فنکاروں کی مالی امداد کے لیے سندھ حکومت کا بڑا فیصلہ
اشاعت کی تاریخ: 7th, October 2025 GMT
سندھ حکومت نے غریب اور مستحق فنکاروں، ادیبوں اور شاعروں کی مالی مدد کے لیے قائم کردہ مینجمنٹ بورڈ میں اہم تبدیلیاں کردی ہیں۔ محکمہ ثقافت و سیاحت سندھ کے ماتحت انڈومنٹ اور وظیفوں کے لیے قائم مینجمنٹ بورڈ کا سال 2018 کا نوٹیفکیشن ختم کردیا گیا ہے۔
وزیراعلیٰ سندھ سید مراد علی شاہ کی منظوری سے چیف سیکریٹری سندھ نے بورڈ کے نئے ممبران کا نوٹیفکیشن جاری کردیا ہے۔ اس نئی تشکیل کے تحت وزیر ثقافت و سیاحت سید ذوالفقار علی شاہ مینجمنٹ بورڈ کے چیئرمین ہوں گے، جبکہ سیکریٹری کلچر وائس چیئرمین اور ڈی جی کلچر بورڈ کے سیکریٹری و ممبرز ہوں گے۔
بورڈ کے ممبران میں صدر آرٹس کونسل کراچی، صدر سکھر آرٹس کونسل، جی ایم پی ٹی وی کے نمائندے، اور سیکریٹری جنرل سندھی ادبی بورڈ شامل ہیں۔ گلوکار ممبران میں معروف گلوکارہ صنم ماروی اور رجب فقیر شامل کیے گئے ہیں۔
اداکاروں کی نمائندگی کے لیے معروف اداکار جاوید شیخ، ایوب کھوسو، احسن خان اور منیب بٹ کو بورڈ کا رکن بنایا گیا ہے۔ رائٹرز میں نورالہدیٰ شاہ اور مہتاب اکبر راشدی شامل ہیں، جبکہ یوسف بشیر قریشی اور عرفان سموں بھی بورڈ کے ممبران میں شامل کیے گئے ہیں۔
ترجمان کے مطابق سندھ حکومت کی جانب سے قائم کردہ یہ بورڈ غریب اور مستحق فنکاروں، ادیبوں، شاعروں اور اداکاروں کی مالی مدد کے لیے کام کرے گا۔ بورڈ سربراہ اور ممبران کے مشترکہ فیصلوں سے مالی امداد ضرورتمندوں کے لیے جاری کی جائے گی۔
صوبائی وزیر ثقافت و سیاحت سید ذوالفقار علی شاہ نے مینجمنٹ بورڈ میں شامل تمام ممبران کے لیے نیک خواہشات کا اظہار کرتے ہوئے کہا کہ سندھ حکومت غریب و مستحق اداکاروں، گلوکاروں، شاعروں اور ادیبوں کی مدد کے نظام کو مزید موثر اور بہتر بنا رہی ہے۔
انہوں نے کہا کہ مینجمنٹ بورڈ کے میمبران اپنے شعبوں میں ماہر ہیں اور انہیں دیگر ساتھیوں کی حالت کا بخوبی اندازہ ہوگا۔ وزیر نے مزید کہا کہ محکمہ ثقافت و سیاحت سندھ ہمیشہ سندھ کے آرٹسٹوں، شاعروں اور ادیبوں کے ساتھ بھرپور تعاون کرتا رہا ہے۔
.
ذریعہ
ذریعہ: Express News
کلیدی لفظ: ثقافت و سیاحت سندھ حکومت بورڈ کے کے لیے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ