سیلاب سے متاثرہ افراد کے نقصانات کا 100 فیصد ازالہ کریں گے، وزیراعلیٰ علی امین گنڈا پور
اشاعت کی تاریخ: 16th, August 2025 GMT
پشاور:
خیبرپختونخوا کے وزیراعلیٰ علی امین گنڈاپور نے کہا ہے کہ مشکل کی اس گھڑی میں کسی کو اکیلا نہیں چھوڑیں گے اور سیلاب سے متاثرہ افراد کے نقصانات کا 100 فیصد ازالہ کریں گے۔
ایکسپریس نیوز سے خصوصی بات چیت کرتے ہوئے وزیر اعلیٰ خیبرپختونخوا علی امین گنڈا پور نے کہا کہ قدرتی آفت سے بڑے پیمانے پر تباہی ہوئی ہے۔
علی امین گنڈاپور نے کہا کہ وفاقی حکومت اور صوبوں کے وزرائے اعلیٰ نے رابطہ کرکے ہر قسم کے تعاون کی یقین دہانی کرائی ہے۔
انہوں نے کہا کہ ہمارے پاس اپنے وسائل بہت ہیں اور متاثرہ افراد کی مدد کی جائے گی، سیلاب سے متاثرہ افراد کا 100 فیصد نقصان پورا کریں گے۔
وزیراعلیٰ کے پی نے کہا کہ مشکل کی اس گھڑی میں ہم سیلاب سے متاثرہ افراد کے ساتھ کھڑے ہیں، مشکل کی اس گھڑی میں کسی کو اکیلا نہیں چھوڑیں گے۔
ان کا کہنا تھا کہ ہماری پہلی کوشش سیلاب سے متاثرہ افراد کو تمام سہولیات فراہم کرنا ہے اور اس کے بعد ہم سیلاب کی تباہ کاریوں کا جائزہ لیں گے۔
علی امین گنڈاپور نے کہا کہ ابھی سیلاب سے متاثرہ علاقوں کا دورہ کرکے نقصانات کا جائزہ لے رہا ہوں اور اس کے بعد تعمیراتی کام شروع کریں گے۔
انہوں نے کہا کہ اللہ کی طرف سے قدرتی آفت ہے اور ان شا اللہ ہمارا فوکس ریسکیو آپریشن پر ہے، ریسکیو آپریشن شروع ہے اور کافی راستہ کلیئر ہو گیا ہے، ہم نے ہیلی مانگے ہوئے ہیں اور کام بھی کررہے ہیں۔
ان کا کہنا تھا کہ پہلے ہمیں راستے کھولنے ہیں، لوگوں کو یقین دلاتا ہوں کہ جن لوگوں کا جتنا بھی نقصان ہوا ہے ان کا نقصان پورا کریں گے، جانی نقصان کا ازالہ تو نہیں کر سکتے لیکن جو گھر اور دیگر نقصان ہوا ہے ان شا اللہ وہ نقصان ہم مکمل پورا کریں گے۔
علی امین گنڈاپور نے کہا کہ تمام صوبوں کے چیف منسٹرز نے کل رابطہ کیا تھا اور اظہار یکجہتی کی تھی اور سب نے مکمل تعاون کی یقین دہانی کرائی ہے، این ڈی ایم سے رابطے میں ہیں انہوں نے بھی تعاون کی یقین دہانی کرائی ہے، جس بھی چیز کی کمی ہوگی وہ این ڈی ایم اے سے لیں گے۔
انہوں نے کہا کہ ہمارے پاس وسائل کی کمی نہیں ہے لیکن جو آفت آئی ہے پہلے بحالی کا کام کریں گے اور اس کے بعد ڈیٹا لیں گے۔
ان کا کہنا تھا کہ ہم پاکستان کا حصہ ہیں اور اس کے وسائل پر ہمارا حق بھی ہے، وفاق اور این ڈی ایم اے ہمارے لوگوں کو سہولت دیں، میرا لوگوں سے وعدہ ہے جس کا جتنا نقصان ہوا ہے وہ ہم پورا کریں گے۔
علی امین گنڈاپور نے کہا کہ ابھی تک کسی نے بھی متاثرہ افراد کے ساتھ 100 فیصد تعاون نہیں کیا، لوگ تھوڑی سی مدد کرتے ہیں لیکن ہم 100 فیصد ازالہ کریں گے، ہم اپنے لوگوں کے ساتھ کھڑے ہیں،
وزیراعلیٰ نے کہا کہ جہاں پر بھی کسی کا نقصان ہوا ہے خواہ وہ گاؤں میں ہے یا تاجر ہیں سب کا ازالہ کریں گے۔
.
ذریعہ
ذریعہ: Express News
کلیدی لفظ: علی امین گنڈاپور نے کہا کہ سیلاب سے متاثرہ افراد متاثرہ افراد کے ازالہ کریں گے پورا کریں گے نقصان ہوا ہے اور اس کے انہوں نے
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ