ایشیا کی دوسری بہترین ٹیم کے لقب پر افغان ٹیم کے کپتان ناراض
اشاعت کی تاریخ: 3rd, October 2025 GMT
افغانستان کے کپتان راشد خان ایشیا کی دوسری بہترین ٹیم کے لقب پر مذاق اڑائے جانے سے نالاں ہیں۔
افغان ٹیم ایشیا کپ میں گروپ مرحلے سے باہر ہوگئی تھی اور اسے چیمپیئن بھارت کے بعد فیورٹ سمجھا جا رہا تھا، افغان پلیئرز نے پچھلے چند انٹرنیشنل ایونٹس میں اچھی کارکردگی دکھائی تھی، پاکستان اور بنگلا دیش جیسی سائیڈز غیر یقینی نظر آرہی تھیں۔
راشد کی ٹیم بنگلا دیش سے سنسنی خیز میچ اور سری لنکا سے بڑی شکست کے بعد سپر فور مرحلے تک نہیں پہنچ سکی۔
افغان ٹیم کے کپتان نے کہا کہ ایک بات میڈیا میں بار بار چل رہی ہے کہ لوگ ہمیں ایشیا کی دوسری بہترین ٹیم کہتے ہیں، ہم نے کبھی یہ نہیں کہا لیکن گزشتہ کچھ عرصے کے دوران ہم نے عمدہ کارکردگی دکھائی۔
راشد خان نے کہا کہ ایشیا کپ، ورلڈ کپ کا سیمی فائنل اور ون ڈے ورلڈ کپ ہر ایونٹ میں ہم نے بڑی ٹیموں کو ہرایا، چیمپیئنز ٹرافی میں بھی انگلینڈ کو مات دی، اسی لیے ہمیں یہ ٹیگ ملا، مستقبل میں اگر ہم اچھی کارکردگی نہ دکھائیں تو یقیناً تیسرے، چوتھے یا پانچویں نمبر پر ہوں گے لیکن ایشین نمبر ٹو کا ٹائٹل ہم نے خود کو کبھی نہیں دیا۔
انہوں نے کہا کہ کبھی آپ اچھا کھیلتے ہیں تو کبھی برا، یہ کھیل کا حصہ ہے، سوچ ہمیشہ مثبت اور یہ جذبہ ہونا چاہیے کہ بہتر کھیلیں، البتہ لوگ اس پر مذاق اڑاتے ہیں، مجھے لگتا ہے کہ آج کل جتنا آپ کسی کا مذاق اڑائیں لوگ آپ کو اتنا پسند کرتے ہیں لیکن یہ اچھا نہیں لگتا۔
راشد خان کا کہنا تھا کہ ایشیا کپ سے پہلے ہماری ٹیم نے زیادہ ٹی ٹوئنٹی میچز نہیں کھیلے جس کی وجہ سے ہم آہنگی میں کمی رہی، بولنگ اٹیک کنڈیشنز کے مطابق پرفارم نہیں کر سکا اور بیٹنگ بھی مقابلے کے معیار پر پوری نہ اتری، اب ہم اگلے سال کے ٹی ٹوئنٹی ورلڈ کپ کی تیاری پر مکمل طور پر فوکس کر رہے ہیں۔
.ذریعہ: Express News
کلیدی لفظ: ٹیم کے
پڑھیں:
ہر آنے والی سیریز کو ورلڈ کپ کی تیاریوں کا حصہ سمجھ کر کھیلا جائے گا: سلمان علی آغا
data-id="863a0a8" data-element_type="widget" data-widget_type="theme-post-content.default">
راولپنڈی: قومی ٹیم کے کپتان سلمان علی آغا نے کہا ہے کہ ٹرائی نیشن سیریز میں ٹیم کی کوشش ہوگی کہ ون ڈے سیریز کا مومینٹم برقرار رکھا جائے، ہر آنے والی سیریز کو ورلڈ کپ کی تیاریوں کا حصہ سمجھ کر کھیلا جائے گا۔
راولپنڈی کرکٹ اسٹیڈیم میں پریس کانفرنس کرتے ہوئے قومی ٹیم کے کپتان سلمان علی آغا کا کہنا تھا کہ ٹیم کی کمبی نیشن میں فی الحال کوئی تبدیلی نہیں کی جا رہی اور وہی حکمت عملی برقرار رکھی جائے گی جو گزشتہ سیریز میں مؤثر ثابت ہوئی۔
قومی کرکٹ ٹیم کے کپتان نے کہا کہ ایشیا کپ میں کارکردگی متاثر کن نہیں رہی، تاہم گزشتہ وائٹ بال سیریز میں ٹیم نے مجموعی طور پر شاندار پرفارمنس دکھائی ہے، وہ اپنی فارم کو برقرار رکھنے کے لیے پوری محنت کریں گے۔
سلمان علی آغا نے مزید کہا کہ لوئر آرڈر کی کارکردگی بہتر ہے لیکن مڈل آرڈر وہ تسلسل نہیں دے سکا جو درکار ہوتا ہے۔ انہوں نے بتایا کہ ممکن ہے عبدالصمد کو نمبر 6 پر موقع فراہم کیا جائے۔
انہوں نے راولپنڈی کے شائقین کی بھرپور حمایت کا ذکر کرتے ہوئے کہا کہ تین ملکی ٹورنامنٹ میں کسی بھی ٹیم کو کمزور نہیں سمجھا جا سکتا اور کوشش ہوگی کہ اسکواڈ میں موجود تمام کھلاڑیوں کو بھرپور مواقع دیے جائیں۔
کپتان نے واضح کیا کہ ٹیم میں کوئی نمایاں تبدیلیاں نہیں کی جا رہیں، جنوبی افریقا کے خلاف کھیلنے والی ٹیم کو ہی برقرار رکھا جائے گا۔ ان کے مطابق گزشتہ کئی ماہ سے ٹیم کی حکمت عملی میں آل راؤنڈرز پر انحصار بڑھا ہے اور آئندہ بھی یہی طرز اختیار کیا جائے گا۔
ان کا مزید کہنا تھا کہ نئے کھلاڑیوں کو میدان میں لانا ترجیح ہے۔ “ہم کوشش کرتے ہیں کہ صائم اور میں دونوں باؤلنگ کریں، تاکہ کمبی نیشن متوازن رہے اور آل راؤنڈرز کو زیادہ سے زیادہ استعمال میں لایا جا سکے۔”
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ