لاہور احتجاج: 20 مقدمات درج، مختلف شہروں میں 39 افراد گرفتار
اشاعت کی تاریخ: 14th, October 2025 GMT
لاہور میں احتجاجی مظاہرین کے خلاف پولیس نے کارروائیاں تیز کردی ہیں، پولیس ذرائع کے مطابق اب تک 20 مقدمات مختلف تھانوں میں درج کیے جا چکے ہیں۔
پولیس ذرائع کے مطابق زیادہ تر مقدمات اسلام پورہ، نیو انارکلی، بھاٹی گیٹ، شفیق آباد، گوالمنڈی، بادامی باغ، شاہدرہ، شاہدرہ ٹاؤن، نواں کوٹ اور مریدکے سٹی تھانوں میں پولیس کی مدعیت میں درج کیے گئے ہیں۔
یہ بھی پڑھیں: ’پنجاب کالج میں ریپ کا کوئی واقعہ نہیں ہوا‘، لاہور ہائیکورٹ میں پیش ہونے والی رپورٹ میں مزید کیا کہا گیا؟
ان مقدمات میں دہشت گردی، قتل، اقدامِ قتل، اغوا، ہنگامہ آرائی، اور توڑ پھوڑ سمیت دیگر سنگین دفعات شامل کی گئی ہیں۔
پولیس کے مطابق مرید کے میں احتجاج کے دوران سوشل میڈیا پر انتشار پھیلانے والے عناصر کے خلاف بھی کریک ڈاؤن جاری ہے۔
مختلف شہروں میں کی گئی کارروائیوں کے دوران اب تک 39 افراد کو گرفتار کیا جا چکا ہے، یہ کارروائیاں لاہور، قصور، کامونکی، گوجرانوالہ اور شیخوپورہ میں کی گئیں۔
مزید پڑھیں: لاہور میں وکلا کا احتجاج، معاملہ کیا ہے؟
ذرائع کے مطابق 87 مبینہ شرپسندوں کے واٹس ایپ اور فیس بک اکاؤنٹس کو ٹریس کر لیا گیا ہے، جبکہ 200 سے زائد افراد کی فہرست بھی مرتب کر لی گئی ہے۔
پولیس کا کہنا ہے کہ کریک ڈاؤن کا دوسرا مرحلہ آج رات سے شروع ہوگا، جس کے بعد گرفتاریوں کا عمل مکمل کر کے قانونی کارروائی عمل میں لائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام پورہ بادامی باغ بھاٹی گیٹ سوشل میڈیا شاہدرہ ٹاؤن شفیق آباد فیس بک قانونی کارروائی گوالمنڈی گوجرانوالہ لاہور مریدکے مظاہرین نواں کوٹ نیو انارکلی واٹس ایپ.
ذریعہ
ذریعہ: WE News
کلیدی لفظ: اسلام پورہ سوشل میڈیا شاہدرہ ٹاؤن شفیق آباد فیس بک قانونی کارروائی گوالمنڈی گوجرانوالہ لاہور مریدکے مظاہرین نواں کوٹ نیو انارکلی واٹس ایپ کے مطابق
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار