ارشد ندیم کے کوچ سلمان بٹ پر تاحیات پابندی
اشاعت کی تاریخ: 12th, October 2025 GMT
ایتھلیٹکس فیڈریشن آف پاکستان (اے ایف پی) نے اولمپک چیمپئن ارشد ندیم کے کوچ سلمان بٹ پر آئین کی سنگین خلاف ورزیوں کے الزام میں تاحیات پابندی عائد کر دی ہے۔
اے ایف پی کی جانب سے جاری بیان کے مطابق یہ فیصلہ 10 اکتوبر کو صدر وجاہت حسین ساہی کی زیرِ صدارت ایگزیکٹو کمیٹی کے اجلاس میں کیا گیا، جس میں شفافیت، آئینی عملداری اور تنظیمی نظم کو برقرار رکھنے کے لیے اہم انتظامی فیصلے کیے گئے۔
یہ بھی پڑھیں: ارشد ندیم نے ایشین چیمپیئن شپ میں گولڈ میڈل جیتنے کے بعد میاں چنوں پہنچ کر کیا پیغام دیا؟
فیڈریشن نے سلمان بٹ پر الزام عائد کیا کہ انہوں نے بطور سابق عہدیدار پنجاب ایتھلیٹکس ایسوسی ایشن (پی اے اے) کے آئین کی خلاف ورزیاں کیں۔ بیان میں کہا گیا کہ وہ آئندہ کسی بھی ایتھلیٹکس سرگرمی میں، خواہ بطور کوچ، کھلاڑی، عہدیدار یا نمائندہ، ملکی یا بین الاقوامی سطح پر حصہ نہیں لے سکیں گے۔
اسی اجلاس میں حبیب شاہ، سابق سیکریٹری پنجاب ایتھلیٹکس ایسوسی ایشن، پر بھی 10 سال کے لیے ہر قسم کی ایتھلیٹکس سرگرمیوں میں حصہ لینے پر پابندی عائد کی گئی۔
اے ایف پی نے 31 اگست 2025 کو ہونے والے پنجاب ایتھلیٹکس ایسوسی ایشن کے انتخابات کو بھی غیر قانونی، غیر آئینی اور کالعدم قرار دے دیا۔ کمیٹی کے مطابق انتخابات کے اعلان سے صرف دو روز قبل، یعنی 29 اگست کو رات گئے اطلاع دی گئی، حالانکہ فیڈریشن کے آئین کے تحت کم از کم 21 دن پہلے انتخابی اجلاس کا نوٹس جاری کرنا لازمی ہے۔
یہ بھی پڑھیں: پاکستان اسپورٹس بورڈ کی جانب سے ارشد ندیم سمیت 36 کھلاڑیوں میں کیش انعامات تقسیم
مزید کہا گیا کہ حتیٰ کہ ایسوسی ایشن کے سینئر نائب صدر کو بھی انتخابات کے شیڈول کا علم 30 اگست تک نہیں تھا، جو شفافیت کی مکمل کمی اور آئینی اصولوں کی خلاف ورزی کو ظاہر کرتا ہے۔
فیڈریشن نے ان اقدامات کو آئین کو کمزور کرنے کی دانستہ کوشش قرار دیا اور واضح کیا کہ ایسی روش کسی صورت برداشت نہیں کی جائے گی۔ صورتحال کی اصلاح کے لیے ایک منیجمنٹ کمیٹی قائم کی گئی ہے جس کی سربراہی شاہدہ خانم کریں گی۔ یہ کمیٹی پنجاب ایتھلیٹکس ایسوسی ایشن کے شفاف اور آئینی انتخابات منعقد کرائے گی اور اس وقت تک ایسوسی ایشن کے معمول کے امور بھی چلائے گی۔
صدر اے ایف پی وجاہت ساہی نے بتایا کہ انہیں انتخابات کی اطلاع 29 اگست کو رات 11:39 بجے ملی، اور اگلے روز ہی اے ایف پی نے انہیں غیر قانونی قرار دے دیا تھا۔ ان کے مطابق سلمان بٹ 6 اگست کے بعد پی اے اے کے صدر نہیں رہے تھے، لیکن وہ دوبارہ صدارت کے امیدوار بننے کی کوشش کر رہے تھے۔
یہ بھی پڑھیں: ارشد ندیم اور فیملی کے لیے بڑا اعلان، مگر کیا؟
وجاہت ساہی نے کہا کہ تحقیقات مکمل ہونے کے بعد کمیٹی نے سخت کارروائی کی سفارش کی۔ ان کے مطابق اے ایف پی کا مقصد قومی وقار کو بلند رکھنا ہے، جیسا کہ پیرس 2024 اولمپکس میں سونے کا تمغہ جیت کر پاکستان کا نام روشن کیا گیا۔
انہوں نے کہا کہ سلمان بٹ کو تاحیات پابندی کے فیصلے کے خلاف اپیل کا حق حاصل ہے، جیسا کہ آئین میں درج ہے۔
قابلِ ذکر بات یہ ہے کہ سلمان بٹ کو اے ایف پی نے ٹوکیو 2021 اولمپکس کے بعد ارشد ندیم کا کوچ مقرر کیا تھا۔ ان کی کوچنگ میں ارشد ندیم نے 2022 کامن ویلتھ گیمز میں گولڈ، 2023 ورلڈ ایتھلیٹکس چیمپئن شپ میں سلور، اور پیرس 2024 اولمپکس میں گولڈ میڈل جیتا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارشد ندیم ایتھلیٹکس فیڈریشن آف پاکستا پابندی عائد سلمان بٹ کوچ.ذریعہ: WE News
کلیدی لفظ: ایتھلیٹکس فیڈریشن آف پاکستا پابندی عائد کوچ پنجاب ایتھلیٹکس ایسوسی ایشن ایسوسی ایشن کے اے ایف پی کے مطابق کے لیے کے بعد
پڑھیں:
پاکستان سول ایوی ایشن اتھارٹی کی غفلت، سیرین ائیر لائن تباہی کے دہانے پر
پاکستان سول ایوی ایشن اتھارٹی کی نااہلی اور روایتی لاپرواہی کی وجہ سے سیرین ائیر لائن بحران کا شکار ہو گئی ہے۔
تفصیلات کے مطابق، اتھارٹی کی جانب سے لائسنس کی بروقت بحالی نہ ہونے کے باعث سیرین ائیر لائن کے 1,200 سے زائد ملازمین کو دو ماہ سے تنخواہیں نہیں ملی ہیں۔
سیرین ائیر لائن نے وزارت ہوا بازی سے درخواست کی ہے کہ اس کا ایئر آپریٹنگ سرٹیفکیٹ فوری طور پر بحال کیا جائے تاکہ آپریشنز دوبارہ شروع کیے جا سکیں اور ملازمین کی ایک ماہ کی تنخواہ آئندہ ماہ ادا کی جا سکے۔
انتظامیہ نے بتایا کہ لائسنس کی بحالی کے بعد چین میں موجود جہاز اور دیگر ممالک سے آرہے اسپئیر پارٹس کو متحرک کر کے فضائی آپریشن دوبارہ شروع کیا جائے گا۔
سول ایوی ایشن اتھارٹی نے دو ماہ قبل جہازوں کی تعداد کم ہونے اور مسافروں کو بروقت منزل تک نہ پہنچانے کی بنیاد پر لائسنس معطل کر دیا تھا، جس کے باعث اندرون اور بیرون ملک پروازیں بھی متاثر ہوئی ہیں۔ ذرائع کے مطابق، اگر اتھارٹی بروقت کارروائی کرتی تو آج سیرین ائیر لائن کا فضائی آپریشن معطل نہ ہوتا۔
دوسری جانب، سیرین ائیر لائن کے چیف آپریٹنگ آفیسر عبد الباسط کا کہنا ہے کہ لائسنس بحال ہوتے ہی آپریشنز بحال ہو جائیں گے اور ملازمین کی تنخواہوں کی ادائیگی بھی جلد شروع ہو جائے گی۔
تحریک تحفظ آئین پاکستان کی اپیل پر ملتان میں بھی یوم سیاہ، نماز جمعہ کے بعد سیاہ پٹیاں باندھ کر احتجاج