پھیپھڑوں میں چھپے کینسر کے ٹیومرز ڈھونڈنے والا روبوٹک آلہ کامیاب ثابت
اشاعت کی تاریخ: 1st, October 2025 GMT
یورپی ریسپیریٹری سوسائٹی کی کانفرنس میں پیش کیے گئے کلینیکل ٹرائل میں ایک جدید روبوٹک برونکو اسکوپی ڈیوائس نے گہرے اور چھوٹے ٹیومرز تک پہنچنے میں غیر معمولی کامیابی حاصل کی، جس سے پھیپھڑوں کے کینسر کی بروقت تشخیص ممکن ہو سکے گی۔
یہ بھی پڑھیں:ذیابطیس نوجوانوں میں دل کی بیماریوں، اموات کی بڑی وجہ
جدید ٹیکنالوجی کی خصوصیات
یہ آلہ ایک خصوصی سی ٹی اسکینر کی مدد سے پھیپھڑوں کے دور دراز حصوں میں موجود گلٹیوں کو تلاش کرتا ہے۔ روبوٹک سسٹم برونکو اسکوپ کو ان مقامات تک لے جاتا ہے جہاں عام طور پر پہنچنا ممکن نہیں ہوتا، تاکہ بایوپسی کے ذریعے تشخیص ہو سکے۔
پرانے طریقے سے کئی گنا مؤثر
تحقیق کے مطابق روبوٹک برونکو اسکوپ نے 84 فیصد کیسز میں ٹیومرز تک رسائی حاصل کی، جب کہ روایتی طریقے صرف 23 فیصد تک کامیاب ہوئے۔
ناکام کیسز میں جب روبوٹک تکنیک استعمال کی گئی تو 93 فیصد میں کامیابی ملی۔
ابتدائی مرحلے میں کینسر کی تشخیص
78 مریضوں پر تجربہ کیا گیا جن میں 127 چھوٹی گلٹیاں پائی گئیں۔ مجموعی طور پر 68 مریضوں کو پھیپھڑوں کا کینسر نکلا اور ان میں سے 50 افراد کا مرض بالکل ابتدائی اور قابلِ علاج مرحلے میں تھا۔
یہ بھی پڑھیں:پھیپھڑے صحت کا راز کھولتے ہیں، ان کی کاردکردگی خود کیسے چیک کی جائے؟
ماہرین کے مطابق ابتدائی تشخیص سے علاج کی کامیابی کے امکانات کئی گنا بڑھ جاتے ہیں۔
لاگت اور مستقبل کی تحقیق
یہ جدید نظام مہنگا ہے، اس کی قیمت 11 لاکھ ڈالر سے زیادہ ہے، جبکہ ہر بایوپسی پر تقریباً 2,350 ڈالر اضافی لاگت آتی ہے۔
ماہرین کا کہنا ہے کہ یہ روبوٹک سسٹم ان کیسز کے لیے مخصوص ہونا چاہیے جہاں روایتی برونکو اسکوپی ناکام ہو جائے۔
انہوں نے اس بات پر بھی زور دیا کہ اس مہنگی ٹیکنالوجی کے استعمال کو جواز دینے کے لیے مزید تحقیق ضروری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پھیپھڑے ٹیومر ربوٹک آلہ کینسر.
ذریعہ
ذریعہ: WE News
کلیدی لفظ: پھیپھڑے ٹیومر ربوٹک ا لہ کینسر
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار