پاکستان اور متحدہ عرب امارات کے درمیان گورننس اور سرکاری شعبے کی جدت پر تعاون مزید مستحکم
اشاعت کی تاریخ: 8th, July 2025 GMT
دبئی(اُردو پوائنٹ اخبارتازہ ترین۔ 8 جولائی 2025ء) متحدہ عرب امارات میں پاکستان کے سفیر فیصل نیاز ترمذی نے آج دبئی میں متحدہ عرب امارات کے نائب وزیر برائے کابینہ امور برائے مسابقت اور تجرباتی تبادلہ، جناب عبداللہ ناصر لوطہ سے ملاقات کی۔ ملاقات میں دونوں ممالک کے درمیان گورننس اور عوامی شعبے میں جدت کے میدان میں تجربات کے تبادلے کے ذریعے تعاون بڑھانے پر بات چیت ہوئی۔
سفیر ترمذی نے اس موقع پر جناب لوطہ کا شکریہ ادا کیا اور پاکستان و امارات کے برادرانہ تعلقات کو سراہا۔ انہوں نے متحدہ عرب امارات کی قیادت کی بصیرت کو خراج تحسین پیش کیا جس نے دنیا بھر سے آنے والے افراد کے لیے ایک ہم آہنگ اور شمولیتی ترقی کا ماڈل تشکیل دیا، جس میں پاکستانی کمیونٹی بھی نمایاں کردار ادا کر رہی ہے۔(جاری ہے)
سفیر نے متحدہ عرب امارات کی حکومت کا شکریہ ادا کیا کہ انہوں نے پاکستان کے وزیر مملکت برائے خزانہ و ریلوے اور وزیر اعظم کی ڈلیوری یونٹ کے سربراہ، جناب بلال اظہر کیانی کی قیادت میں ایک اعلیٰ سطحی پاکستانی وفد کی میزبانی کی۔
یہ وفد 8 اور 9 جولائی کو مختلف یو اے ای وزارتوں اور اداروں کے ساتھ دو روزہ تجرباتی تبادلے کے پروگرام میں شریک ہے، جس میں حکمرانی اور عوامی خدمات کی فراہمی میں جدت پر توجہ دی جا رہی ہے۔ جناب عبداللہ لوطہ نے پاکستان کے ساتھ مضبوط اور مسلسل تعاون کے عزم کا اعادہ کیا، خاص طور پر گورننس، مسابقت اور جدت کے شعبوں میں۔ انہوں نے پاکستان کی مختلف شعبوں میں صلاحیتوں کو سراہا اور مشترکہ منصوبوں میں مکمل تعاون کی یقین دہانی کرائی۔ انہوں نے زور دیا کہ باہمی سیکھنے کا عمل دونوں ممالک کے لیے فائدہ مند ثابت ہوگا۔ سفیر ترمذی نے بتایا کہ وزیر اعظم شہباز شریف متحدہ عرب امارات کے کامیاب ٹیکس آٹومیشن ماڈل سے سیکھنے میں خصوصی دلچسپی رکھتے ہیں تاکہ پاکستان کے اندرونی ریونیو سسٹم کو بہتر بنایا جا سکے۔ انہوں نے زور دیا کہ اس موقع سے مکمل فائدہ اٹھایا جائے گا۔.
ذریعہ
ذریعہ: UrduPoint
کلیدی لفظ: تلاش کیجئے متحدہ عرب امارات پاکستان کے امارات کے انہوں نے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ