رینجر اہلکاروں کو گاڑی سے ٹکر مارنے کے کیس میں ملزم پر فردِ جرم عائد
اشاعت کی تاریخ: 21st, May 2025 GMT
— فائل فوٹو
اسلام آباد کی انسداد دہشت گردی عدالت نے رینجرز اہلکاروں کو گاڑی سے ٹکر مارنے کے کیس میں ملزم پر فردِ جرم عائد کر دی۔
عدالت میں پی ٹی آئی کے 26 نومبر کو احتجاج کے دوران رینجرز اہلکاروں کو گاڑی سے ٹکر مارنے کے کیس کی سماعت ہوئی۔
کیس کی سماعت انسدادِ دہشت گردی عدالت کے جج طاہر عباس سپرا نے کی۔
عدالت نے ملزم ہاشم عباسی پر فرد جرم عائد کر دی جبکہ ملزم نے صحت جرم سے انکار کر دیا۔
عدالت نے اگلی سماعت پر 4 جون کو پروسیکیوشن کے گواہان کو طلب کرلیا ہے۔
.ذریعہ: Jang News
پڑھیں:
بنیان مرصوص کے جذبے سے دہشت گردی کا خاتمہ کریں گے، امیر مقام
سوات – : وزیر امور کشمیر اور پاکستان مسلم لیگ (ن) خیبرپختونخوا کے صدر انجینئرامیرمقام نے وزیراعظم شہبازشریف اور اپنی طرف سے باجوڑ دھماکے میں شہید ہونے والے اوڈیگرام سوات سے تعلق رکھنے والے اسسٹنٹ کمشنر باجوڑ شہید فیصل اسماعیل کی قبر پر حاضری دی، پھولوں کی چادر چڑھائی اور فاتحہ خوانی کی۔
وفاقی وزیر امیر مقام نے شہید کی عظیم قربانی کو خراجِ عقیدت پیش کیا۔ اس موقع پر پولیس کے چاق و چوبند دستے نے قومی ہیرو کو گارڈ آف آنر پیش کیا،
امیر مقام نے شہید کے اہل خانہ سے گہرے دکھ اور افسوس کا اظہار کیا۔ انہوں نے شہید فیصل اسماعیل کی بہادری اور فرض شناسی کو زبردست الفاظ میں خراجِ عقیدت پیش کرتے ہوئے کہا کہ شہدا پاکستان کی سلامتی، دفاع اور عوام کے جان و مال کے تحفظ کے لیے عظیم قربانیاں دے رہے ہیں
انہوں نے کہا:”شہید فیصل اسماعیل نے قوم کے لئے اپنی جان قربان کر دی۔
قوم ان کے حوصلے، عزم اور جذبے کو سلام پیش کرتی ہے۔ ہم لواحقین کے ساتھ کھڑے ہیں اور انہیں یقین دلاتے ہیں کہ حکومت شہدا کی قربانیاں رائیگاں نہیں جانے دے گی۔ دہشت گردوں کا نام و نشان مٹایا جا رہا ہے۔ بنیان مرصوص کے جذبے سے دہشت گردی کا خاتمہ کریں گے
وفاقی وزیر نے دہشت گردی کے خلاف جنگ جاری رکھنے اور عوام کی جان و مال کے تحفظ کو یقینی بنانے کے عزم کا اعادہ بھی کیا۔ انہوں نے علاقائی امن و امان برقرار رکھنے میں سول افسران اور قانون نافذ کرنے والے اداروں کے کردار کو سراہا۔
اس موقع پر مقامی حکام، انتظامیہ اور سینئر پولیس افسران موجود تھے۔
ایران نے ترقی یافتہ اسلامی تہذیب کی بنیاد رکھ دی، حزب الله