بھارتی کرکٹر پرتھوی شا کا مایوس ہوکر ممبئی چھوڑنے کا فیصلہ
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
ممبئی (اسپورٹس ڈیسک)ممبئی سے تعلق رکھنے والے سابق انڈر 19عالمی چیمپئن کپتان پرتھوی شا نے ناقص فٹنس کی بنیاد پر ڈراپ کیے جانے اور نجی ٹرافی ایونٹ کیلئے پک نہ کرنے پر شہر چھوڑنے کا فیصلہ کرلیا۔بھارتی میڈیا رپورٹس کے مطابق پرتھوی شا نے اگلے ڈومیسٹک سیزن سے قبل ممبئی کرکٹ ایسوسی ایشن (ایم سی اے) سے علیحدگی اختیار کرنے کیلئے این او سی طلب کیا تھا۔ممبئی کرکٹ ایسوسی ایشن کو لکھے گئے خط میں پرتھوی نے مقف اپنایا تھا کہ کیرئیر کے اس موڑ پر، مجھے ایک دوسری ایسوسی ایشن کے تحت پیشہ ورانہ کرکٹ کھیلنے کا موقع دیا جارہا ہے جو بطور کرکٹر میری کیرئیر کی ترقی ثابت ہوسکتا ہے۔خط میں پرتھوی شا نے ممبئی کرکٹ ایسوسی ایشن سے نو آبجیکشن سرٹیفکیٹ ( این او سی ) جاری کیے جانے کی درخواست کی تھی اور این او سی جاری کیے جانے کے بعد پرتھوی شاہ نے ممبئی کرکٹ ایسوسی ایشن سے علیحدگی اختیار کرلی ہے۔
.ذریعہ: Jasarat News
کلیدی لفظ: ممبئی کرکٹ ایسوسی ایشن
پڑھیں:
چین میں پاور بینکس کے ساتھ فضائی سفر پر پابندی کیوں لگائی گئی؟
چینی حکام نے اندرونِ ملک پروازوں میں بغیر تصدیق شدہ پاور بینکس لے جانے پر مکمل پابندی عائد کر دی ہے، یہ اقدام لیتھیئم بیٹری سے چلنے والے آلات میں آگ لگنے کے متعدد واقعات کے بعد کیا گیا ہے۔
یہ بھی پڑھیں:کیا آپ کا پاور بینک جعلی ہے؟ ان علامات سے پتہ چلائیں
میڈیا رپورٹس کے مطابق چین کی سول ایوی ایشن ایڈمنسٹریشن (CAAC) نے اعلان کیا کہ 28 جون 2025 سے ایسے پاور بینکس جو ’چائنا کمپلسری سرٹیفکیشن (3C)‘ سے محروم ہوں، یا جن پر واضح لیبلنگ نہ ہو، یا جن کا تعلق واپس منگوائے گئے ماڈلز سے ہو، انہیں طیارے میں ساتھ لے جانے کی اجازت نہیں ہوگی۔
حکام کے مطابق یہ اقدام فضائی سفر کی حفاظت کو یقینی بنانے کے لیے اٹھایا گیا ہے، خاص طور پر ایسے واقعات میں اضافے کے بعد جن میں بیٹریاں حد سے زیادہ گرم ہو کر خطرناک ہو گئی تھیں۔
یہ فیصلہ حالیہ 2 بڑے پاور بینک ریکال (واپسی) کے بعد سامنے آیا ہے، جنہوں نے عام استعمال ہونے والے پورٹیبل چارجرز کی سیکیورٹی پر سوالات اٹھا دیے۔
رواں ماہ کے آغاز میں شینزن کی کمپنی Romoss کو حکم دیا گیا کہ وہ اپنے 20,000mAh کے تقریباً 4,92,000 پاور بینکس واپس منگوائے، کیونکہ چین کی متعدد یونیورسٹیوں نے ان میں آتشزدگی کے خطرے کی شکایت کی تھی۔ یہ ماڈلز جون 2023 سے جولائی 2024 کے درمیان تیار کیے گئے تھے۔
اسی طرح، عالمی شہرت یافتہ الیکٹرانکس برانڈ Anker Innovations نے بھی 20 جون کو ممکنہ آگ کے خطرے کے باعث اپنے تقریباً 7,10,000 پاور بینکس دنیا بھر سے واپس منگوائے۔
CAAC کے مطابق 2025 کے آغاز سے اب تک طیاروں کے اندر لیتھیئم بیٹریوں والے آلات کے دھواں چھوڑنے یا آگ پکڑنے کے کئی واقعات رپورٹ ہو چکے ہیں، جنہوں نے فوری ضوابطی کارروائی کو لازم بنا دیا۔
ادارے نے خبردار کیا کہ ناقص یا بغیر ضابطے کے پاور بینکس خاص طور پر طیاروں میں جہاں آگ بجھانے کے وسائل محدود ہوتے ہیں، ایک بڑا خطرہ بن چکے ہیں۔
اگرچہ لیتھیئم آئن بیٹریز کے لیے 3C سرٹیفکیشن لازمی قرار دیے جانے کی آخری تاریخ یکم اگست مقرر ہے، لیکن CAAC کی نئی ہدایات اس سے پہلے ہی نافذ ہو جائیں گی، جس کا مطلب ہے کہ ماضی میں خریدے گئے غیر تصدیق شدہ پاور بینکس بھی اب ساتھ لے کر سفر نہیں کیے جا سکیں گے۔
یہ پابندی علاقے میں لگائی جانے والی دیگر فضائی پابندیوں میں تازہ اضافہ ہے۔ ایئر ایشیا، ملائیشیا ایئرلائنز، EVA ایئر اور ہانگ کانگ سول ایوی ایشن ڈیپارٹمنٹ سمیت کئی ادارے اسی نوعیت کی ہدایات پہلے ہی جاری کر چکے ہیں، جن میں پاور بینکس کے مکمل طور پر ساتھ لے جانے، دورانِ پرواز استعمال یا چارج کرنے، یا اوور ہیڈ بن میں رکھنے پر پابندی شامل ہے۔
ایوی ایشن ماہرین کے مطابق یہ اقدام بڑھتی ہوئی ٹیکنالوجی اور ذاتی الیکٹرانک آلات کے پھیلاؤ کے پیش نظر حفاظتی ضوابط کو سخت کرنے کی نشاندہی کرتا ہے۔
شنگھائی میں مقیم ایوی ایشن سیفٹی کنسلٹنٹ ژانگ وے کے مطابق فضا میں لیتھیئم بیٹری کی آگ بجھانا انتہائی مشکل ہوتا ہے، اس لیے CAAC کے پیشگی اقدامات بین الاقوامی حفاظتی معیار کے مطابق ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاور بینک چین فضائی سفر
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی