محکمہ موسمیات نے ملک میں بارشوں کے نئے سلسلے کی پیش گوئی کردی
اشاعت کی تاریخ: 1st, October 2025 GMT
محکمہ موسمیات نے آئندہ چند روز کے دوران ملک کے مختلف علاقوں میں تیز ہواؤں، گرج چمک کے ساتھ بارش اور بعض مقامات پر ژالہ باری کی پیش گوئی کی ہے، جو 2 اکتوبر سے 7 اکتوبر کے درمیان متوقع ہے۔
محکمہ موسمیات کے مطابق پنجاب اور وفاقی دارالحکومت اسلام آباد میں 3 سے 6 اکتوبر تک بارش کے ساتھ ساتھ بعض مقامات پر ژالہ باری بھی ہو سکتی ہے۔
یہ بھی پڑھیں: این ڈی ایم اے اور محکمہ موسمیات نے بارشوں کی الگ الگ پیشگوئی کی، سینیٹ کمیٹی میں انکشاف
خیبرپختونخوا کے متعدد اضلاع میں 2 اکتوبر سے 7 اکتوبر کے دوران بارش اور کہیں کہیں تیز آندھی چلنے کا امکان ہے۔
آزاد کشمیر اور گلگت بلتستان میں 2 اور 3 اکتوبر کو بارش متوقع ہے، جبکہ 4 سے 7 اکتوبر کے دوران کشمیر کے بلند مقامات پر برفباری بھی ہو سکتی ہے، جو درجہ حرارت میں واضح کمی کا سبب بنے گی۔
محکمہ موسمیات نے اطلاع دی ہے کہ سندھ کے کئی اضلاع میں بارش کا سلسلہ آج رات سے شروع ہونے کا امکان ہے، جو 3 اکتوبر تک جاری رہ سکتا ہے۔
اسی طرح بلوچستان میں 4 سے 6 اکتوبر کے دوران بارش اور تیز ہواؤں کا خدشہ ظاہر کیا گیا ہے۔
رپورٹ میں خبردار کیا گیا ہے کہ مسلسل بارش کی صورت میں نشیبی علاقوں میں اربن فلڈنگ جبکہ ندی نالوں میں طغیانی کا خطرہ موجود ہے۔
یہ بھی پڑھیں: آئندہ 24 گھنٹوں میں ملک کے کن علاقوں میں بارشیں متوقع ہیں؟ محکمہ موسمیات نے بتا دیا
محکمہ موسمیات نے تمام متعلقہ اداروں کو ہدایت کی ہے کہ وہ کسی بھی ہنگامی صورتحال سے نمٹنے کے لیے الرٹ رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش پیشگوئی محکمہ موسمیات وی نیوز.ذریعہ: WE News
کلیدی لفظ: پیشگوئی محکمہ موسمیات وی نیوز محکمہ موسمیات نے اکتوبر کے کے دوران
پڑھیں:
بھارتی گجرات پر ہوا کا کم دباو ڈپریشن میں تبدیل، ماہی گیر 3 اکتوبر تک سمندر میں نہ جائیں، محکمہ موسمیات
فائل فوٹو۔بھارتی گجرات پر موجود ہوا کا واضح کم دباو ڈپریشن میں تبدیل ہوگیا۔
کراچی سے محکمہ موسمیات کے مطابق سسٹم کا مرکز شمال مشرقی بحیرہ عرب میں داخل ہوچکا۔
محکمہ موسمیات کا کہنا ہے کہ سندھ کے سمندر میں انتہائی طغیانی رہ سکتی ہے، ماہی گیر 3 اکتوبر تک سمندر میں جانے سے گریز کریں۔
محکمہ موسمیات کے مطابق کراچی سے یہ سسٹم 340 کلومیٹر جنوب مشرق کی طرف ہے۔ سسٹم جنوب مغرب میں عمان کی جانب رہے گا جو چند روز میں گہرے سمندر میں اختتام کو پہنچے گا۔
ترقیاتی کاموں کو جلد از جلد مکمل کیا جائے‘ڈپٹی میئر