وفاقی حکومت کا مختلف شعبوں میں اصلاحات اور کارکردگی میں بہتری لانے کا فیصلہ
اشاعت کی تاریخ: 8th, July 2025 GMT
لاہور (ڈیلی پاکستان آن لائن )وفاقی حکومت نے مختلف شعبوں میں اصلاحات اور کارکردگی میں بہتری لانے کے لئے اہم فیصلہ کیا ہے۔
نجی ٹی وی سماء نیوز کے مطابق وزیراعظم شہباز شریف وزارت تجارت،صنعت و پیداوار اور اطلاعات سمیت کئی وزارتوں کے سیکرٹریز سے ناخوش ہیں،وزیراعظم نے 7وزارتوں کےسیکرٹریزنجی شعبے سے لینے کی ہدایت کردی۔
اسٹیبلشمنٹ ڈویژن نےباقاعدہ اشتہار جاری کردیا،پرنسپل اکاؤنٹنگ آفیسرز،ٹیکنیکل ایڈوائزرز اور مختلف اداروں کےسربراہان کے لیےدرخواستیں طلب کرلیں،اہم عہدوں پر تعیناتیاں 2 سال کی کارکردگی کی بنیاد پر کنٹریکٹ پر ہوں گی۔
ایس آئی ایف سی کی بدولت توانائی کے شعبے کا خود انحصاری کی طرف سفر تیز
نئی پالیسی کے تحت گریڈ 22کے افسران کو بھی پرکشش ملازمت لینےکا موقع دیا جائے گا،بھرتی ہونے والے افسران کو بھاری تنخواہیں اور مراعات دی جائیں گی۔اہلیت کے لیے کم از کم ماسٹرز،20 سال کا تجربہ اور 12 سال سینئر سطح پر خدمات کی شرط رکھی گئی ہے،امیدوار کی زیادہ سے زیادہ عمر 60 سال ہوگی، مزید رعایت بھی دی جا سکے گی۔
وزیراعظم ہاؤس کےمطابق حکومتی اقدام سےنظام کومؤثر، فعال اور جدید بنایا جاسکے گا،بہترین ماہرین کو راغب کرنے کیلئے تنخواہیں اور مراعات مارکیٹ ریٹس کے مطابق ہوں گے۔
مزید :.ذریعہ: Daily Pakistan
پڑھیں:
بانی پی ٹی آئی جیلسے حکومت مخالف تحریک چلانا چاہتے ہیں: رانا ثناء اللہ
اسلام آباد(نیوزڈیسک) مشیر رانا ثناء اللہ نے سماء نیوز کے پروگرام ’’ میرے سوال‘‘ میں گفتگو کرتے ہوئے کہا کہ بانی پی ٹی آئی جیل میں بیٹھ کر حکومت کے خلاف تحریک چلانا چاہتے ہیں، پی ٹی آئی نے 26 نومبر کو گھیراؤ کیا،وزیراعلیٰ مسلح جتھہ لے کر حملہ آور ہوئے، بانی پی ٹی آئی لانگ مارچ اور ہنگامہ آرائی کا کہتے ہیں،
راناثنااللہ نے کہا کہ ٹویٹس میں اداروں اور حکومت پر تنقید کی جاتی ہے، پی ٹی آئی 26 نومبر کو دوبارہ ہنگامہ کرنے کی کوشش کر رہی تھی، افراتفری کیلئے نئے وزیراعلیٰ کے پی کو لایاگیا، وزیراعلیٰ نے اعلان کیا وہ عشق بانی پی ٹی آئی میں مارے جائیں گے، ملاقاتوں کے ذریعے جو ہو رہا تھا اس سلسلے کو بند کیا گیا ہے، حل بات چیت اور مذاکرات سے ہی ہوتا ہے، بانی پی ٹی آئی4سال وزیراعظم رہے،اس وقت بھی بات چیت نہیں کی، بانی پی ٹی آئی اب بھی مخالفین سےبات چیت کے حق میں نہیں ۔
انہوں نے کہا کہ جیل حکام نے کہا ہے بانی پی ٹی آئی کی صحت ٹھیک ہے اور تمام سہولیات میسرہیں، جیل حکام نے بانی پی ٹی آئی سے متعلق خبروں کی تردید کی ہے، وفاقی اور صوبائی حکومتوں کی سطح پر کرپشن کاکوئی اسکینڈل نہیں، انکم ٹیکس،ایف بی آر،پولیس سمیت دیگراداروں میں کرپشن شروع سے ہے، 2سال پہلے ملک ڈیفالٹ کے دہانے پر تھا،امپورٹ بل کیلئے ڈالرز نہیں تھے، پاکستان بہتری کی طرف آیا ہے،مزید بہتری کےامکانات ہیں، آئی ایم ایف بھی بہتری کا اعتراف کرتا ہے، حکومت کی پی آئی اےکی نجکاری پر توجہ ہے، وزیراعظم بہت محنت کررہےہیں، پاکستان معاشی مشکلات سے سرخرو ہوکر نکلے گا۔
ضمنی الیکشن پرامن رہا، دنیا بھر میں انتخابات میں خلاف ورزیاں ہوتی ہیں، سکندر سلطان راجہ