شوٹنگ کے دوران طبیعت خراب ہونے کے دو ہفتوں بعد صبا قمر کی کام پر واپسی
اشاعت کی تاریخ: 16th, August 2025 GMT
اداکارہ صبا قمر نے شوٹنگ کے دوران طبیعت خراب ہوجانے کے دو ہفتوں بعد کام پر واپسی کرتے ہوئے بتایا ہے کہ ابھی بھی وہ مکمل طور پر صحت یاب نہیں ہوئیں۔
رواں ماہ کے آغاز میں یکم اگست کو صبا قمر شوٹنگ کے دوران بے ہوش ہوگئیں تھیں، انہیں دل میں تکلیف کے سبب ہنگامی حالت میں ہسپتال منتقل کیا گیا تھا، جہاں ان کی انجیوگرافی بھی کی گئی تھی۔
بعد ازاں اداکارہ نے انسٹاگرام اسٹوری کے ذریعے مداحوں کو اپنی خیریت سے متعلق آگاہ کیا تھا اور بتایا تھا کہ وہ جلد ہی کام پر واپسی کریں گی۔
بعد ازاں انہوں نے اپنی متعدد انسٹاگرام اسٹوریز میں انکشاف کیا تھا کہ وہ صدموں، دل ٹوٹنے اور دوسرے مسائل کی وجہ سے مذکورہ حالت تک پہنچیں۔
انہوں نے مداحوں کو مشورہ دیا تھا کہ وہ کوئی بھی صدمہ، تکلیف اور دل خراش واقعے کی یاد کو دل میں نہ رکھیں، اس کا اظہار کردیا کریں۔
اب اداکارہ نے انسٹاگرام اسٹوری کے ذریعے بتایا کہ انہوں نے کام پر واپسی کردی لیکن ساتھ ہی بتایا کہ وہ مکمل طور پر صحت یاب نہیں ہوئیں۔
صبا قمر نے مختصر انسٹاگرام اسٹوری میں بتایا کہ وہ تقریبا دو ہفتوں بعد کام پر واپسی کر رہی ہیں، وہ نئے پروجیکٹ میں کام کرنے کے لیے انتہائی پرجوش ہیں۔
اداکارہ نے بتایا کہ ان کی صحت بتدریج بہتر ہو رہی ہے لیکن ابھی بھی وہ مکمل طور پر صحت یاب نہیں ہوئیں۔
انہوں نے لکھا کہ وہ نئے منصوبے میں کام کرنے کے لیے انتہائی پرجوش ہیں اور ہمیشہ کی طرح ان کی یہی کوشش رہے گی کہ وہ اس بار بھی اداکاری میں اپنا 100 فیصد دے کر مداحوں کو محظوظ کریں۔
صبا قمر نے مداحوں سے دعاؤں کی اپیل بھی کی، تاہم انہوں نے نئے منصوبے سے متعلق کوئی معلومات فراہم نہیں کی۔
View this post on InstagramA post shared by IMAGES (@dawn_images)
Post Views: 5.ذریعہ: Daily Mumtaz
کلیدی لفظ: کام پر واپسی انہوں نے بتایا کہ
پڑھیں:
بنگلہ دیش نے پاکستانی ڈرامے ’کبھی میں کبھی تم‘ کی نقل تیار کرلی، مداحوں کا موازنہ
مشہور پاکستانی ڈرامہ سیریل ’کبھی میں کبھی تم‘ کو بنگلہ دیش میں’ایٹا امادری گولپو‘ کے عنوان سے ری میک کیا گیا ہے۔
یہ ڈرامہ پاکستان میں بے حد مقبول ہوا، جہاں پہلے قسط کو تقریباً 82 ملین اور آخری قسط کو 57 ملین بار دیکھا گیا۔ اس کی مقبولیت بھارت، بنگلہ دیش، نیپال، مشرق وسطیٰ، ترکی اور انڈونیشیا تک پھیلی ہوئی ہے۔
View this post on Instagram
A post shared by Pakistan Republic (@pakistanrepublicc)
پاکستانی ڈرامے کے بنگلہ دیشی ری میک ’ایٹا امادری گولپو‘ کی اب تک 4 اقساط نشر ہو چکی ہیں اور ہر قسط کو تقریباً 2 ملین بار دیکھا گیا۔
سوشل میڈیا پر پاکستانی اور بنگلہ دیشی صارفین اصل ڈرامے کے مناظر کا موازنہ کرتے ہوئے ویڈیوز شیئر کر رہے ہیں۔ ری میک پر تنقید اور تعریف دونوں سامنے آئی ہیں۔ ایک پاکستانی مداح نے کہا، ’بطور پاکستانی، مجھے فخر ہے کہ ہمارے ڈرامے بین الاقوامی سطح پر ری میک ہو رہے ہیں‘۔ تاہم، بعض بنگلہ دیشی صارفین نے کہا کہ ری میک کی بجائے ڈبنگ کرنا زیادہ مناسب ہوتا۔
یہ بھی پڑھیں: بشریٰ انصاری کو ڈرامہ کبھی میں کبھی تم میں اپنا کردار کیوں پسند نہیں تھا؟
واضح رہے’کبھی میں کبھی تم‘ ڈرامے کو کہانی اور کرداروں کی وجہ سے کافی سراہا گیا تھا، اس کی مقبولیت نہ صرف پاکستان بلکہ بھارت اور بنگلہ دیش سمیت دیگر ممالک میں بھی دیکھی گئی۔
ڈرامے میں فہد مصطفیٰ کے ساتھ ساتھ ہانیہ عامر، جاوید شیخ، بشریٰ انصاری، نعیمہ بٹ، اریج چوہدری اور عماد عرفانی سمیت دیگر اداکاروں نے کام کیا۔ ڈرامے میں فہد مصطفیٰ اور ہانیہ عامر نے میاں اور بیوی کا کردار ادا کیا جبکہ عماد عرفانی نے فہد مصطفیٰ کے لالچی بھائی کا روپ دھارا جو دولت کی خاطر ہانیہ عامر سے شادی کرنے سے انکار کردیتے ہیں، جس کے بعد فہد مصطفیٰ ان سے شادی کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پاکستانی ڈرامے کبھی میں کبھی تم
27ویں ترمیم کے ذریعے آرٹیکل 6 کے کلاز 2 میں تبدیلی کا فیصلہ