بھارت کیخلاف تاریخی فتح؛ یکم اگست سے ہی جشنِ آزادی منانے کا اعلان
اشاعت کی تاریخ: 12th, July 2025 GMT
ویب ڈیسک : سندھ حکومت نے یکم اگست سے ہی جشن آزادی منانے کا اعلان کردیا۔ سندھ کے وزیراعلیٰ مراد علی شاہ نے کہا ہے کہ پاکستان نے بھارت کیخلاف تاریخی فتح حاصل کی ، یکم اگست سے جشن آزادی کے پروگرام شروع کریں گے، ہم اس سال شاندار جشن آزادی منائیں گے۔
صوبائی وزرا شرجیل انعام میمن اور سعیدغنی نے میڈیا سے گفتگو میں بتایا کہ بھارت کوشکست کےبعد پہلی 14 اگست ہے جو بھرپور جوش سے منائیں گے، یکم اگست سے ہی جشن آزادی منائی جائے گی ، سول سوسائٹی اور سیاسی جماعتیں بھرپور انداز سے آزادی کا جشن منائیں گی۔
مون سون : لاہور سمیت کئی شہروں میں بارش
قبل ازیں سندھ کے وزیراعلیٰ مراد علی شاہ کی زیر صدارت یوم آزادی کی تیاری کے حوالے سے اجلاس ہوا۔ جس میں یکم اگست سے ہی جشن آزادی منانے کا اعلان کیا گیا۔
اجلاس میں وزیراعلیٰ مراد علی شاہ نے ثقافتی شو، کھیلوں اور موسیقی کے پروگرامز بھی منعقد کرنے کا فیصلہ کرتے ہوئے معرکہ حق،یوم آزادی کے پروگرامز کو حتمی شکل دینے کیلئے کمیٹی قائم کر دی۔ اس حوالے سے ترجمان وزیراعلیٰ سندھ نے بتایا کہ شرجیل میمن معرکہ حق ،یوم آزادی پروگرامز کمیٹی کےسربراہ ہوں گے ، پروگرامز کمیٹی میں وزیرکھیل، وزیر ثقافت، وزیر بلدیات ،میئرز بھی شامل ہیں، کمیٹی تقریبات کے انعقاد کیلئےاقدامات ترتیب دے کر وزیراعلیٰ سندھ کو پیش کرے گی۔
بھارتی مسافرطیارہ کیسے گرا? ابتدائی رپورٹ سامنے آ گئی
وزیراعلیٰ مراد علی شاہ نے کہا کہ پاکستان نے بھارت کیخلاف تاریخی فتح حاصل کی ، ہم اس سال شاندار جشن آزادی منائیں گے۔ انھوں نے کہا کہ معرکہ حق اورجشن آزادی کے لئے تقریبات منعقد کریں گے ، ایسے پروگرام بھی ترتیب دیں گے جس سے مسلح افواج کوخراج تحسین پیش ہو، یکم اگست سے جشن آزادی کے پروگرام شروع کریں گے۔
اجلاس میں صوبائی وزرا شرجیل میمن، سعیدغنی ، محمد بخش مہر ،ذوالفقار شاہ ، میئرکراچی مرتضیٰ وہاب،کمشنرکراچی حسن نقوی،ایڈیشنل آئی جی ودیگر حکام نے شرکت کی۔
فلسطین میں آبادکاروں کا تشدد، ایک نوجوان ہلاک
.
ذریعہ
ذریعہ: City 42
کلیدی لفظ: یکم اگست سے ہی جشن مراد علی شاہ آزادی کے
پڑھیں:
کے ڈی اے کو مرحوم افسر کے واجبات لواحقین کو ادا کرنے کا حکم
— فائل فوٹوسندھ ہائی کورٹ نے کے ڈی اے کو مرحوم افسر کے لواحقین کے واجبات کی ادائیگی کا حکم دے دیا۔
عدالت کے آئینی بینچ نے کے ڈی اے کے مرحوم افسر کے واجبات کی لواحقین کو عدم ادائیگی کے کیس کی سماعت کی۔
درخواست گزار کے وکیل نے عدالت کو بتایا کہ کے ڈی اے نے واجبات تسلیم کرنے کے باوجود ادائیگی نہیں کی۔
عدالت کے استفسار پر کے ڈی اے کے وکیل نے بتایا کہ کے ڈی اے اب تک 3 لاکھ 50 ہزار روپے ادا کرچکا ہے، ادائیگی میں تاخیر مالی مشکلات کے باعث ہوئی۔
کے ڈی اے کے وکیل نے بتایا کہ سندھ حکومت سے 5 ارب روپے کی گرانٹ طلب کی گئی ہے۔
کراچی سندھ ہائی کورٹ نے ایکسائز افسر کے خلاف 4 من سے...
جس پر عدالت نے اپنے ریمارکس دیتے ہوئے کہا کہ ریکارڈ کے مطابق مرحوم افسر کے واجبات ان کی زندگی میں ادا نہیں کیے گئے، درخواست گزار قانونی وارث ہونے کے باعث واجبات کی حق دار ہیں، پینشن اور ریٹائرمنٹ فوائد کسی ادارے کی صوابدید نہیں بلکہ قانونی حق ہے۔
عدالت نے اپنے حکم میں کہا کہ واجبات کی بر وقت ادائیگی ریاستی اداروں کی آئینی ذمے داری ہے، ادارے کی مالی مشکلات ملازمین کو تسلیم شدہ حقوق سے محروم رکھنے کا جواز نہیں بن سکتیں، سرکاری ادارے مالی اور انتظامی امور بہتر انداز میں چلانے کے پابند ہیں، کے ڈی اے درخواست گزار کو واجبات کی مد میں 1 کروڑ 10 لاکھ روپے ادا کرے اور عمل درآمد رپورٹ رجسٹرار سندھ ہائی کورٹ کو پیش کی جائے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی