بلوچستان: میڈیکل اسٹور ڈپو کی اسپیشل آڈٹ رپورٹ میں 5ارب سے زائد بےضابطگیوں کا انکشاف
اشاعت کی تاریخ: 20th, May 2025 GMT
بلوچستان کے محکمۂ صحت کے میڈیکل اسٹور ڈپو کی پانچ سالہ اسپیشل آڈٹ رپوٹ میں 5 ارب روپے سے زائد کی بےضابطگیاں سامنے آئی ہیں۔
آڈیٹر جنرل پاکستان کی جانب سے 2017ء سے 2022ء کے دورانیہ پر محکمۂ صحت بلوچستان کے میڈیکل اسٹور ڈپو کی 5 سالہ اسپیشل آڈٹ رپوٹ جاری کی گئی ہے۔
دستاویزات کے مطابق 98 کروڑ کی ادویات اور سرجیکل آلات کی پرچیز کمیٹی کی منظوری کے بغیر خریداری کی گئی۔
دستاویزات میں انکشاف کیا گیا کہ صوبے کے اضلاع میں ایک ارب 77 کروڑ کی ادویات تقسیم ہی نہیں ہوئیں، 19 کروڑ روپے کا ریکارڈ آڈٹ ٹیم کو مہیا ہی نہیں کیا گیا جبکہ ٹینڈر اور ریکارڈ مرتب کیے بغیر 25 کروڑ روپے کی ادائیگی کی گئی۔
محکمے کے مالیاتی امور میں سنگین بے ضابطگیاں اور قواعد و ضوابط کی کھلی خلاف ورزیاں بھی رپورٹ ہوئی ہیں۔
دستاویزات کے مطابق ٹیسٹ کروائے بغیر ادویات کی خریداری سے 9 کروڑ روپے کا نقصان ہوا جبکہ ڈینٹل آئٹمز کی ایک کروڑ 52 لاکھ کی مشتبہ خریداری بھی کی گئی۔
دستاویزات میں بتایا گیا کہ روئی کی خریداری میں 3 کروڑ 57 لاکھ روپے کی بےقاعدگی بھی سامنے آئی۔
دستاویزات کے مطابق ایک فرم سے چار کروڑ 67 لاکھ کی سیکیورٹی رقم حاصل ہی نہیں کی گئی، ضرورت کے بغیر 7 کروڑ کی ایکسرے فلیمز، ڈسپوز ایبل سرنج اور کیمیکلز خریدے گئے۔
دستاویزات کے مطابق 3 کروڑ 48 لاکھ روپے کی زائد المعیاد ادویات تبدیل نہیں کروائیں گئیں، ایم ایس ڈی میں موجود طبی الات استعمال نہ ہونے سے خزانے کو 2 کروڑ 19 لاکھ روپے کا نقصان پہنچا، اسٹاک کی موجودگی کے باوجود 60 لاکھ کی اداویات کی خریدای ضائع چلی گئی۔
.ذریعہ: Jang News
کلیدی لفظ: دستاویزات کے مطابق کی گئی
پڑھیں:
مالی سال کی پہلی سہ ماہی میں تجارتی خسارہ 32.92 فیصد بڑھ گیا
رواں مالی سال 26-2025 کی پہلی سہ ماہی (جولائی تا ستمبر) میں پاکستان کا تجارتی خسارہ 32.92 فیصد اضافے سے 9 ارب 36 کروڑ 80 لاکھ ڈالرز پر پہنچ گیا، جبکہ درآمدات بھی بڑھ گئیں، تاہم برآمدات میں کمی ہوئی۔
وفاقی ادارہ شماریات نے تجارتی اعداد و شمار جاری کر دیے
ادارہ شماریات کے مطابق ستمبر میں سالانہ بنیادوں پر تجارتی خسارے میں 45.83 فیصد کا اضافہ ہوا، گزشتہ مہینے ماہانہ بنیادوں پر تجارتی خسارہ 16.33 فیصد بڑھ کر3 ارب 34 کروڑ 10 لاکھ ڈالرز ریکارڈ کیا گیا۔
رپورٹ میں بتایا گیا کہ جولائی تا ستمبر 2025 میں درآمدات 13.49 فیصد بڑھ گئیں، جس کا حجم 16 ارب 97 کروڑ 10 لاکھ ڈالرز رہا۔
ادارہ شماریات کے مطابق ستمبر 2025 میں درآمدات 5 ارب 84 کروڑ 50لاکھ ڈالرز رہیں۔
رپورٹ کے مطابق جولائی تا ستمبر 2025 کے دوران ملکی برآمدات میں 3.83 فیصدکمی ہوئی، اور پہلی سہ ماہی میں اس کا حجم 7 ارب 60 کروڑ 30 لاکھ ڈالرز رہیں۔
مزید بتایا گیا کہ ستمبر میں سالانہ بنیادوں پربرآمدات میں 11.71 فیصد کی کمی ہوئی، ستمبر 2025 میں ملکی برآمدات کاحجم 2 ارب 50 کروڑ 40لاکھ ڈالرز رہا۔
پاکستان کا اقوام متحدہ میں بھارت کو منہ توڑ جواب، بھارتی مندوب بوکھلاہٹ میں ہال چھوڑ کر چلاگیا