کو کھرچتی دکھائی دیں، جبکہ اس دوران ندوتوا ذہنیت رکھنے والا ہجوم خاتون کی تذلیل کرتا رہا۔
وہیں آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی جیسے مسلمان بھارتی سیاستدان اپنی کرسی بچانے کے لیے پاکستان مخالف بیانات دیتے دکھائی دیتے ہیں۔
پہلگام حملے کے بعد انہوں نے بھارت میں موجود مسلمانوں کو نماز جمعہ کے موقع پر بازو پر سیاہ پٹی باندھ کر واقعے کی مذمت کرنے کا حکم دیا تھا۔ تو وہیں بھارت کے معروف مسلمان اسکالر ارشد مدنی جیسے قابل ذکر لوگ بھی موجود ہیں جو دلوں میں نفرت کے بجائے امن کی خواہش رکھتے ہیں۔
Post Views: 1.ذریعہ: Daily Mumtaz
کلیدی لفظ: بھارتی مسلمان کے سربراہ
پڑھیں:
پتہ نہیں تھا پاکستان کا ردعمل اتنا تباہ کن ہو گا، بھارتی آرمی چیف: مودی ٹکے ٹوکری ہو گیا، خواجہ آصف
اسلام آباد‘ نئی دہلی (نوائے وقت رپورٹ+ آئی این پی ) شکست خوردہ بھارتی فوج کے سربراہ کا ایک اور اعترافی بیان سامنے آگیا۔ بھارتی آرمی چیف اپیندر دویدی نے کہا ہے کہ آپریشن سندور بنا سوچے سمجھے شروع کیا گیا، ہمیں پتہ ہی نہیں تھا کہ کرنا کیا ہے اور پاکستان کا ردعمل اتنا تباہ کن ہوسکتا ہے۔ بھارتی آرمی چیف نے آپریشن سندور کو شطرنج سے تشبیہہ دیتے ہوئے اعتراف کیا کہ بھارت پاکستان کے تباہ کن ردعمل سے بھی لاعلم تھا۔ دوسری طرف وزیر دفاع خواجہ آصف نے کہا ہے کہ 3 ماہ کے بعد بھارتی ایئر چیف خواب خرگوش سے جاگ اٹھے اور انہیں خیال آیا کے انہوں نے پاکستانی طیارے تباہ کیے۔ سماجی رابطے کی ویب سائٹ ایکس پر جاری اپنے ایک بیان میں انہوں نے کہا کہ بھارت میں مودی کی شمشان گھاٹ میں جلی اور راکھ ہوئی سیاست کو زندہ کرنے کی ناکام کوشش ہے۔ مودی وطن میں اور دنیا میں ٹکے ٹوکری ہو چکے ہیں، ایسی بھونڈی کوشش نے بھارت کی رہی سہی ساکھ کو بھی مٹی میں ملا دیا۔ وزیر دفاع نے کہا تھا یہ مضحکہ خیز ہے کہ بھارتی فوج کے سینئر افسران کو ان ناکامیوں کا چہرہ بنایا جا رہا ہے، جو دراصل بھارتی سیاسی قیادت کی سٹرٹیجک کوتاہیوں کا نتیجہ ہے۔ خواجہ آصف نے کہا کہ تین ماہ تک بھارت کی جانب سے کوئی ایسا دعویٰ سامنے نہیں آیا جبکہ پاکستان نے فوری طور پر بین الاقوامی میڈیا کو تفصیلی تکنیکی بریفنگز دیں اور غیر جانبدار مبصرین اور غیر ملکی انٹیلی جنس رپورٹس نے متعدد بھارتی طیاروں، بشمول رافیلز کی تباہی کی تصدیق کی، جس کا اعتراف بعض عالمی رہنماؤں اور بھارتی سیاست دانوں نے بھی کیا۔
بلوچستان بھر میں پی ٹی آئی کے احتجاجی مظاہرے، لورالائی اور بارکھان میں پولیس کے ساتھ جھڑپیں