جھنگ، ایم ڈبلیو ایم کے زیراہتمام قائم بھروانہ میں شہید مقاومت سیمینار، کارکنان میں شیلڈز تقسیم
اشاعت کی تاریخ: 14th, October 2025 GMT
برسی میں شرکاء کی بڑی تعداد نے شرکت کی، مقررین اور عوام نے شہداء کے ساتھ اپنی والہانہ عقیدت و محبت کا اظہار کیا، شہداء کی یاد میں خصوصی طور پر ماحول سازی کی گئی جہاں شہداء کی تصاویر نمایاں تھیں، برسی شہید مقاومت کے اختتام پر سیلاب زدگان کی خدمت میں دن رات مصروف عمل رہنے والے کارکنان میں شیلڈز تقسیم کیں۔ اسلام ٹائمز۔ مجلس وحدت مسلمین ضلع جھنگ کی جانب سے جامعة القائم قائم بھروانہ میں شہید مقاومت کانفرنس کا انعقاد کیا گیا جس سے مرکزی صدر عزاداری ونگ علامہ سید اقتدار حسین نقوی، معروف نوحہ خواں برادر شاہد علی شاہد بلتستانی، ضلعی صدر مولانا روح اللہ کاظمی اور دیگر نے خطاب کیا۔ برسی میں شرکاء کی بڑی تعداد نے شرکت کی، مقررین اور عوام نے شہداء کے ساتھ اپنی والہانہ عقیدت و محبت کا اظہار کیا۔ شہداء کی یاد میں خصوصی طور پر ماحول سازی کی گئی جہاں شہداء کی تصاویر نمایاں تھیں۔ برسی شہید مقاومت کے اختتام پر سیلاب زدگان کی خدمت میں دن رات مصروف عمل رہنے والے مجلس وحدت مسلمین ضلع جھنگ، امامیہ اسٹوڈنٹس آرگنائزیشن اور وحدت یوتھ کے عہدیداران اور کارکنان میں حسن کارکردگی کی اسناد علامہ اقتدار حسین نقوی نے تقسیم کیں۔
.ذریعہ: Islam Times
کلیدی لفظ: شہید مقاومت شہداء کی
پڑھیں:
ماتلی،پاکستان اسلامک میڈیکل ایسوسی ایشن کے تحت سیمینار
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت) پاکستان اسلامک میڈیکل ایسوسی ایشن (پیما) ماتلی کے زیر اہتمام مقامی ہال میں موٹاپے اور ذیابیطس کے بڑھتے ہوئے رجحان اور ان سے محفوظ رہنے کی احتیاطی تدابیر سے متعلق ایک آگاہی سیمینار منعقد ہوا، جس میں شہریوں، سماجی رہنماؤں، تاجران، ڈاکٹروں اور طلبہ نے بھرپور شرکت کی۔تقریب سے معروف معالج ڈاکٹر علی اصغر اور ڈاکٹر عبدالمالک شیخ نے تفصیلی لیکچر دیا۔خطاب کرتے ہوئے ڈاکٹر عبدالمالک شیخ نے شرکاکو پاکستان اسلامک میڈیکل ایسوسی ایشن (پیما) کا تعارف کراتے ہوئے بتایا کہ پیما ملک بھر کے ڈاکٹروں اور میڈیکل پروفیشنلز پر مشتمل ایک فعال تنظیم ہے جو عوامی فلاح، صحت عامہ کی بہتری اور طبی شعور اجاگر کرنے کے لیے کئی دہائیوں سے خدمات سر انجام دے رہی ہے۔ انہوں نے کہا کہ پیما نہ صرف ذیابیطس، ہائی بلڈ پریشر اور امراضِ قلب سے متعلق آگاہی پھیلاتی ہے بلکہ دور دراز علاقوں میں فری میڈیکل کیمپس، اسکریننگ پروگرام، ہیلپ لائنز اور مختلف بیماریوں سے متعلق تعلیمی سیشنز بھی منعقد کرتی رہتی ہے۔انہوں نے بتایا کہ پیما کی جانب سے ذیابیطس کے مریضوں کی رہنمائی کے لیے سال بھر خصوصی آگاہی پروگرام، غذائی مشوروں پر مشتمل ورکشاپس، مفت شوگر ٹیسٹنگ کیمپ اور ماہر ڈاکٹروں کے لیکچرز کا اہتمام کیا جاتا ہے تاکہ عوام بروقت تشخیص کروا سکیں اور بہتر طرزِ زندگی اپنا کر اس مرض پر قابو پا سکیں۔سیمینار سے خطاب کرتے ہوئے ڈاکٹر علی اصغر نے تشویش ظاہر کی کہ سال 2025 ء میں پاکستان ذیابیطس کی شرح کے حوالے سے دنیا میں پہلے نمبر پر آ چکا ہے۔ انہوں نے کہا کہ ملک میں ہر تین میں سے ایک پاکستانی شوگر کے مرض میں مبتلا ہے جبکہ مجموعی طور پر موٹاپے کی شرح 50 فیصد اور بچوں میں 40 فیصد تک پہنچ چکی ہے، جو صحت کے بڑے بحران کی طرف اشارہ کرتی ہے۔ان کا مزید کہنا تھا کہ پاکستان میں اس وقت 3 کروڑ 50 لاکھ سے زائد افراد ذیابیطس کا شکار ہیں، جبکہ طرزِ زندگی میں معمولی بہتری بھی اس مرض کے پھیلاؤ میں مؤثر کمی لا سکتی ہے۔مقررین نے زور دیا کہ متوازن غذا، روزانہ ورزش، جلد تشخیص، وزن میں کمی اور باقاعدہ میڈیکل چیک اپ اس بیماری کے خطرات کو نمایاں طور پر کم کر سکتے ہیں۔سیمینار میں ایم پی اے ماتلی کے کوآرڈینیٹر محمد صالح ہالیپوٹا، چیئرمین میونسپل کمیٹی ماتلی، مختلف محکموں کے نمائندوں اور شہری اکابرین نے شرکت کی اور پیما ماتلی کی صحت عامہ کے لیے جاری کوششوں کو سراہا۔
13 حلقوں میں ضمنی انتخابات کیلیے پولنگ کا وقت ختم