جعفر آباد، علامہ مقصود ڈومکی کا امامبارگاہ میں قائم او ٹی ایس اسکول کا دورہ
اشاعت کی تاریخ: 30th, September 2025 GMT
ایم ڈبلیو ایم رہنماؤں نے طلباء سے خطاب کرتے ہوئے کہا کہ جس گاؤں میں کوئی سرکاری اسکول موجود نہیں تھا اور سینکڑوں بچے زیور تعلیم سے محروم تھے، وہاں اسکول کا قیام اور اساتذہ کی محنت لائق تحسین ہے۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی، صوبائی رہنماء علامہ سید ظفر عباس شمسی اور علامہ سہیل اکبر شیرازی نے بلوچستان کے ضلع جعفرآباد کے گاؤں بشام خان لہر کا دورہ کیا۔ اس موقع پر انہوں نے مسجد و امام بارگاہ میں قائم او ٹی ایس اسکول کا معائنہ کیا اور طلبہ سے خطاب کیا۔ تقریب میں ہونہار طلبہ میں کاپیاں اور پنسلیں تقسیم کی گئیں۔ طلباء و طالبات سے خطاب کرتے ہوئے علامہ مقصود علی ڈومکی نے کہا کہ علم انسان کی دین و دنیا میں کامیابی کا سبب ہے۔ قرآن کریم نے علم کو بڑی اہمیت دی ہے، قلم اور کتاب انسانی دانش کا وسیلہ ہیں۔ ایک ایسے محروم گاؤں میں جہاں کوئی سرکاری اسکول موجود نہیں تھا اور سینکڑوں بچے زیور تعلیم سے محروم تھے، وہاں اسکول کا قیام اور اساتذہ کی محنت لائق تحسین ہے۔
اس موقع پر خطاب کرتے ہوئے علامہ سید ظفر عباس شمسی نے کہا کہ علم حاصل کرنا ہر مرد و عورت پر فرض ہے۔ احادیث نبوی میں علم و دانش کی اہمیت کو بار بار اجاگر کیا گیا ہے، لہٰذا ہمیں اپنے بچوں اور بچیوں کو علم کے زیور سے آراستہ کرنے کی ہر ممکن کوشش کرنی چاہیے۔ اس موقع پر اسکول کے استاد محمد قاسم لہر نے بتایا کہ ہمارے گاؤں میں چند سال قبل تک کوئی اسکول نہیں تھا۔ الحمدللہ آج اس اسکول میں 130 طلبہ و طالبات تعلیم حاصل کر رہے ہیں۔ اس سلسلے میں ایم ڈبلیو ایم رہنماؤں کا خصوصی تعاون حاصل ہے۔ بعد ازاں علامہ مقصود علی ڈومکی، علامہ سید ظفر عباس شمسی و دیگر رہنماؤں نے رجب علی لہر ضلعی رہنماء ایمپلائز ونگ مجلس وحدت مسلمین جعفرآباد سے ان کے دادا کی وفات پر اظہارِ تعزیت کیا اور مرحوم کے بلندی درجات کے لیے دعا کی۔
ذریعہ
ذریعہ: Islam Times
کلیدی لفظ: علامہ مقصود اسکول کا
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ