’حاضر سکھر‘: ذیشان بلوچ خاموش خدمت کی نمایاں پہچان
اشاعت کی تاریخ: 10th, October 2025 GMT
سکھر کے نوجوان ذیشان بلوچ نے سنہ 2010 میں چند دوستوں کے ساتھ فلاحی سرگرمیوں کا آغاز کیا۔
یہ بھی پڑھیں: تقریباً صدی قبل شکارپور کو اسپتال دینے والے اودھو داس تارا چند کی لازوال خدمات
ابتدا میں یہ سفر صرف محدود وسائل کے ساتھ شروع ہوا لیکن وقت کے ساتھ یہ تحریک ایک مضبوط پلیٹ فارم ’حاضر سکھر‘ میں بدل گئی اور آج یہ تنظیم سکھر شہر اور اس کے نواحی دیہی علاقوں میں عوامی خدمت کی سب سے نمایاں پہچان سمجھی جاتی ہے۔
ذیشان بلوچ نے وی نیوز سے گفتگو کرتے ہوئے بتایا کہ ’ہم نے یہ سفر اپنی مدد آپ کے تحت شروع کیا۔ کوئی سرکاری مدد نہیں تھی بس اپنی تنخواہوں کا کچھ حصہ نکالتے اور پھر شہر کے مخیر حضرات نے بھی خاموشی سے تعاون شروع کیا‘۔
مزید پڑھیے: سندھ حکومت کی جانب سے خواتین میں پنک اسکوٹیز تقسیم
انہوں نے کہا کہ آج بھی اگر کسی کو مسئلہ ہو تو وہ ہمارے واٹس ایپ گروپس یا پیج پر رابطہ کرتا ہے جس کے بعد ہماری ٹیم تحقیق کرتی ہے اور پھر مخیر حضرات براہ راست مستحق تک پہنچ کر مدد فراہم کرتے ہیں۔
خدمات کا دائرہذیشان بلوچ اور ان کی ٹیم کے فلاحی منصوبے کئی شعبوں پر محیط ہیں۔
پانی کی فراہمی251 ہینڈ پمپس اور 5 واٹر ٹینک عوامی مقامات پر نصب کیے جن سے ہزاروں افراد مستفید ہو رہے ہیں۔
صحت کی سہولتیں177 وہیل چیئرز فراہم کیں، درجنوں میڈیکل کیمپس لگائے اور 500 سے زائد مساجد میں جائے نماز عطیہ کیں۔
تعلیم اور بچوں کی کفالت: 10 بچوں کی مستقل تعلیمی ذمہ داری اٹھائی، 1000 سے زائد کتابیں اور 100 سے زیادہ یونیفارمز فراہم کیے۔
معاشی امداد17 روزگار پروجیکٹس، 30 سے زائد سلائی مشینیں خواتین کو فراہم کیں اور 20 اجتماعی شادیوں کے کھانے کا انتظام کیا۔
خوراک کی فراہمی15 ہزار سے زائد راشن بیگز، 3000 لیٹر دودھ، 10 ہزار سے زیادہ کپڑے، اور 500 کمبل تقسیم کیے۔
ماحولیات اور شجرکاری5 ہزار سے زائد درخت لگائے جن پر گزشتہ سال حکومت سندھ اور میئر سکھر نے ذیشان بلوچ کو 5 لاکھ روپے انعام دیا لیکن ذیشان بلوچ نے اگلے ہی دن وہ رقم راشن کی شکل میں مستحق خاندانوں میں تقسیم کر دی۔
انہوں نے کہا کہ ہمارا نظریہ یہ ہے کہ امداد کو زکوٰۃ یا صدقہ نہ سمجھا جائے بلکہ تحفے کے طور پر دیا جائے۔ انہوں نے مزید کہا کہ اصل خوشی ہمیں اس وقت ملتی ہے جب کسی ضرورت مند کی زندگی میں آسانی آتی ہے۔
ایمرجنسی اور ریسکیو خدماتذیشان بلوچ اور ان کی ٹیم نے صرف عام فلاحی کام ہی نہیں کیے بلکہ ایمرجنسی حالات میں بھی بڑھ چڑھ کر حصہ لیا۔
مزید پڑھیں: سندھ میں توانائی کے نئے ذخائر، درآمدی انحصار میں کمی کی امید
سنہ2022 کے سیلاب میں متاثرین کے لیے خصوصی ریلیف مہم چلائی،282 گمشدہ بچوں کو بازیاب کرایا،240 ریسکیو کیسز میں براہ راست مدد فراہم کی،1230 شہری مسائل حل کرائے اور 300 سے زائد جانوروں و پرندوں کو ریسکیو کیا۔
ذیشان بلوچ نے کہا کہ ہمارے شہر کے لوگ جانتے ہیں کہ ہم کسی کی مشکل دیکھ کر خاموش نہیں رہتے۔ انہوں نے مزید کہا کہ کبھی علاج کرانا ہو، کبھی روزگار دلوانا ہو یا کبھی فوری مدد درکار ہو تو ہم اپنی پوری کوشش کرتے ہیں کہ حل نکال سکیں۔
مقبولیت اور عوامی اعتمادآج ’حاضر سکھر‘ کے 80 ہزار سے زائد فالورز فیس بک پر موجود ہیں جبکہ ٹیم ممبرز کی تعداد 400 سے زیادہ ہے۔
مقامی سطح پر ذیشان بلوچ کو کئی ایوارڈز مل چکے ہیں اور عوام انہیں عزت و احترام کی نگاہ سے دیکھتے ہیں۔
انہوں نے کہا کہ یہ سب کچھ میری ٹیم کی محنت اور عوام کے اعتماد کے بغیر ممکن نہیں تھا۔ انہوں نے مزید کہا کہ ہم سب دوست اپنی تنخواہوں میں سے حصہ ڈالتے ہیں اور شہر کے مخیر حضرات بھی خاموشی سے ہماری مدد کرتے ہیں اور یہی تعاون ہمیں آگے بڑھنے کا حوصلہ دیتا ہے۔
یہ بھی پڑھیے: سندھ حکومت کا پہلی سرکاری ٹیکسی سروس کے آغاز کا فیصلہ
ذیشان بلوچ اور ان کی ٹیم اس بات کی روشن مثال ہیں کہ اگر نیت صاف ہو اور خدمت کا جذبہ دل میں موجود ہو تو بڑے وسائل کے بغیر بھی ہزاروں افراد کی زندگیاں بدلی جا سکتی ہیں۔ ان کا سفر آج بھی جاری ہے اور ہر دن ایک نئی امید کے ساتھ مزید لوگوں کی زندگیوں میں آسانی لا رہا ہے۔ مزید تفصیل جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حاضر سکھر ذیشان بلوچ سکھر میں سماجی کام.ذریعہ: WE News
کلیدی لفظ: حاضر سکھر ذیشان بلوچ سکھر میں سماجی کام ذیشان بلوچ نے حاضر سکھر نے کہا کہ انہوں نے فراہم کی کے ساتھ
پڑھیں:
چیئرمین جوائنٹ چیفس آف اسٹاف کمیٹی کا ائیر ہیڈ کوارٹرز کا الوداعی دورہ، سربراہ پاک فضائیہ کی قومی دفاع کیلئے جنرل ساحر شمشاد مرزا کی نمایاں خدمات کی تعریف
چیئرمین جوائنٹ چیفس آف اسٹاف کمیٹی کا ائیر ہیڈ کوارٹرز کا الوداعی دورہ، سربراہ پاک فضائیہ کی قومی دفاع کیلئے جنرل ساحر شمشاد مرزا کی نمایاں خدمات کی تعریف WhatsAppFacebookTwitter 0 25 November, 2025 سب نیوز
اسلام آباد (سب نیوز)اپنی الوداعی مصروفیات کے جزویہ طور پر جنرل ساحر شمشاد مرزا، چیئرمین جوائنٹ چیفس آف اسٹاف کمیٹی، نے ایئر ہیڈ کوارٹرز اسلام آباد کا دورہ کیا۔ سربراہ پاک فضائیہ ائیر چیف مارشل ظہیر احمد بابر سدھو نے انکا استقبال کیا۔ ائیر ہیڈ کوارٹرز آمد پر پاک فضائیہ کے ایک چاق و چوبند دستے نے معزز مہمان کو گارڈ آف آنر پیش کیا۔ بعد ازاں، چیئرمین جوائنٹ چیفس آف اسٹاف کمیٹی نے سربراہ پاک فضائیہ سے انکے دفتر میں ملاقات کی۔ ائیر چیف مارشل ظہیر احمد بابر سدھو نے چیئرمین جوائنٹ چیفس آف اسٹاف کمیٹی کی مثالی خدمات اور تینوں مسلح افواج میں ہم آہنگی کو مضبوط و مربوط بنانے میں انکے اہم کردار کی تعریف کی۔
سربراہ پاک فضائیہ نے قومی دفاع کے لیے جنرل ساحر شمشاد مرزا کی نمایاں خدمات کو بھی سراہا اور دہشتگردی کی لعنت کے خاتمے کے لیے مسلح افواج کے ساتھ مل کر کام جاری رکھنے کے پاک فضائیہ کے غیر متزلزل عزم کا اعادہ کیا۔چیئرمین جوائنٹ چیفس آف سٹاف کمیٹی نے پاک فضائیہ کی جنگی تیاریوں، عملی مہارت، جدت طرازی اور اپ گریڈیشن کے اقدامات پر اطمینان کا اظہار کیا۔ انہوں نے پاکستان کی فضائی سرحدوں کی حفاظت میں پاک فضائیہ کے اہلکاروں کی پیشہ ورانہ مہارت و لگن کو سراہا اور دہشتگردی کے عفریت کے خلاف قومی جنگ میں پاک فضائیہ کے اہم کردار کا اعتراف کیا۔ انہوں نے پاکستان کی تینوں مسلح افواج کے مابین موجودہ ہم آہنگی کو بھی سراہا اور اس اعتماد کا اظہار کیا کہ یہ تعاون مستقبل میں مزید فروغ پاتا رہے گا۔ جنرل ساحر شمشاد مرزا نے پاک فضائیہ کی بھرپور حمایت پر ائیر چیف کا شکریہ ادا کرتے ہوئے پی اے ایف اور اسکی قیادت کے لیے نیک خواہشات کا اظہار کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرانتخابی ضابطہ اخلاق کی خلاف ورزی ، الیکشن کمیشن نے سہیل آفریدی کیخلاف فیصلہ محفوظ کر لیا انتخابی ضابطہ اخلاق کی خلاف ورزی ، الیکشن کمیشن نے سہیل آفریدی کیخلاف فیصلہ محفوظ کر لیا ن لیگ کو ووٹر کے بغیر الیکشن لڑنے کی عادت پڑ گئی ہے، چودھری پرویز الٰہی وزیراعظم کا دانش یونیورسٹی سائٹس کا دورہ، منصوبے کی شفافیت یقینی بنانے کی ہدایت پاکستان اور ایران کا پارلیمانی اور عوامی سطح پر رابطوں کو فروغ دینے پر اتفاق عمران خان سے ملاقات کیلئے علیمہ خان کا اڈیالہ روڈ پر دھرنا، بڑی تعداد میں کارکنان جمع، نعرے بازی چیئرمین جوائنٹ چیفس آف سٹاف کمیٹی جنرل ساحر شمشاد مرزا کی فیلڈ مارشل سید عاصم منیر سے الوداعی ملاقاتCopyright © 2025, All Rights Reserved
رابطہ کریں ہماری ٹیم
بھارت کے ساتھ اب بھی جنگ کا خطرہ ہے: وزیر دفاع