روٹ نے کرکٹ کے بھگوان کہلائے جانیوالے سچن ٹنڈولکر کا ریکارڈ توڑ ڈالا
اشاعت کی تاریخ: 23rd, May 2025 GMT
انگلینڈ کے اسٹار بیٹر جو روٹ نے بھارت میں کرکٹ کے بھگوان کہلائے جانیوالے سچن ٹنڈولکر کا ریکارڈ توڑ دیا۔
زمبابوے کیخلاف سیریز کے پہلے ٹیسٹ میچ میں جو روٹ نے تاریخ رقم کردی، وہ انگلینڈ کیلئے ٹیسٹ فارمیٹ میں 13 ہزار رنز بنانے والے پہلے کرکٹر بن گئے۔
انگلش کرکٹر کو یہ سنگ میل عبور کرنے کیلئے 28 رنز درکار تھے، انہوں نے وکٹر نیاچی کی جانب سے 80ویں اوور کی پہلی گیند پر سنگل لے کر یہ کارنامہ انجام دیا، وہ یہ کارنامہ سرانجام دینے والے انگلینڈ کے پہلے کرکٹر بننے کے علاوہ تیز ترین 13 ہزار رنز بنانے کا اعزاز بھی حاصل کیا۔
اس سے قبل یہ ریکارڈ جنوبی افریقا کے لیجنڈ جیک کیلس کے پاس تھا، جنہوں نے اپنے 159 ویں ٹیسٹ میں 13000 ٹیسٹ رنز مکمل کیے تھے۔
دوسری جانب روٹ نے یہ سنگ میل محض 153 ویں ٹیسٹ میں حاصل کیا تاہم، 34 سال کی عمر میں یہ کارنامہ انجام دینے والے سب سے سست بلے باز بھی ہیں۔
میچوں کے لحاظ سے تیز ترین 13000 ٹیسٹ رنز:
جو روٹ 153، جیک کیلس 159، راہول ڈریوڈ 160، رکی پونٹنگ 162، سچن ٹنڈولکر 163 میچز میں بنائے۔
واضح رہے کہ طویل فارمیٹ میں جو روٹ واحد فعال کھلاڑی ہیں، جنہوں نے کھیل کے طویل ترین فارمیٹ میں 13000 رنز کا ہندسہ عبور کیا، انگلش کرکٹر نے اب تک 153 ٹیسٹ میچز میں 36 سنچریوں اور 65 نصف سنچریوں کی مدد سے 13006 رنز بنائے ہیں۔
Post Views: 4.ذریعہ: Daily Mumtaz
پڑھیں:
آسٹریلیا؛ چڑیا گھر میں شیر نے خاتون کا بازو چبا ڈالا
آسٹریلیا کی ریاست کوئنزلینڈ میں واقع چڑیا گھر ’’ڈارلنگ ڈاؤنز‘‘ میں 50 سالہ خاتون شیر کے حملے میں شدید زخمی ہوگئیں۔
عالمی خبر رساں ادارے کے مطابق مقامی میڈیا رپورٹس کے مطابق خاتون چڑیا گھر کھلنے سے قبل ہی وہاں پہنچ گئی تھیں اور عملے کو خون خوار جانوروں پنجرے میں کام کرتا دیکھ رہی تھیں۔
خاتون شیر کے پنجرے کے نہایت قریب پہنچ گئیں اور اس دوران بھپرے ہوئے شیر نے ان کا باوز پکڑ کر چبا ڈالا۔ عملے نے بمشکل خاتون کو شیر کے شکنجے سے بچایا۔
خاتون کو شدید زخمی حالت میں چڑیا گھر کے عملے نے ہی ہیلی کاپٹر کے ذریعے ریاستی دارالحکومت برسبین منتقل کیا جہاں ہنگامی بنیادوں پر کیے گئے آپریشن میں ان کا بازو کاٹنا پڑا۔
چڑیا گھر انتظامیہ نے بتایا کہ اس واقعے کے بعد نہ تو شیر کو ہلاک کیا جائے گا اور نہ ہی اسے کوئی سزا دی جائے گی۔
حکومت نے واقعے کی تحقیقات کا حکم دیتے ہوئے کہا کہ غفلت ثابت ہونے پر ذمہ داروں کے خلاف سخت سے سخت کارروائی کی جائے گی۔
سرنڈر کرنا پاکستان کی ڈکشنری میں نہیں، بھارت امن کیلئے مذاکرات کرے: بلاول بھٹو